2 Corintios 4:15 - Sinia' Jlamtis 1994

¹⁵ 'Yina ti jlam kiak iyoyi, 'nakayeyi ti ja insisieyi ni iyo ni iwit'ia. Jak je iyoyi siuti kia'iyo ti je jlase' siunie iyo ni Sinia' jikap'ijliuskiye, ja ke piniye napo i'nio' ti jinikanitieyi janwene pi Sinia', siu'neje ti janwunitis.

2 Corintios 4:15 ပူးပေါင်းရင်းမြစ်များ

Romanos 8:28

Kasts'ajane 'neje ti siunapo yimi'n ni Sinia', sa'am ti Sinia' tants'e ti itiliaja jla'am kawoyi, wikie'eyi k'iejliyi pa yits'e, jla'am ti itime ta'a pi iyone, 'yina naka'ne ni siunie kasts'isisi ti iniuyits'e'm.

1 Corintios 9:19

'Yina siuti ya'am je inkipinikk'i'm, yo'otieje ti jla'm aniwone ti aniwone jikipinikie' wikie'eyi napo i'nio', kajeyepa ti awo ka 'lojwa papo ka 'yakajlits'i ka iwo jlosik ink'ieye ka intankiunisi pi Sijwajieti.

2 Corintios 8:19

'Naka 'neje 'na ti Sinia' jilis isi'me ka nam sek'i ti akinieje siujlie'e ijiut wita'm napo i'nio' ti yikiajlisi pi Sinia'. Sa'am ti aniwojwana jiwosa' naka 'nakayeyi napo Sinia' jilis ja inkasaje'n, siu'neje ti janwunit pa Saka'niona, siu'neje kan'we'en napo i'nio' siunie awonaja ti ijiate ti awoki ka iniukieje pa Sinia' iyo ni jikijmaye.

Gálatas 1:24

Sekyi'i wuj ti iyunitis pa Sinia' ti i'winayis siukia awoyi.

Colosenses 1:24

'Nakayi ts'ajkaj'ni ti iwit'ia poye astepe'e, kajeyepa siuti kiak iyo ti iwit'ia po' ape'e napo Sinia' jilis, ti 'nak Sijwajieti t'ajwes, 'yina yamjliyi ti jajnol wita'm siunie iyot'iyipi pa Sijwajieti ti kia'iyo ti inilayiti pi jiwet'ia.

1 Timoteo 1:14

Sip'elisi'n ti je wata'a, 'nakayi yikialk'i ka ijiatayiji ka itiej iyoma, jla'yi ni yimijnaye, iyoye 'ate pet 'nakayi 'ni yits'e ti anitajaki pi Sijwajieti Jesús.

2 Timoteo 2:10

Lapakawo ti 'esiji wek ni iyo ni anilayiti, 'yina ti je aniwone wek. Napoka jla'am ti ja 'esieyi, napoka napo Sinia' isi'mik'i ti ini'nopijieteje pi Sijwajieti Jesús kan'we'n pet siojona jijwajieti ti jlonitieyi po' ti laj jlaja.

1 Pedro 2:9

'Yina ti asa'am jla'am ti isi'mase'm ti iyo jika kia'lisa'ase'm. Asa'am ti pa'yijists'ase'm ti jiniuyeyeje ni aska anechiyas ti wuj. Asa'am ti Sinia' jika kia'lits'ase'm ti 'wena ijnotie'yi, ti jlam ti ya'mase ka jwela siuniwa isis jilisajna'; naka ti tana'ase ka atajlayi siunie ajnatiok, sekyi'i ti jawayejyi ni siunie jla'al jana kates ti wuj ti 'es.

1 Pedro 4:11

Siuti po' ni iyo jlamtikie', 'esiji ka niwakaye Sinia' jlamtis ti janamtiyi. Siunie Sinia' yikiaj'la pit ka noyeje napo a'lejwas, 'esiji ka inwa'asitieyiji'ni 'yina siunie ajweye yi'a ti Sinia' jlam ti yikiaj'la. Ja k'iejliyeyipe siupi jawoyeyi, siuti jawoyeyi siunapo i'nio' pak janwunitis pa Sinia'. Siunie ti jawunitie, woyeyi 'niayija' pa Sijwajieti Jesús, ti jla'am ti 'yu'we ti ka kiak tiwonaja, ka tonitie, siu'neje ni jijweye iyo, jajnok'i'ni. Amén.