2 Corintios 13:7 - Sinia' Jlamtis 1994

⁷ Sa'am 'ajlana'ase'ni pa Sinia', ka je awoyeyi ni siunie je 'es. Je ajwel ka sam ijiatayi ka 'esiet'iyi siukia awonajapi ti akimak'iji'n ti awak askiowe'e, 'wenajlitieje jla'am ti awoktajank'iye ka awoyeyi ni siunie 'es, ejlo'owek ti ijiate ti lajata ijwiyeja'.

2 Corintios 13:7 ပူးပေါင်းရင်းမြစ်များ

Mateo 6:13

Ke kassena'ate ka wiekia'm niwa inkajejlasayejes, 'wenajliyi ka kasjwajiete.

Juan 17:15

Je a'yasane ka atajla'ne 'ni ajnat, 'wenajliyi ti a'yasane ka ajoskijiete ni imosik.

Romanos 1:28

Siuti kia'iyo ti je iyoyisink'iye ka intant'iejesi ni Sinia', 'yina sekyi'i ti ijiutieyi ni siunie jitienkiujnieye ti ti'niachiki 'nakayi ti jawoyisi siunie ti je ti'wena ka tiwoki ti ijiate ti je 'yu'we.

Romanos 12:17

Ká atayitieyi siunapo ti je 'es ni yi'nase'm. Jalasa ka woyeyi siunie 'es ti jleyeyetaja napo i'nio'.

Romanos 13:13

'Esiji ka iyoki siunie ts'oniye ti 'es ti awaki ni jloma. 'Yina je awok'iate siunapo i'nio' yiji pet ni ajnaj, siunapo 'yatas, siunapo ti je i'ye'en siojona jiliakijnieye ti ilisanisi ti kijlamiyija'm, siunapo ti ijiate ti je 'es ni iyoyi ayijnies asejnia, siu'neje napo 'yakalk'i pi k'iejliyi ti iyoyi jikeye, siunapo ti iniewite'n, siu'neje napo ti t'elijyi'n.

Romanos 16:10

Atejwile 'neje siojo Apeles, jla'am ti ijiate ti je inijweki ti yamk'i pa Sijwajieti. Siu'neje japo ji'wet jlele pet ja Aristóbulo, atejwile.

1 Corintios 11:19

¡'Wanjliyi je akakiuni, kajeyepa ti ja'nakayeyi ti ja 'nakaj siunapo ti je takalakijiejne'n ti yame siunie iyo pi Sijwajieti!

2 Corintios 10:10

Po' ni iyo'ate, “A'tisk'iji'n niwa Pablo jlamtis ti yiji niwa jip'esijna', jak je iyoyiji ti jla'am ti yi' saka kiowe'e ka insta wat ti lajk'iyi paka woyi. Siuti iyo jlamtikie', siuniwa jlamtis iyo laj lajaye.”

2 Corintios 10:18

Ke iwo pa ti siunie i'nio' ti jle' po', Saka'niona jla'am ti iyunit, 'yina je ka jlama jla'am ka iniwunit kant'emina ka jle' poye.

2 Corintios 13:6

Siuti kiak jawo jani'yenajyi'n, 'yina kiak jawo'ojyi pet ti sa'am ja kas'yena'ajyi pet, sek jane'yi ka intant'iejats'ena'a ti injlojwajnasts'e'm ti sa'm ijiate wek sa'am.

2 Corintios 13:8

Ke iwo pa ti je 'es ka itieye ilia'm niwa Sinia' jlamtis ti ijiatk'i, 'wenajliyi ti ja'yukik'i siunie iyoyi.

2 Corintios 13:9

Jak je iyoyi siuti kiak awoki, ti laj sijweyeja', sekyi'i ti anikanitie'ajak'i wita'm, jlam'ne pet ni jiwoyeyi ti int'oniejyi'n. 'Yina ja ke iliki ti ja'yejlanayi'ni pa Sinia', paj ka ijiatayijijna'a ka insisie ts'ijiye.

