2 Corintios 3:9 - Sinia' Jlamtis 1994

⁹ Jayo'ate, ti jet'i jiniliakpe pa k'iejliyi pak inka'neyasajnaye t'ipi, ti 'yakajanit pi jitis iyo pa i'nio', 'yina siupa k'iejliyi pet puwak Sinia' jlamtis ti initiajnat pi jitis iyo pa i'nio' ti ip'ilisi'n, jla'm ijiatayi jla'am ti 'yaka'm ape'e, ti ijiate ti 'es.

2 Corintios 3:9 ပူးပေါင်းရင်းမြစ်များ

Romanos 4:11

Jak je iyoyiji paj ti kiak tiwonajayi ti t'isie'n jiwa tejwak'i, sekyi'i ti 'yakajayi ti Sinia' ilisajne'n siuti kiak tiwonaja, 'yina ti pak it'imina ti je 'yakakiu. Jak je iyoyiji'ni pet wikie'eyi siunapo ti je 'yakakiuyis, napokaye pet Abraham jilis siunapo ti tomik'i pijia'm, 'wanjliyi ka kiak je tiwonaja ka t'isie'n tejwak'i, 'yina lapakawo ti Sinia' ijniejiet'ik'i.

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

1 Corintios 15:41

Siunie jla'al ni kilie'e 'wenayiji pet, je iyo'ate ni jla'al pet ni we'la, siuniwa katese'l kia'iyojliyi. Ijwil ti iyo ti 'najliyeta niwaka katese'l, 'yina jla'al ijwienjliyik'i.

2 Corintios 3:8

jla'm ijiatayi jla'am siupa jla'al iyo pet pak Sinia' jikimet ti ink'ie' 'yotate, 'yaka'm ape'e siupa iyot'iyipi ti 'nelanjie'e, Sinia' jikimet ti itione napo jana in'wasankiye.

2 Corintios 5:21

Sijwajieti je iyoyi paka k'iejliyeyi paka jikeye, 'yina Sinia' iyojwa'n inkeye' ti sit'iminik. Sekyi'i ti kasjnajietajats'i, siuti awakiap ni Sijwajieti.

Gálatas 3:10

'Yina wikie'eyi siunapo jitiej iyoma siuniwa yiji ni Moisés jika'neyasajnaye, ti ijwil ka 'esie, lajk'ipa ka tiwonaja ti jiwet'ia yi' ape'e. Siuti iyo'ate niwaka inamtis t'ipi, “Je jlase' ni jiwet'ia jawoyi siunie i'nio' ja ke ijiatayi ka woyi siuniwa iyo ka tiwoki ni inka'neyasajnaye.”

Filipenses 3:9

siu'neje ka ijiatayiji ka ini'nopijiete wita'm ti jla'am. Je awojonk'iye'ne 'nakayi ka ijwil ka ts'esi naka Judíojos jika'neyasajnaye, jla'yi ka ijwil ka lajak'iyi paka je 'esie ka iyoyi. Najata jla'am ti awota ka ts'esi pa Sijwajieti 'nakayi ka itienkiuni, kajeyepa ti je akakiu. Kajeyepa nakata jla'am Sinia' i'yase napo i'nio' siunie ijiate ti itienkiuni pa Sijwajieti.

2 Pedro 1:1

Asampey japo i'lijwas, ya'am Simón Pedrok'i'm, Sijwajieti Jesús jikawo, jla'yi ti jijliujwanik'i'm. Atajiet'ase siu'nie ip'isinik, asa'am ti po' siunie astankiujnieye ti ijiate ti 'es jla'yi ti ijiate ti laja po', iyoye'ate pet siu'nie sitienkiujnieye ti po', ka lajak'i ki iyo pi Sinia' ti Sijwajieti Jesús, ti ijiate jla'am ti tijnajyi ni iyoyi.