2 Corintios 2:3 - Sinia' Jlamtis 1994

³ Nakape ti it'imina ti kiak awone ki ip'isinik ti atate'ase, ti je awo ka itienkiujnieye je 'esie, ka 'wina siupa ka woyeyi. ¡Je 'yu'wase'm ka kiak awoyeyi, jlam'ne ka ts'ajkanitie'ni! 'Yina nak je akakiuni, ti siuti po' ni awo ti ts'ajkaj'ni, kiak jiwoyeyi pit inkasajyi'n.

2 Corintios 2:3 ပူးပေါင်းရင်းမြစ်များ

1 Corintios 4:21

'Yina, ¿ten siupa jayo'nase ti nak jajiojwi, jot'e ka yik ka yeja'ni aswa'am, ni'ne ka najataja jla'am ka itiu'niase ni yimijnaye siu'neje ni ikap'ijliuskiye iyo?

2 Corintios 1:15

'Yina siuti kiaka ti je akakiuni, it'imina ti awo ka iniajnat ka ijio'wase, it'imintaja ka timesieyiji ka ijio'wase.

2 Corintios 1:23

Sinia' itiant'ieje ki iyo ni yiji ni ijiusik, siunie it'imina ti ja ke iniu'wase ka yikta. Awo kajeyepa ti je awo ka yikiajle'eje ka ilianki'nase ni astankiujnieye.

2 Corintios 12:11

Asa'am ti jit'iminak'i siunie aniwone ti awo'ate ni 'ne'lia. 'Yina ijiate ti 'yuta'ase'm ka sijwela' siukia iyopi ki aniwone ti 'es ti akijme'n ti aye aska kiowe'e. 'Yina ejlo'owek ti je woye ijiaye, ti jijwela je awo'ate ‘siunapo injlojwajnas’ ti jlonitie ka ijiatayiji. 'Yina ya'm ijiatataja wek ya'am ti aka'm ape'e napoka.

2 Corintios 12:21

Siu'neje ni sikiwita kayiktana'a ka ijio'wase siupi Inia' ka iwo'ate, “'Yejne'n siunie iyoyisi, ijiat ti je 'es wata'a.” 'Yina siuti kiak jawo sek jane'yi ti ja wujwa ti ja ts'ajwel'ni ti ja ts'ajwe'lase, siu'neje ti itiet t'e' jatiojnate'n k'iye napoka siunapo je t'ekiyi naka ni jloski'la ti iyoyi. Kajeyepa ti je iyoyiyi ka inleyisi naka'ni ti ti'niachiki, jla'yi ti je iliyi ti iyoyi naka ti 'yuyijk'i'ni napo ijia jwa'yis, siu'neje niwa jikeyis ti iyoyi.

2 Corintios 13:10

'Yina lapakawo 'ni iyo 'ni ip'isinik ni awo'nase ti anajnat its'ioye, kajeyepa ti siuti nak jajiojwi ja ke k'iejliyeyi paka int'emina ka kiak iyo'nase ka je a'tiejak'i siupa i'lij jayone ka winta'asemna'a. 'Yina siunie Saka'niona ji'lij yikialk'i ti awoyi pet ijwiyeja', je ka intaye ka ikajyi'n paka ne'yi pa ti asa'am, 'wenajlitieje ti ka noye'ase'm ka inek siunie jiniwonayi, jiwonayi ni asosik.

2 Corintios 2:9

Pajk'ipe ta'a ti kiak awo'nase, ti ajlo'wasepi ki ip'isinik, ti ajejlita ka woyeyi siunie 'eyasanayi ka woyeyi.

2 Corintios 7:12

Ijiate, ip'isinik atate'asepi, 'yina je ka nakaye siunie iyoyi ni je 'es kant'emina ti kiak awo'nase, ni'ne ka nakaye siunie ti inilayiti siunie ti tiwonaja ti je 'es. 'Wenajliyi ti awoktajank'iye ka ijiatayiji pet ka 'najanayi paka awonayi jitieyi'i pi Sinia', siuti jiwoye asjlak'aliye sitipe'e, 'yina Sinia' 'yijene pi iyone naka.

2 Corintios 7:16

¡Wuj ti ts'ajka'ase'm, ti a'we'en ti jepa sikiwita'ase'm!

2 Corintios 7:6

Ma jejli pet ni Sinia', ti t'otale it'iunit siunapo ti kia'iyoyi ti je ijwijyi'n, 'yina kasnejienk'i pijia'm ti iyo pet jijweyeja' ni Tito ti ijioyetats'e ti iyo sijweyeja'.

2 Corintios 7:8

Ijiatat'itiejepe wek siukia ip'isinik ti ajlo'wase ti je inkasanitiejyi'n, 'nakayi je pa awoyeyi ijliak'aliye ka itiej yini'ni 'ate. 'Wanjliyi ka iyoyi ijliak'aliye ti 'nelanjie'e, lapakawo ti ts'ajane ta'a pa awone ti ja ke intoyi'i siu'nie iyo ti je inkasajyi'n,

2 Corintios 8:22

'Yina po'neje ni sikiecha ajloki napo si'lijwas, naka ni siunie ti ti'wena ti je paj jiwek kanleyi ti iniuyeje ni Sinia', siu'neje ti nakata 'neje wek ti 'yu'we ti iyoyi kejli kat'ajayi siuti in'wena ti ijiate wek siunie jiwoyeyi.

Gálatas 5:10

'Wanjliyi kia'iyoyetaja siunie yi'ase, 'yina je sikiwit'ase'm ka k'iejliyeyi'i paka astankiujnieye ka je 'esie ka woyeyi, lapakawo ti po' pak Saka'niona. Jlampet siunapo ti tom'ni ask'ioye, Sinia' je ijiat ka je insa'ak'i, 'yina je i'ye'en paka 'naja'an, ni'ne ka nakaye ni siunie ti lajk'iyipa kawo ti je 'yije'en.

2 Tesalonicenses 3:4

Wuj ti sitiej awomaja pi Saka'niona, ti asa'am ka jlamana wek ti ja akajlajyi ti ja awoyeyi siuniwa ajwe'lase'm jla'yi ti ja akiniejliyi ti ja awoyeyi.

Filemón 1:21

I'lij atate'a, kajeyepa ti itiej ya'm awa'm ti je int'o'ni, ti jawo siu'nie a'yasane. Ts'ajane pi awone ti a'm ja ijiatayi ti jakajmat ape'e siunie a'yasane.