2 Corintios 3:1 - Sinia' Jlamtis 1994

¹ Siuti ji'yena ki i'lij awone, ent'a jiwoye'ate, “Siunie Pablo iniwunit, siu'neje napo jla'yis, iyo ni siunie iniwonisiji'ni.” Ent'a jiwoye'yi 'ate, “Na Pablo siu'neje napo jla'yis je 'esiji ka poye paka imp'esinikie' ka jikio' jleliye ka in'wenkints'e'm, iyo napo ti kia' iyoyetaja, ti jantajle napo si'lijwas, ja 'nakayeyijna'a ti ja kasts'ajane ti jlam je iyoyisi ti napoka ti Sinia' jikawos, sek jane'yi jasimajape ilia'm.” Jlampet ti atajlayeta'ase'm, ¿ent'a jiwoyeyi ka 'yejlayi'ase'm paka imp'esinikie' ka sikio' jleliye, ja 'nakayeyipe siunapo i'nio' ti jajioki, ti jayoki samtikie' niwa Sinia' jlamtis, ja ke kaskakiu ti sa'am ti Sinia' jikawosts'e'm, sek jane'yi ka inkimape selia'm?

2 Corintios 3:1 ပူးပေါင်းရင်းမြစ်များ

Hechos 18:27

Ti Apolos iyoyeyi kajno 'niji yi'i japa Acaya, Sinia' jilis papo sekyi'i iyonisi'ne 'ate, ti inkajats'i: —Wuj ti 'es ni atankiujnieye jiwone. Sekyi'i ti 'yotatayisi ki jip'esinik, ti itiejiete papo Sinia' jilis yi'i Acáyaja, kan'yenits'i ilia'm ja Apolos, ti yama. 'Yina ti 'nesa sekaja Acáyaja, wuj ti iniuyeje siupapo Sinia' iniut'iyejepe, jla'yi ti iyoyis jlosikis ink'iejyisa'.

Romanos 16:1

Siujlieja sikiecha Febe, 'esiji ka ijiatayiji pet ka kima'yi ilia'm, siunie iyotaja ka iyoki ti sa'am Sinia' jilists'e'm, jlajak tijna'yi pet ti i'yena japo ijia Sinia' jilis yi' Cencréaja. Ja k'iejliyeyijpe pa jansetia'n 'esiji ka noyeyeje, kajeyepa ti kia'iyoyi je pini' napo iniuyeje'ni pet, je japokata jla'yi ti ya'am wuj ti iniuyijk'i'm.

1 Corintios 10:33

Jlampet siunie awoyi, ti awotajank'iye ka k'iejliyeyi paka iyoyi, ja ke its'ijlianiti k'iye ka 'winkina, kajeyepa ti je awoyi ka yama ka ininajnat ka iyojyi'n paka ts'esi. 'Wenajliyi ti awojyi'n paka insesi napo i'nio', 'nakayi ti janjwa'.

1 Corintios 16:3

Siuka nak yitajanie'e, jajliuye'nina'a siunapo ti jakima'yi asa'am, ti jajliu' Jerusalenne, ka ineki siojopa jajotie wita'm, siu'neje puwa ip'isijna' ti ja jikio' jleliye, ja 'nakayeyijna'a siunapo Sinia' jilis pet yi' Jerusalenne ja 'najane ti asa'am ti jijliuye.

1 Corintios 3:10

'Yina siunie iyo pit ni Sinia' ti sip'elisi'n, ti yikialk'i naka, ti ya'am ti anane ti e'ne janaka 'wuk, kajeyepa ti ya'am ti jiwok'i'm. Sekyi'i ti poye pet siunapo ti 'wanjlik'i isia'm ti iniuyijk'i'm, ti its'iuyeje ti isima. 'Yina siuti po' ni isima pet, 'esiji ka wujwa ka 'ye'en siuti yinata'a.

1 Corintios 4:15

'Wanjliyi ka je piniye papo ka 'neyasanayi pi iyo pi Sijwajieti ka ne'yasap, 'yina je 'loj siunapo iyo'ate napo asnawot. Ya'am ti asnak'i'm ti kasjwanjliyik'i pa Sijwajieti Jesús, kajeyepa ti yampe ti ato'niase ni siunie inka'niye ti 'es, Sinia' tajle.

2 Corintios 10:12

Ijiate ts'otale je t'oni ka kiak iniwonaja ka inijnojlieteje napoka i'nio' ti iniwunit siu'neje ka ini'yenajap siunie iniwonisi. ¡Ijiate wat ti 'ne'lias, 'yina ti inijwelis ti isis siuniwa wask'i'nelaja iyoyisi!

2 Corintios 10:18

Ke iwo pa ti siunie i'nio' ti jle' po', Saka'niona jla'am ti iyunit, 'yina je ka jlama jla'am ka iniwunit kant'emina ka jle' poye.

2 Corintios 10:8

Ijiatataja wek ti jwamjla'a ti anikajmat ape'e siunie awo ti anijwe'el siunie ji'lij ni Saka'niona ti yikialk'i, 'yina je ka iyoyi 'yajwejliye paka k'iejliyeyi. Lapakawo siunie jijweye ni Saka'niona iwink'i'm ja ke inetiajnatajyi'n, 'wenajliyi ti janoye'ase'm ka kinieyi siunie asosik ti 'es.

2 Corintios 12:11

Asa'am ti jit'iminak'i siunie aniwone ti awo'ate ni 'ne'lia. 'Yina ijiate ti 'yuta'ase'm ka sijwela' siukia iyopi ki aniwone ti 'es ti akijme'n ti aye aska kiowe'e. 'Yina ejlo'owek ti je woye ijiaye, ti jijwela je awo'ate ‘siunapo injlojwajnas’ ti jlonitie ka ijiatayiji. 'Yina ya'm ijiatataja wek ya'am ti aka'm ape'e napoka.

2 Corintios 12:19

¿Ent'a jijwela ka pajak'i ka iyojonk'iye ka kasijwela ka kasts'isis? ¡Je'e, je kia'iyo! 'Wenajliyi ti enaja jitieyi'i pa Sinia' siuti kiak iyo akamtijniena, siu'neje ti sa'am ti Sijwajieti jikawosts'e'm. I'lijwas ti yimijna'yase'm, lapakawo ti wikie'eyi niwaka janakaye ti janoye'ase'm ka ineki'n siunie jiwoyeyi.

2 Corintios 2:17

'Yina je pini' napo iyo ka wikiniet'aj in'yakane, siuti yameje'n niwa Sinia' jlamtis, kajeyepa ti ijwi'il niwaka ti iyo jikijmayeja'. Jlampet ti sa'am je kiak awoki iyo jlamis, sa'am ti Sinia' ijliuyits'e'm siu'nie awoki, jla'yi ti Sijwajieti jikawosts'e'm, jak je iyoyiji ti awokieta samtikie' ti ajwela niwa Sinia' jlamtis, 'yina je k'iejliyi paka inejyi 'niwa sosikis ka je ijiatak'i jitieyi'i pi Sinia'.

2 Corintios 5:12

'Yina je ka ijwil ka inijwela'ase'm kiu'ujwe, ka sek ne'yi ka kassonit. 'Wenajliyi jla'am ti awoktajank'iye ka poye paka k'iejliyeyi siupa it'imina ti kassoniti'n, sekyi'i ti janikanitie pet sitipe'e, jla'yi ka 'najanayi ka akiujlieyi napoka siunapo initoniti'n ti ijwil ka 'najanisi siunie je 'yaka ape'e, ti je tajla'm siunie ijnosik.