2 Corintios 2:11 - Sinia' Jlamtis 1994

¹¹ Ja 'nakayeyi pet siunie imosik ja ke kaskajli ka iyoki ni siunie je 'es iyotaja ka iyoki, jlam'ne kastant'ieje ni siunie jike' iyo.

2 Corintios 2:11 ပူးပေါင်းရင်းမြစ်များ

Mateo 4:10

'Yina Jesús isiujlie ti iyo'ate: —¡Talk'i'm, sitiejiejwa imosik! Siuniwa Inia' jlamtis ti yi'i ni ji'wet ti iyo'ate, “Wunit ni Aka'niona ti Sinia', jwankit ka k'iuye.”

Lucas 22:31

Saka'niona kiak t'ipa iyoye'ijyi 'ate: —Simón, Simón, 'yejne'n, sitiejiejwa imosik itime ti ti'yasa'nase ti iyo ka inwonayi 'ate ni k'iejliyi ti tolkiotaja.

Juan 13:2

Jlampa itimayi pi imosik ja Judas Iscariote ti iwijna'm pi jlosik je 'es, ti iyo ka inla'an ja Jesús. Jesús 'yijene ti tal Siniayi, siu'neje ti janapili pi Sinia', siu'neje ti Jinia' pajk'i ti jijweye yikiajle. Jlajmiliet, siuti ti'yekiujni'n, Jesús iliejni'ni ja ji'wu' tomi pijia'm, isimayi siojo intokio' tilijiki'i'ni, ti its'ijwane jlajap.

Hechos 1:25

siunie jank'iuyeje ni jikijmaye iyo ni i'nio' ajlojwanik Judas iliyi, lapakawo ti ijioyi ni siunie yi'i, 'yu'we kajeyepa ti iyoyi ni je 'es.

1 Corintios 7:5

'Yina ká akawoye siunie iyo ka woyi ni ak'iemjla, siu'neje ti a'am ti asejnia'a'm. Siuti po' jana jloma ti kiak jawoyeyi, ti jawoyeyi ni asts'ajlaye, 'esiji ka ijnojlie wita'm, ent'a jawoye 'ate, “'Esiji ka anilayiti kiu wata'a ka je akienk'i'm, kiak jayo'ojyi pet ti ya'am, kajeyepa ti jayoki ni ts'ajlaye, jla'm ijiate ka pajata wata'a.” Jlampet ti 'wenayi siunie jiwoyeyi, ijiate je sitiana' ka kiak awoyeyi, ti jinikiujlie'ni ape'e. Ijiatjliyi siuti yamata 'niji siunie ti it'imina ti kiak jiniwonayi, sekjane'yi ka ekiajla'ayijna'a siunie jiniwonayi ti 'nelanjie'e, iyo napo jijwa'yis po'. 'Lojwinie'e ka sitiejiejwa imosik inkajla', siuti kiak jawoyeyi, ti ja ke alesanayik'iyi siunie jiwoyeyi ti ajwa'yis po', sek jantaj'le ka awayeyinie'e siunie aske'.

2 Corintios 11:14

'Yina nak je kaskelit kajeyepa ti sitiejiejwa imosik iniwojwa'n injlojwanik poli jleliye ti jlal po'.

2 Corintios 11:3

Sikiwit'ase'm kawoye 'ate iyot'iyipi japa Eva ti siupa injla jitiok ik'emijiete siupa jloski'la, ka leyeyi siupa asemijnaye ti ijiat ti jlena'yi, siu'neje ni Sijwajieti ka je 'esie ni astankiujnieye.

2 Corintios 4:4

'Yina 'yakakiuyis, siunie ajnat jinia' iyojwa'n talojoye siuniwa iyo niwa jlosikis, ti iyo ka je i'we'en ki iyo ni jla'al ti ijiate ti 'esi, naka inka'niye ti 'es, ti ijwi'il ni jijweye ni Sijwajieti ti jla'am ti Sinia' jipe'el.

2 Timoteo 2:25

Ja ke initonit ni i'nio', ti iyoyeta jlosikie' siunapo teje'yi ilia'm. Janejejwijyi'n pet k'iye ka Sinia' inoyeje ka wo 'niayija napoka kawoyis jlosikis ink'iejyisa', jla'yi ka intant'ieje ni siunie ti ijiatk'i,

1 Pedro 5:8

'Esiji ka wujwa ka 'yena siunie jiwoyeyi. Joskiyeyi, asosik enitiejyits'i'ni, kajeyepa siunie astajiejwa imosik iyo'ate ni k'iwajla ti jwesieta, ti inijijwijyink'iye ni i'nio' ka insojmayi ka inla'an.

Apocalipsis 13:8

'Yina siunapo i'nio' yi' ape'e 'ni ajnat siunapo jleyis je yi'i naka imp'esinik, jip'esinik ni i'nio' 'wolepo 'woma siunie ti tilianape, ja wikie'eyeyi ti janwunitis jaka pinitiok. Naka ni siunie imp'esinik ti jleyis yi'i napoka ti pajk'i ti yiyi janak ji'wasankiye ti t'o'n, pakayi ti 'nelanjie'e Sinia' ilisanayi ni wask'i'nelaja.

Apocalipsis 2:24

“Jlampet ti asa'am pa inojwajia'm pet ti jleye'yi janak Tiatira je jlekiets'i nak jika'neyasajnaye janak Jezabel, 'yina ti kia'iyo ti je intant'iejayi siuniwa ijwilis ti jlameje ti tajle ni sitiejiejwa imosik, 'yina ajwe'lase'm ti lajk'ipa jikiechaye ka itilki'nase ka 'yijie'nase'm 'etsaka. Najata jla'am ti awotajank'iye ka 'otatiji ni siunie yi'a, paj ka neyeyinie'e siojona jloma ti ja'nis ti jayapimet.