2 Corintios 5:15 - Sinia' Jlamtis 1994

¹⁵ 'Yina Sijwajieti iniwe'n ape'e napo i'nio', jak je iyoyiji siunapo 'wasajne'n je pa iyoyeyi siunie ti jlamis ti itiliaja ka woyisi. Najata jla'am ti iyoyi siunie iyo ka woyi siunie i'nio' iniwe'n ape'e, siu'neje ni iniu kisie'e ti tajli ni a'no', ti naka ti isisi.

2 Corintios 5:15 ပူးပေါင်းရင်းမြစ်များ

Lucas 1:74

ti ijwi'il ti janoyits'e'm ka inetiets'e papo sakojwas, ja 'nakayeyijna'a pet ti janiukieje, ja ke kassots'ina paka k'iejliyeyi.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

Juan 6:57

Siunie Inia' ti sijliu' ji'wasankiye po', it'imina pet ti i'wiesankiye po'. Tempi it'imina siunie i'nio' ti sitiujw, nak ji'wasankiye poye'eje.

Romanos 12:1

Ijiatjliyi 'napo i'lijwas, siuti Sinia' jikap'ijliuskiye yints'e'm, wuj ti anip'elisi'niase ti jayo'ate, ká anitejna'm ni Sinia', niwone 'ate siunie ti tiwonaja ji'wajieta' ti jla'am ti tiwunie, ti i'wasanajyi'n, ti i'notata k'iye, jla'yi ti 'yakanit'ni pa Sinia' siunie jini iyo. Naka ni siunie ti jlonitieta pa Sinia' ti je niliak. 'Esiji ka je aleyi ti ja e'ne ni Sinia'.

Romanos 4:25

Jlam ti tekiajlaja ni siunie inlaye iyo ti tiliana sitipe'e ti sa'am ti awoki ni sake', sekyi'i tiniujwana kisie'e ti tajli ki a'no', ja'nakayeyi ti Sinia' ja kaslesajne'n pet.

Romanos 6:2

¡Jeyi, je 'esiji! Kajeyepa ti masests'e'm jitieyi'i ni inke' jayoyi. Jakajliete, ¿yot'iyi'ni jiat'eje ka 'esieyiji ka jlam inajliyiji ka iyoki naka sake'?

Romanos 6:6

Kasts'ajane pa awonaja ti siojokia si'wasankiye ti inia'an ti paj jiliaye iniuyi pet wita'm pi Sijwajieti ti tik'iejwata'a japa cruz, 'nakayi pet siuniwa ti kasteliaja ka iyoki ti talts'e ja lajana'a jijweyeja' pet, sek jane'yi ka siunie inke' ja ke iwoyeyijna'a jikipijnasats'e'm.

Romanos 8:10

Jlampet ti Sijwajieti jane'yi aswa'm, siojona Sinia' jikimet janak iyo as'wasankiyeja' pet, kajeyepa ti Sinia' pajk'i ti inlesanajyi'n, 'wanjliyi niwakatajata siuniwa askeyis ti ijioyiji niwa 'assienis jana 'najlati, naka ti jlaj yi'i.

Romanos 8:2

Kajeyepa ti siojona Sinia' jikimet, ti jikijmaye ti iyo si'wasankiyejayi siupa ti iyot'iyipi pa Sijwajieti Jesús, kasjwajiete siunie jikijmaye iyo ni inke', siu'neje ni inlaye.

Romanos 8:6

Jlampet ti 'o'we' siuniwa ti ya'am emink'i ka iyoyi, niwak soyiji jana 'najlati. Jlampet ti janiwakaye siuniwa ti tajle janak Sinia' jikimet ti jayoyi itienkiujnieyeja', nak iyo i'wiesankiyeja', jla'yi ti iyo ikamankiyeja'.

1 Corintios 10:33

Jlampet siunie awoyi, ti awotajank'iye ka k'iejliyeyi paka iyoyi, ja ke its'ijlianiti k'iye ka 'winkina, kajeyepa ti je awoyi ka yama ka ininajnat ka iyojyi'n paka ts'esi. 'Wenajliyi ti awojyi'n paka insesi napo i'nio', 'nakayi ti janjwa'.

2 Corintios 12:10

'Yina awo'neje 'ate, inikanitiejeye yiji ti kiak awoyi laj it'iuniye, siu'neje ti ajyi naka ti siliakik, siu'neje ti po' jana jloma ti lajk'iyi pa ka k'iejliyeyi paka i'wi'in, siu'neje ti po' napo ti teje ijyilia'm, siu'neje ti akk'i pi Sijwajieti ti ijiate ti istie' ni i'niayi. 'Yina siupet ti kia'iyo ti laj ijwiyeja', sek tajla'aja pet ni ijwiye ti Saka'niona iwink'i'm.

