2 Corintios 5:17 - Sinia' Jlamtis 1994

¹⁷ Jak je iyoyi ti po' siunie ti inijwankitik'i pi Sijwajieti, ika pet ti ink'ie', siunie jilisanik ti ink'ie'. 'Yina siuniwa wask'i'nelaja paj yam'niji. Poye pet siuniwa wask'i'nelaja ink'iejyis 'nakayi.

2 Corintios 5:17 ပူးပေါင်းရင်းမြစ်များ

Mateo 12:33

“Siojona a'la' ti 'es isis pet niwa jla', jlampet siojona ti je 'es je isis pet niwa jla'. Jla' niwak 'yakajanit jana a'la' ti je 'es, ni'ne ti 'es jana a'la'.

Mateo 24:35

Siunie poli siu'neje 'ni ajnat janetia'n, 'yina jlampet niwa yamtis ja ke paja ka inetia'n jla'am.

Lucas 5:38

Siunie at'es ti ink'ie' tisiayejak'iji'n pet siuniwa 'nejes ti ink'iejyis.

Juan 14:20

Janak siojona jloma ti ja'najanayi pa jawonayi ti ya'am ajyi ni Inia', jlam pet ti asa'am jleye iwia'm, 'yina ya'am aye pet aswa'm.

Juan 15:2

Siuti i'wi'in ni jik'as ni je 'es, je iyo jlaye, nak ijwiejaje. Jlam pet siuniwa jik'ase'l ti isis ti iyo 'ni jlaye, niwak ijiatayiji ti i'yena, sekyi'i ti yisitak'i ilia'm ti ilisa'n.

Juan 15:5

“Ya'am siojona ts'ejniek jit'io, asa'am ti jik'ase'lase'm. I'nio' ni je paj kanleyi ti ini'nopijietk'i, siupet ti ya'am kia'iyojliyi ani'nopijiet'ase, nak poye niwa tajla'm siuniwa isis ti iyo, niwak siuniwa jla'. 'Yina siuti siliejk'i je ji'yakana' paka woyeyi.

Juan 17:23

'nakayeyijna'a pet ti ya'am jayiji ti jlamis, jlampet ti a'am jle' ijiap, sekjane'yi ka ijiatayijijna'a siunie iniwonisi ti iniwo'om. Siuti kiak jawo, ka intant'iejayijna'a napo i'nio' ti ya'am ti sijliu', jla'yi ki iyo ti wuj ti i'namaja siunapo jiwenk'i'm, iyo'ate pet ti semi'n.

Juan 3:3

Jesús iyo'ate ti isiujlie: —Ijiate, ijiatk'i siunie jayo, lajk'ipa kan'we'en pi k'iejliyi pi Sinia' jika anechijiayas ijiatjliyi jla'am ni i'nio' ti yikiajle'e ti k'iejli yiji'n, nak jantant'ieje.

Juan 3:5

Jesús iyo'ate ti isiujlie: —Ijiate, ijiatk'i siunie awo ti jayo'ate, lajk'ipa ka 'najane paka inwone ka 'noyi ni jika anechijiayas pi Sinia' ijiatjliyi jla'am ni i'nio' ti k'iejli yijijyi'n ni i'niat jla'yi jana Sinia' jikimet.

Romanos 16:10

Atejwile 'neje siojo Apeles, jla'am ti ijiate ti je inijweki ti yamk'i pa Sijwajieti. Siu'neje japo ji'wet jlele pet ja Aristóbulo, atejwile.

Romanos 16:11

Siu'neje ja i'wit ijwienjliyi pet siujlieja ajnat ataj'le jle' iyo'ate Herodión, jla'yi japo Narciso ji'wet jlele pet, ti iyo niwa Saka'niona jlamtis.

Romanos 16:3

Atejwile jlaja Prisca jla'yi ja Aquila, ya'yis'ni ti akimak'iji'n ti anokieje pa Sijwajieti Jesús.

Romanos 16:7

Atejwile ja Andrónico jla'yi jlaja Junias, ti ijwienjli atajla'a pet siojona ajnat si'wet pet, ya'yispe ti awak insat jiweje. Napok 'yakajats'i ti iniuyeje napo injlojwajnas, ti je awojli'ijyi ijiusik ink'ieye, ta'ape jla'am ti iyoyisi ni inamtik ti itienkiunisi pa Sijwajieti.

Romanos 16:9

Siojo Urbano ti kia'iyo yiminik, ti sa'yi'ni ti akimak'iji'n ti anokieje pa Sijwajieti, atejwile, siu'neje ja ti kia'iyo ts'amaja Estaquis.

