2 Corintios 2:13 - Sinia' Jlamtis 1994

¹³ Je 'esiji jla'am ti atankiunieyi'ni ja isiecha Tito, lapakawo ti awo ka 'wi'in. Sekyi'i ti isiowe jlampa iyoyets'i'ni, 'yina anijwejlam'ne japo Sinia' jilis sek ji'wet'e, sekyi'i ti akiep'an ti ata 'niji Macedóniaja.

2 Corintios 2:13 ပူးပေါင်းရင်းမြစ်များ

Marcos 6:46

Itime ti isie jikiojiamk'i papo, sekyi'i ti yama ti ijio ape'e japa tikijnaki ti iyo t'ajlayeja'.

Hechos 21:6

Atemaja ti atejwilajayi japo si'lijwas, sekyi'i ti asojmayejamk'i jlaja kasejkana, yama'ni pet ti yapi'ni.

Romanos 15:26

Siojopo si'lijwas Sinia' jilis pet yiji niwa ajnatis Macedonia siu'neje jlaja Acaya, napoka ti jlosikis po', ti 'yina po' jla'a ijiutis wita'm, sekyi'i ijliuyeyisi'ijyi siunapo si'lijwas p'ijliusis pet yiji jana ajnat Jerusalén.

2 Corintios 12:18

Tito jak 'ejie'nepe ka ijno'wase ti jla'yi ja jikiecha sikiecha. ¿Ent'a Tito jak jla'm ijiate ti inlakiye t'eyi? ¿Ent'a kaskakiuk ti sa'am siu'nie sitienkiujnieye siu'neje na sikijmaye ti ijwienjlik'i?

2 Corintios 7:13

'Yina nak wuj ti kasts'esi kajeyepa ti iyo sijweyeja'. Jak je iyoyiji ti Tito ijioyets'e nak ijiatayiji ti kaskask'i wita'm, ti a'wena ti kia'iyo ti po' siunie jinikanitiejeye ti yiyi, tepa jawo ka kiak je iwo ti asa'am ti taj'lase naka ti yiyi ti jinijiena pijia'm ni jlosik.

2 Corintios 7:14

Pajk'ipe ti ajwejla'm ja Tito ti ya'am wuj ti ate'mase, 'yina i'wi'in ti jlam je awoyi. Ijiatk'i siu'nie awoyi, mejla'a ka je 'najanayi paka awonayi siunie awoyi ti ijiatk'i jla'am ni ajwe'lase'm. 'Yina kiak iyoyiyi pet siukia awonepi ja Tito, ti awone 'ate, “'Wanjliyi jlosik po' siojopo si'lijwas Corinto jlele”, 'yina 'yakaja'a ti ijiatk'i naka.

2 Corintios 8:16

Inikanitieyi ekiajle pa Sinia', ti yijni ni Tito jlosik ti wuj ti in'yenajyi'n, iyo'ate awo siu'nie yik'i.

2 Corintios 8:23

Siuti japoye pa jan'yasajyi'n, ti iyojonk'iye ka 'najane paka iwone pi jikijmaye iyo ni Tito, ká ajwekie ti nak ya'yij'ni ti iniuyijk'im'ni ni isijmaye iyo ask'ioye. Siu'neje ti jan'yasayiji'n siunapo si'lijwas times ti 'yunink'i ni Tito, kia'iyojliyi jwelajia'm ti Sinia' jilis ijliu'wase, iyunitis ni Sijwajieti siunie jikijmaye ti iyoyi.

2 Corintios 8:6

It'imina'ne ti kiak awonaja ja Tito ti 'ejejiena'a, “Siunie jiwone ti 'nelanjie'e, ti a'm ti jlot wita'm siojokia yine napo si'lijwas, 'yina kiak wone 'nakayi. Joyi, 'yasane japo si'lijwas, 'esiji ka wakajla'.”

Gálatas 2:1

Najkapis times sikio' itij'we ijniujlits'i tom'niji kiwa yam'niji, ekiajlayi'iji ti ajo Jerusalenne, ti ya'yi ja Bernabé, sekyi'i ti ane ja Tito ka 'nonin sek'i.

Gálatas 2:3

'Yina ti jlaja 'esiji kajeyepa ti siojo sa'yi Tito, 'wanjliyi je Judíojata, je iyoyisi wek ka 'nejejienits'i ka kiak tiwonaja siunie iyoyisi'ni ti jlamis ti t'isie'n jiwa yiwajats'i'ni.

2 Timoteo 4:10

Demas lapakawo ti yimi'n siu'niwa wask'i'nelaja yi'i 'ni ajnat, it'imina ti ilik'i, 'nakayi teje 'niji Tesalónicaja. Jlampet ja Crescente ijio 'niji Galáciaja, 'yina Tito teje Dalmáciaja.

Tito 1:4

Tito, a'm ti awo yasa'a'm, siu'nie awoki ti ijiate ti 'es. 'Esiji ka Sinia', jla'yi pa Saka'niona Jesús ti Sijwajieti imp'elisimpe, jla'yi ti ja akama.