2 Corintios 6:4

Jak je iyoyiji wikie'eyi siuniwa awoki 'yina je anijwekieje ti sa'am ti Sinia' jikawosts'e'm, ti awaki' naka siwet'ia. 'Yina je kasjlak'alk'i wita'm, ni'ne ti lajk'ipa ka'wina, siu'neje ti je 'yakajata paka iyoki,

2 Corintios 8:21

Tempi it'imina ti kasjwesieje'n pet k'iye ka iyoki siunie 'es jitieyi'i pa Saka'niona; je najata, jitieyi'i 'neje napo i'nio'.

Filipenses 4:8

'Niwak 'wanjli isiame, i'lijwas, jane'yi siupa ti ja ijiatak'i, siunie ti je jlam tonitie wek, siu'neje ti japoye naka ti tijnajyi, siu'neje ti lajk'ipa ka injlejni'ni, siu'neje ni ti wuj ti emina, siu'neje ni ti ajieyeje ti wuj ti 'es, 'niwak 'esiji ka ijiatayiji ka astankiujnieye ijnoyi. Kajeyepa ti jlam je jiniwonayi, 'yina ti 'yu'we ti jiwunitie 'niwaka.

1 Tesalonicenses 5:23

'Esiji ka Sinia' siunie tajle ni jikamankiye, ka wujwa ka inlesana', ka insisie, kan'yena ni asosik jla'yi ki iyo niwa 'asjwes, jla'yi ki iyo ni astankiujnieye, ja 'nakayeyijna'a ka lajak'ipa paka astes iwo ka i'nesta pi Saka'niona Jesús ti Sijwajieti ti janapimet.

1 Timoteo 2:2

Nak ijiateje ti 'yu'weyi siuti ja'najlan'ni napoka anechiyasas wus, siu'neje napo yi' jitieyi'i pet. 'Nakayipe ti ja lajak'i paka k'iejliyeyi ka nets'e, ka ikajmakiepe, 'esiji ka ijiatayi pet ka je kasjweye ni Sinia', jayoki pet ni siunie 'es ti tijnajyi.

2 Timoteo 2:15

Ká ajlasat isia'm siunie jiniwone, 'nakayijna'a ti ja lajak'ipa ti jawoyi 'ajwejliye jitieyi'i ni Sinia'. 'Wenajliyi ti ja inkaja'a'm, kajeyepa ti jan'we'en ti jawoyi naka atankiujnieye ti tijnajyi ti jiwoyi niwa jlamtis ti ijiatk'i.

2 Timoteo 4:18

'Yina kiak iyo je ijiat ka je sijwajiete wikie'eyi siuniwa wask'i'nelaja ti je isis, jajnok'i'ni ti jan'yenk'i'm paj ka iyiyeyinie'e ni siunie jika anechijiayas ti yi' poliyi. ¡'Esiji ka jlam kiajatak'i'ni ni jiwunitieye iyo! Amén.

Santiago 1:12

Sinia' wuj ti ip'ilisi'n siunie to'm ilia'm, jla'yi ti inilayiti siuniwa inkajejlasayejes ti iyo sijliak'aliye. Jak je iyoyi niwaka siunie ti je 'yakajle'n ni i'nio', its'iuyeja pet ji'wet'e, janak ji'wajiet jana in'wasankiye siojona Sinia' ijwijla'm napo i'nio', ti itiliaja kanwejna'm, siunapo 'namaja.

1 Pedro 2:12

'Esiji ka nilesanayiji, ti jleyejyi siunapo je itiant'ieje pa Sinia'. Jak je iyoyiji 'wanjliyi ka injwela ka je insisie, 'yina siuti jan'wena ti 'es ni jiwoyeyi ijiate sekjane'yi jajnonitis pa Sinia' ka netieje janak jloma ti Sinia' jan'ye'en wikie'eyi napo i'nio' ni jitis iyo.