2 Corintios 4:4 - Sinia' Jlamtis 1994

⁴ 'Yina 'yakakiuyis, siunie ajnat jinia' iyojwa'n talojoye siuniwa iyo niwa jlosikis, ti iyo ka je i'we'en ki iyo ni jla'al ti ijiate ti 'esi, naka inka'niye ti 'es, ti ijwi'il ni jijweye ni Sijwajieti ti jla'am ti Sinia' jipe'el.

2 Corintios 4:4 ပူးပေါင်းရင်းမြစ်များ

Mateo 13:22

Siuniwa inseliaki ti ijniuj'li ni ajnat ti k'itienis yi'i, napoka pet siunapo ti its'iuye niwa jlamtis, 'yina ti iyoyi jijliak'ali niwak wask'i'nelaja yi' ape'e 'ni ajnat, jlamayis jla'am ti inikajyinis, ti iyoyisink'iye kan'wenis jana wikiniet'aj. Niwaka'ne ti ip'io'n ape'e niwa Sinia' jlamtis, niwaka'ne ti it'imina ti je ya'am ka neyi ts'ijiye, ka poye puwa jla' niwa Sinia' jlamtis.

Juan 1:14

Siunie inamtik ti iniwojwa'n i'nioye, yisajap. Je jlase' ki iyo ni jlemijnaye ti po'o, jla'yi ki iyo ni ijiatk'i ti yiyi. A'wena ki iyo ni jla'al ti wuj ti 'es, jla'yi ni jle' ti wuj, ti jlamkata ti tekiajlaja, 'yina kajeyepa ti jlam ti Jlas ijwienjli pi Sinia'.

Juan 1:18

Lajk'ipa ka in'we'en pi Sinia'. Ijwienjli jla'am ti i'wi'in siunie Jlas ijwienjli, ti jla'am ti Sinia', ti ijwienjli yiyi'i pi Sinia'. Jla'am ti i'winkints'e'm, it'imina ti kastant'ieje.

Juan 12:31

'Nak ja ti'yena 'ni ajnat. Siunie i'nio' tijniejieta'a, ti i'yena ni ajnat, ja totie kisie'e.

Juan 12:35

Jesús iyone'ne 'ate japo: —Je taljlitie'eje aska kiowe'e siojona kates, 'yina ja ke pajayi ka intajlanna'a aska kiowe'e. Katatayi ka askiuniek'iji'n alenjlipa ti 'yaka ask'ioye 'ni jloyeyi. Ja 'nakayeyijna'a siunie ajnatiok ja ke inesi'lietana'a ka netie'asenie'e. Ijiatjliyi siunie i'nio' yikiajli'ni nak ajnatiok, je 'yijene siupa jantajyi.

Juan 12:40

“Sinia' iyojwa'n talojoye, jla'yi siupi iyone ti it'iunit'i papo ka ijnewiteje pa jlosik, ja'nakayeyi ti ja ke in'wejne'n, siu'neje ti ja ke 'najajne'n, ja'nakayeyi ti ja ke inapik'i, ka ijwiejiete pi jiliaye iyo.”

Juan 12:45

I'nio' ni si'we'en jla'yi ti je yamkata ka si'we'en, 'yina kia'iyo i'wi'in ni I'nio' sijliu'.

Juan 14:30

“Laj i'witayi ka 'yakamtijnie'nase, 'yina je toj ilia'm siunie isie'e pet 'ni ajnat. 'Yina je akiajwe ti jla'am,

Juan 15:24

Lajtak'iyi pa ka jitis iwo, ka lajak'iyi pet pa ka ilisane jikiowe'e ti jlamis, ki iyo siunie a'wenki'n, ti lajk'i pa ka kia'iwo, ni awoyi. 'Yina i'winisieta niwaka, yamjliyi ki iyo ti ne'wajask'i'm, jla'yi ti ne'wajasi ni Inia'.

Juan 16:11

Jlam pet siunie ti Sinia' jan'ye'en napo i'nio' siupi jitis iyo, naka pet ti siunie i'nio' ti isie'e 'ni ajnat, ja 'nakaj ti pajk'i ti tisiejek'i.

Juan 8:12

Jesús iyonayi'iji 'ate japo i'nio': —Ya'am ti jika katesk'i'm napo i'nio' yi' ape'e 'ni ajnat. I'nio' ni jana'am ijyik'i ja ke int'iskiuniejejyinna'a ni ajnatiok, siojona kates in'wasankiye tajle janejyi.

Hechos 26:18

'Nakayeyijna'a ka 'yiniyijna'a ka 'ajlinitiamk'i niwa jitiete siunie iyo ti yiji na ajnatiok, sekjane'yi ka neyeyisinie'e pet na jloma; jla'yi ti janleyisi ka ineyis kiajwe ni imosik jijweye iyo, 'wenajlitieje jla'am ka neyis kiajwe pa Sinia'; 'nakayijna'a ka initiajnat niwa jikeyis, siu'neje ka ji'niayi poye ka ijnojwa'm siunapo isis Sinia' jilis, ka tiwoktana'a ji'wajietiye, lapakawo ti nakaye jla'am ti jant'emina ti ja ke sakakiuyis”.