2 Corintios 3:6

'Yina ti jla'am pa Sinia' ti kasts'eyasa'n, kajeyepa ti iyo ka iwo jiwosats'e'm siuniwa jlamtis, ti iyo ink'ieye siunie iyot'iyipi. Siuniwa jlamtis siupa iyot'iyipi ti iwiets'ilati, je ka inkio' jilisanikie' ka ne'yi paka imp'esinikie', 'yina 'wenajliyi siunie iyo ni jikijmaye jana jikimet. Siuniwa Sinia' jlamtis 'neje ti yi'i ni inka'neyasajnaye, ti tena'a ni imp'esinik, ijioyiji pet jana 'najlati napo i'nio', jlampet siojona jikimet ti tajle ni Sinia' iyo ji'wasankiyeja' napo i'nio'.

2 Corintios 5:16

Nak it'imina ti aleki ti awoki siunie sitienkiujnieye iyone siunapo i'nio' ti k'iejliyi pi iyone pi yi'i pi jikiecha. 'Wanjliyi ijiate ti sitienkiujnieye kiak t'ipa iyoyetajapi ti ena'a pa Sijwajieti, 'yina 'nakayi je pa kia' iyoyeyi.

Gálatas 5:25

'Nakayi siuti janaka Sinia' jikimet ti kasts'isisi, kiak jayoki'ijyi pet 'esiji ka najk'i siunie iyo.

Efesios 4:17

Siu'nie jayo'nase, ti jajliu'wase'm, ya'am ti Saka'niona ji'lij iliyi ijiap, wuj ti 'ejie'nase'm ka je akiniejets'i siunie jike' iyoyi napoka ti je tajliyi ni siunie je 'es. Ti ijiate ti iyoyis jlajaye ni jitienkiujnieye, jlam'ne je iniuyeje paka ne'yi pa, kajeyepa ti je 'es,

Efesios 5:14

Jak je iyoyi ti kiak tiwoki 'ate: “'Ojwe'n, ti jima'a, tajli kiowe'e napo i'nio mases, 'yina Sijwajieti jankajanit'i ape'e.”

Colosenses 2:12

Jak je iyoyiji siuti inajienajajyi'n, 'yiniye ka imp'onaja'yi ti aslaye iniuj wita'm ni Sijwajieti. Kiak iyojliyi siuti jiniuyets'i kisie'e ti jitiajlayi ni a'no', 'yina as'nayi ijwienjliyi ti yapi pijia'm. Lapakawo ti je kakiuye siunie Sinia' jijweye ti naka ti iniujwa'n kisie'e ti jla'am.

Colosenses 3:1

Ijiatjliyi, siuti asa'am ti pajk'i ti jiniuyets'i kisie'e, ti injwanayeyi'i pi Sijwajieti ti jitiajlajyi pi a'no', woyeyipe astankiujnieyejayi siuniwa wask'i'nelaja ti isis ts'iji ti yi' poliyi, yi'i pa Sijwajieti, ti yiji'n jijweyeje pi Sinia'.

Colosenses 3:17

Ja k'iejliyeyijpe pa jawoyeyi 'esiji ka wunitie pi Saka'niona Jesús, jla'yi ti jawoye asnikanitiejayi pi Sinia', ti ja etijnajiape pi Saka'niona Jesús.

Colosenses 3:23

Ja k'iejliyeyipe pa jawoyeyi, 'esiji ka anikanitie'yi, 'yejnap ka pakaye Saka'niona ti jiniuyeyeje, 'yina je napoka i'nio' ka noyeyeje.

1 Tesalonicenses 5:10

Jla'am ti iniwen sitipe'e, jak je iyoyiji sam pet ti kas'wasajne'n, ni'ne ka pajak'i ka iliki 'ni ajnat, ka'nesta ijiate jawiekiap jajnok'i'ni niwa jlomas.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

1 Pedro 4:6

Siupapo 'yajle'n jlam pajk'i ti tijwelaja siunie inka'niye ti 'es, jlampa Sinia' intemayijna'a ti jan'ye'en siupi jitis iyot'iyipi ti je t'ekijli kiu' ape'e 'ni ajnat. Sek jane'yi ka nekiajlana'ak'i pijia'm puwa jisiak'alis, iyo jla'am ni Sinia' ti tajle jana in'wasankiye.

1 Jn 4:9

Sinia' 'yakajanit ni jlemijnaye ti yints'e'm, pakat'iyijpe ti ijliu' pi jlas 'ne ajnat'e ti iyo ka si'wasankiye poye.

Apocalipsis 1:18

siu'neje ni 'wasa'n. Ijiate ti ts'alpe, 'yina 'nakayi si'wasa'n, jajiok'i'ni ti ja ke sinitia'n. Yam'neje ti yik'i siuniwa jikie'el ti t'ajlinitijaja'm janak 'najlati jika anechijiayas.