2 Corintios 4:11 - Sinia' Jlamtis 1994

¹¹ Siuti sa'am ti kas'wasajne'n ti akiniek'i pa Jesús, naka ti kassekiajlaja siunie siliaye ti kaslanaja'n, kajeyepa ti ja 'nakayeyijna'a pet ti kiak jawo jana ji'wasankiye jankaj pet siwa'm, ti janejyi'ni siunie ts'isie'n ti je t'o'n.

2 Corintios 4:11 ပူးပေါင်းရင်းမြစ်များ

Romanos 8:11

Siuti siojona Sinia' jikimet siojona ti iniujwa'n kisie'e pa Jesús jane aswa'm, janaka'ne jana ti janekial pijia'm niwak 'assienis ti je t'o'n, kajeyepa ti janakaye jla'am siojona Sinia' jikimet ti yi' aswa'm.

Romanos 8:36

Iyo niwa inamtis ti iyo'ate: “Ti sa'am ti akinieje siunie jiwoyi jlomas ti inijijwijyi'n sik'ioye siojona siliaye. Iyoye'ate niwa sontas 'wolepo' ti tokiji ni siunie tenaja'a'ni ti tilianaja'n, siunie tiwonats'eje.”

1 Corintios 15:31

I'lijwas, niwa jlomas ti ajyi ni iliaye, yot'iyi'ni ka ijwik 'naka, ti wuj ti ate'mase, ti asa'am ti jiwenak'i'm siunie inikanitiejeye iyo, ti kasjwanjliyik'i ti awo pi iyo ni Sijwajieti Jesús ti Saka'niona.

1 Corintios 15:49

Siuti sa'am ti soniyejwa' siupa i'nio' t'ipi ti tajle ni ajnat, 'yina kiak jayoki'ni pet siupi i'nio t'ipi tal poliyi ja soniyejayi wita'm pet.

2 Corintios 4:10

Ti pak jajioki, siupi jiliaye iyot'iyipi pa Jesús ti tiliana nak atejliaki'n, ja 'nakayeyi pet siojona ji'wasankiye janikajanit pet ti jane siwa'm.

2 Corintios 4:12

'Yina kiak jikijmaye iyo nak inlaye ti yits'e, 'yina jla'am ti asa'am siunie jikijmaye siunie naka ti as'wasankiye pet.

2 Corintios 5:4

Siuti je atajlajlijyi kiajwe siujlie'e si'wuk, ajwe'el 'ni ts'isie'n, wuj ti sijliak'ali po', kajeyepa ti je jwajla'a, kiojieti. Je'ne ka ijwil ka tiliena sitipe'e siu'nie si'wu', ajwel ni ts'isie'n, 'wenajliyi ni siunie ja tiwonats'e ti ja tip'onaja sitipe'e siunie ink'ie' si'wu', ajwel ni ts'isie'n ink'ie'. Ja 'nakayeyi ti siojona si'wasankiye ti t'o'n ja netiajnat ni siunie ts'isie'n ti je t'o'n.

2 Corintios 6:9

Siunapo i'nio iyonts'e 'ate siunapo ti je itiant'iejesi, jlam'ne ki iyoyetaja ti itiant'iejts'e napo i'nio'. Siyel netian'ni jiwek, 'yina je wek ka ijiatayiji ka kasts'ajle'n. Tajak'ni siwa'm ti tisiejekts'e'm, 'yina je kaslanaja'n jiwek.