Hechos 26:23

Siupa ti iyot'ipi 'ate, “Siunie Injwajieti ti Sinia' jijliujwanik ja wujwa ni jawo ti janilayiti, ts'ijiye ti ja tiliana, 'yina ja jlama ti janan kisie'e ti jano kisie'e ti jantajli pa a'no', naka'ne na jankajwejlane napo Judíojos, siu'neje napo i'nio 'wenayi, ti janjwele siojona jika jloma jana injwajieti ti ja'nakajanit'i ape'e”.”

1 Corintios 10:20

Siunie ajwel'ni, siunapo i'nio' ti po' siuniwa iyo jika diosisa' ti jitiej iyoma, ti kiak iyoyetaja ti iliajne'n niwa wakiajas, je naka Sinia' ka ilesane k'iye, 'wenajliyi niwa imose'l ti ilisanisi k'iye, kajeyepa ti niwaka ti ijiunitis pet. Wuj ti je emink'i ka kiak aniwonayiji, ka ni'nopijietayiji niwak imose'l.

2 Corintios 2:11

Ja 'nakayeyi pet siunie imosik ja ke kaskajli ka iyoki ni siunie je 'es iyotaja ka iyoki, jlam'ne kastant'ieje ni siunie jike' iyo.

2 Corintios 2:12

Ti ajoyeyi siujlieja isi' jle' iyo'ate Troas, ti jayo yamtikie' ti jajwil kiwa Sinia' jlamtis ti ijwil pa Sijwajieti, jlajmiliet ti ayeyi, sek a'yi ti poye ni awo ti sats'ilka ka isijme'n, ka iyo yamtikie'.

2 Corintios 3:11

Ijwilt'ipi ka kia'iwo ka 'esie paka siupa ji'niayi je itio'yi, jlam'ne pet naka ti je paj ka netia'n, jla'm ijiatayi jla'am ti 'es.

2 Corintios 3:14

Kajeyepa siupa ajnatiok itij'w ape'e siupa jlosik papo i'nio' t'ipi, it'imint'iyijpe ti je itijnisisie siupa iyot'iyipi. Yamjliyi ti kia'iyo siupapo jilis t'ipi papoka, 'wanjliyi kan'yenis niwa Sinia' jlamtis ti yi'i ni paj imp'esinik, 'yina je itiant'iejesi siunie yi'i, kajeyepa ti 'yiniye ka poye pa ka imp'o'n ape'e siunie jlosik. 'Yina naka'ne ni siunie tomk'iye, paka 'najanisi paka iwonisi, 'yina lajk'iji pa ka ilank'i ape'e siunie yi' ape'e ni jitiokio', ijwienjli jla'am pa Sijwajieti ti i'nio' 'esi ti kia'iyo.

2 Corintios 3:18

Jak je iyoyiji pet ti sa'am je awokie 'ate ti pajk'i ti po' ki ip'ionk'i ape'e 'niwa sitiokiolis ti kaswikie'eyi. Awok'iate siojona ti'yenaja, jlampet siunie Saka'niona jla'al itie siwa'm. Jak je iyoyiji jlam yamjli, yamjli siunie jla'al ti kaswats'ilati, siunie iyo ni jipel jla'am. Lapakawo ti siunie jla'al ti je tal sajap, 'yina ti Saka'niona jla'am ti siojona Sinia' jikimet, it'imina ti kiak iyo naka.

2 Corintios 4:6

'Yina je 'wena siunie Sinia' ti iyot'ipi 'ate, “'Esiji ka nak intajla'm ni jloma ni siunie ajnatiok”, naka 'neje ti jloma yijnits'i niwa sosikis, 'nakayi ti ja jatiant'iekiejeniti ni siunie k'iejliyi ni jijweye ti ijiate ti 'es, ti jla'al itie'e ni Sijwajieti jitiokio'.

Gálatas 1:4

Sijwajieti Jesús jlam ti iniwe'en ti ijioyi jana 'najlati sakeyis it'imina, kajeyepa ti iyo ka kas'maniti ki iyo ni ajnat ti wuj ti je 'es. Lapakawo ti jitienkiujnieye jla'am pi Sinia' ka kiak inwonts'e.

Efesios 2:2

kajeyepa ti jiniuyek'i siunie iyo pet ni je 'es. Jikinieyi ni jikijmaye iyo ni ajnat, jiwoyeyi siunie 'yijie'nase'm ka woyeyi ni iyo ni i'nio' imosik, ti jla'am ti iniwojwa'n anechiyasa', siu'nie 'neje ti yiji na jloma, 'yina naka ti iniajne'n k'iye siunapo i'nio' je iyo kank'iuye niwa Sinia' jlamtis.