Romanos 7:6

Jlam'ne 'nakayi ti masests'e'm jitieyi'i naka inka'neyasajnaye, ijiate ajwayeje siukia iyonts'e, ti iyonts'e jikipijnasats'e'm. Sekyi'i anisakanaja pet ti anokieje ni Sinia', kajeyepa ti je pa awakie kiajwe ni siuniwa inlesajna' ti naka inka'neyasajnaye, anokiek'i pet siunie ji'niayi iyo janak Sinia' jikimet, janaka in'wasankiye ti ink'ie'.

Romanos 8:1

Siunapo i'nio' napo ini'nopijieteje ni Sijwajieti Jesús, napok 'yaka pet ti laj jitisa'.

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

1 Corintios 13:11

Siuti awo kia'leja', siuniwa yamtis t'ipi kia'lis jlamtis. Kia'iyojliyi siunie itienkiujnieye iyo, iyo ni kia'le jitienkiujnieye pet. Kia'iyojliyi siunie isiowe awone, kia'le jikiowe ni yik'i kajeyepa. 'Yina siuti sikijliye, atajlaje siunie jike' iyo pit ni kia'le.

2 Corintios 12:2

Ya'am sitiant'ieje ja i'nio' ti ijiate ti je 'yakakiu pa Jesús, 'nak catórceja kiwa itij'w isia'm najkapis ti tokiji ti si'wenkinaja siunie yi'i ni poli ti tomi pijiame niwa poliyis ti najape. 'Yina nak je ts'ajane'ne ka jiwats'oye, ni'ne ka jisiak'ala wek pa ti tikiniejayipe. ¡Sinia' jla'am ti 'yijene pi iyone!

2 Corintios 5:16

Nak it'imina ti aleki ti awoki siunie sitienkiujnieye iyone siunapo i'nio' ti k'iejliyi pi iyone pi yi'i pi jikiecha. 'Wanjliyi ijiate ti sitienkiujnieye kiak t'ipa iyoyetajapi ti ena'a pa Sijwajieti, 'yina 'nakayi je pa kia' iyoyeyi.

2 Corintios 5:19

Ka iyo'ate ti pak it'imina ti Sinia' kiak iyone napo i'nio', ajwel pa Sijwajieti ti jlam jla'am pa Sinia' ti itione, ti ini'nopijieteje wita'm. 'Yina jitiej je yiji'ni 'ate, siunie iyo ni jloski'la iyo napo i'nio'. Sekyi'i iwints'e'm siunie sikijmaye, ti ja 'nakayeyi ti jantant'ieje napo i'nio' naka.

2 Corintios 5:21

Sijwajieti je iyoyi paka k'iejliyeyi paka jikeye, 'yina Sinia' iyojwa'n inkeye' ti sit'iminik. Sekyi'i ti kasjnajietajats'i, siuti awakiap ni Sijwajieti.

Gálatas 3:28

'Yina je a'yena ka Judío pa, ni'ne ka nakaye ni je Judío. Je a'yena ka inkipinikie' pa, ni'ne ka jeye, siu'neje ka ayinieja' pa, ni'ne ka asejniaye japa. Kajeyepa siuti jini'nopijietayi ni Sijwajieti sekyi'i ti ijiatayi ti injwanjliyeyik'i.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

Gálatas 6:15

Ijiate ti laj lajayeyi siut'itie ka kiak iwo pa i'nioye ka kiak tiwonaja ka t'isie'n jiwa tejwak'i, ni'ne ka je ineyi naka. 'Yina jla'm ijiate jla'am siunie ka inwo ink'ieye ni i'nio', nak ijiate ti laja po'.

Efesios 2:10

Sinia' jlam ti jilisajnats'e'm; 'yotats'e ka iyoki siuniwa sikijmayejes ti isis ka lajak'i ki iyo ti ani'nopijietayi wita'm pi Sijwajieti Jesús. 'Yina je ijlie'n pet siupi iyot'iyipi ti 'nelanjie'e, iyo ka kiak iyoki siu'niwa jlomas.

Efesios 2:15

'yina sek jlaj yi'i ki Moisés jika'neyasajnaye, siunie jikijmaye iyot'iyipi siupapo taka'neyasane. Naka'ne siunie ti sa'am Judíojosts'e'm siu'neje ti asa'am pet ti 'wena'ase'm, kaswom wita'm ti iyo ka kasjwanjlik'i, jla'yi ti jla'am ti jitis naka 'ni awoki ti ink'iejyists'e'm ti awakiap. 'Yina kiaka'ne ti wakajla siunie inkamankiye ti jlam ti ilisane.

Filipenses 4:21

Atejwile wikie'eyi japo Sinia' jilis, ti ini'nopijiete wita'm pa Sijwajieti Jesús. Jlampet 'napo si'lijwas ti ajyi wuj ti itijwi'lase pit.