2 Corintios 5:10 - Sinia' Jlamtis 1994

¹⁰ Kajeyepa ti ja lajak'i pa ka injwel ka in'yilta'n k'iye pa Saka'niona, ka inetiejenie'e siojopa jloma ka 'yenta wikie'eyi napo i'nio' siupi jitis iyo. Japakayeyi ti ja kasjwanjlajamk'i'ni siupa ja tiwonats'e pi iyo siupa titiajlatats'e'm, ti ja tenaja siupa awokt'iyipi ti awak'i 'ni ajnat, ka 'esiet'ipi ni'ne ka jeye.

2 Corintios 5:10 ပူးပေါင်းရင်းမြစ်များ

Mateo 16:27

Kajeyepa ti ja'nes ni I'nio' Jlas ti janejyi ni jijweye iyo ni Jinia', siu'neje napo jijliujwajnas poli jlele janamik'i, kantesiet'ik'ina'a wikie'eyi napo i'nio', siunapo jikijmaye 'es siu'neje napo jikijmaye je 'es.

Hechos 10:42

Iyotaja ka iyok saka'niyejayi napo i'nio' yi' ape'e 'ni ajnat, ti jla'am ti Sinia' isi'me ka i'ye'en siupapo pajk'i ti 'yalt'ijimpe, siu'neje napo 'wasajne'n.

Hechos 17:31

Kajeyepa ti jla'am ti yitineje k'iye ta'a siojona jloma ti jan'ye'en napo i'nio', jlajma pak ja ke iwonijits'i'ni siuka inetiejenie'e. Kajeyepa ti janjwanjli siunie ja tekiajlaja ti jan'ye'en, ti tijniejieta'a. Naka siunie ti Sinia' iniujwa'n kisie'e ti tajli ni a'no', 'nakayi ti wikie'eyi napo i'nio' ti jan'we'en, ti kiak jawo ti ja ijiatayi.”

Romanos 2:16

Ke iwo pa ti siuti janeyi janak jloma, Sinia' jankajanit'i ape'e wikie'eyi niwa yijits'i niwa jlosikis napo i'nio', Sijwajieti Jesús naka ti titiejkinaja ti jan'ye'en, nak jika'niye ni siunie ajwe'el ti awoyi yamtikie'.

Romanos 6:19

(Siuniwa amtiyi, ejnape wek, siuniwa wask'i'nelaja kasts'ajane pa awonaja ti sam ti i'niolts'e'm, kajeyepa ti je jitijnisiek'i niwaka ti ajwelta'ase'm.) Jayiyi'ase'ni pet ti asa'am ti pajk'i siuniwa 'assienis ti jlekiajlayi siuniwa inteliajayi ti taj'lase ti ti'niachiki, siu'neje ni siunie je 'es, it'iminayi ti je 'es paka woyeyi. Kiak wonayi ka ninekiajlayi ni siunie 'es, ja'nakayeyijna'a ti jlajma ka awoyeyi ti asa'am ti Sinia' ja'notata.

1 Corintios 4:5

'Yina naka'ne siunie ti je 'es ka ananejen'ni k'iye pa Saka'niona, je ijiat ka je i'ye'en jla'am napo i'nio' siupi iyoyi siojona jloma ka 'nesta. Ja jlama ti jankajanit'i ape'e ti janejni na jla'al ni jloma wikie'eyi niwa wask'i'nelaja tijwekiek'iji'n yiji ni ajnaj. Sekjane'yi ti jankajanit'iji ape'e napo i'nio' siunie iyo ni yiji ni jlosik. Jiwekie'ejana'a ka Sinia' iwejna'm pa jane'yi siunie ti ja tonitieje, kajeyepa ti 'yakajli.

2 Corintios 7:3

'Yina siuti i'lij kiak awone, je ka poye paka itiajlat'ase'm. Siukia awoniji'ni ti awo'ate, jleyejyi ni isiowe si'wet ijwienjli, ti si'wasankiye po', siu'neje ti jaliki 'ni ajnat.

Efesios 6:8

Jlam'ne 'najanayi pi jiwonayi, 'wanjliyi ka nakaye inkawo ni'ne ka nakaye siunie ti je inkawo, siuti 'es ni jikijmaye iyo kiak jawoyi Sinia' jawo jikajaye.

Hebreos 9:27

Iyoye'ate napo i'nio' siunie jawoyi ti janjwanjliyik'i jiwek ti ja'najle'n pakatajaje, 'yina ts'ijiye ka ijnejlak'ina'a siunie jawo pet ni Sinia' ti jan'ye'en ni siunie iyoyi.

1 Pedro 4:5

Jlam'ne ki jawo, siupi ji'lij jawoyi jitieyi'i siunie ti wakal ti jan'ye'en wikie'eyi napo i'nio' pi iyo pi jitis, siupapo 'yajle'n siu'neje napo 'wasajne'n ja wikie'eyeyi.

Apocalipsis 22:12

“'Ye'en, ja ke paja its'ioye ti jayapimet. Sek jane'yi ka iwinajamna'a siojona ja lajaye siunie iniwone ti ja tijniujlietak'i.