Efesios 6:12

Kajeyepa ti, siuti anilanajata, je wats'o paka itieye ilia'm, ni'ne ka jleli poye. 'Yina siuniwa awoki sakojwasa' niwaka siuniwa pini', ti kiak iyo jijweye po', ti yiji ni jloma ti je 'yaka ka ti'wena. Ti jijweye po', jla'yi ti iyo anechiyasa'a pet ni ajnat, jikijmaye siuniwa ti je isis ti yiji ni ajnatiok.

Filipenses 2:6

ti jla'am: 'Wanjliyi ijiatataja ti tajla'm pet siupi iyo pi Sinia', 'yina je kia'iyo ka ini'najnat pijia'm. Ka kia'iwo ka iwoyi jijliak'aliye naka, 'wenajliyi ti iliyi kiu wek seka'a.

Colosenses 1:15

Siupa Sinia' ti je ti'wena, pak jipe'el pi Sijwajieti, Sinia' jlas ti iniajnat ti lajlik'iji puwa wikie'eyi niwa wask'i'nelaja ti jilisajna' jla'am.

Colosenses 1:27

Lapakawo ti Sinia' iyotajank'iye ka 'najanisi siunie ti jla'am ti jitienkiujnieye siunie ti ijwikia'm, naka ni siunie ti ijiate ti 'es, 'nakayi siunapo i'nio' ti je Judíojos ja 'esieyi. 'Yina siunie ti ijwik ti yin kisie'e 'nakayi, naka ni siunie jayo'ate, Sijwajieti yi' aska kiowe'e, 'yina siunie Sinia' jiwunitieye ti 'es ti anejejwiyejenk'iye jane'ne asap.

1 Timoteo 1:11

Siu'nie inka'neyasajnaye ti 'es, ti yiji naka inka'niye ti 'es ti Sinia' ti jiwunitieye po', yikialk'i ka ijwile pijia'm.

Tito 2:13

Naka'ne ni siunie iyotaja ka iyoki ka inijijwiyejenk'iye janak jloma ti 'es ka napitiemet pi Sijwajieti Jesús, Sinia' ti wuj.

Hebreos 1:3

Jla'am ti jla'al ti 'esi' pak Sinia', jla'yi ti nak jipe'el pa Sinia' siupa k'iejliyi. 'Yina jlam'neje ti 'yitk'i pijia'm wikie'eyi niwa wask'i'nelaja, ti isiene niwak jlamtis ti jijweye po'. Ti itimayi siukia iyo kia jikijmaye ti initiajnat sik'ioye kiwa soski'layis, sekyi'i yiyeje'n 'niji poliyi jijweyeje yi'i pa Sinia' ti iyo anechiyasa' ti wuj.

Hebreos 6:4

Kajeyepa siunapo ti pajk'i ti iyo jlosik ink'ieye, jloma 'yakaja'n k'iye, siu'neje ti ijyijlita'm siunie t'ajka iyo siunie Sinia' tajle. 'Yina yi' kiojyi siojona Sinia' jikimet ti 'es, siuniwa Sinia' jlamtis kia'iyojliyi, ijyijlita'm siunie t'ajka iyo ti 'es, siu'neje ti itiant'ieje ta'a siunie jijweye jawo janaka siojona jloma atayeje. Jlampet ti janapilisiji'ijyi siunie je 'es, 'yina je ti'niejenaja pa ka tiwonaja ka talasa ka tiwok kiu'ujwe jlosik ink'ieye. Siuti kia'iyo 'yiniye ka inekiajlisi'ni pijia'm ti its'iejwatits'i japa cruz pak Sinia' jlas, sekyi'i ti yinayis jitiejk'i wikie'eyi papo i'nio' ti iliakiyis.

2 Pedro 1:19

Naka'ne siunie ti je takakiunieje, ti ijiatk'i siunie iyot'iyipi papo injwejlanawos t'ipi, ti ijwilis kiaka, 'yina wuj ti 'es ti kia'iyo ti jik'iuyeyi. Naka siunie inka'niye iyo'ate jana kates ti 'yakaja pet ilia'm siojona kates jloma jla'yiki, ti 'yakajanitk'i ape'e niwa iyo niwa asosikis. Naka pet ni Sijwajieti ti ajwe'el ti kia'iyo.

1 Jn 2:11

I'nio' ni ne'waja'm ni jikiecha, nak je tajli ni ajnatiok, jlam yikiajlaja'ni. Je 'yijenayi pi jantajyi, 'yaka ajnatiok iyojwa'n talokie'.

1 Jn 2:8

'Yina 'wanjliyi'ne ka kia'iwo ti ajwe'el pajk'i, siuniwa yamtis ti atate'ase siunie Sinia' iyo ka tiwoki ink'ie', jak je iyoyiji siuti asa'am jla'yi pa Sijwajieti Jesús jikajanitie ti ijiatk'i. A'wena siunie ajnatiok ti janojwi, yamjliyi'iji pet siunie 'esi' ti its'iuye 'wet'e ti 'yakajanit'i ape'e 'ni ajnat.

1 Jn 5:19

Kia'iyojliyiji 'niji kasts'ajane pi awonaja ti atajlaja pi Sinia'. Jlam pet siunie ajnat yi kiajwe ni jijweye ni imosik.