2 Corintios 13:14 - Sinia' Jlamtis 1994

¹⁴ 'Esiji ka Saka'niona Jesús ti Sijwajieti jikap'ijliuskiye, siu'neje ni Sinia' jlemijnaye, siu'neje ni iyo jana Sinia' jikimet ti 'es ti kassotk'i wita'm, ja wikie'eyeyi kane'yasap.

2 Corintios 13:14 ပူးပေါင်းရင်းမြစ်များ

Mateo 6:13

Ke kassena'ate ka wiekia'm niwa inkajejlasayejes, 'wenajliyi ka kasjwajiete.

Juan 4:10

Jesús iyo'ate ti isiujlie: —Siut'itie ka akatejnisieyi jlasa pa ka 'najane paka wone siunie Sinia' iwijna'm napo i'nio', siu'neje ni i'nio' t'ajlam'ni ni i'niat, amta ka 'ajla, sekjane'yi ka inwenata'm siunie i'niat ti in'wasankiye.

Juan 4:14

I'nio' pet ti jan'yaje siunie i'niat ti jawijna'm, ja ke pajana'a ka nekiajle'e ka inki'im. Kajeyepa ti siunie i'nio' ti jawijna'm 'nak i'niat janwoyeyinie'e siunie janwo ti ja jlomasiek'i ti ja ke inejets'i ilia'm siunie i'niat ti jantajla'm ti janwo 'wasankiyeja'.

Juan 7:38

Siunie iyo niwa inamtis ti tip'esina t'ipi ti iyo'ate, “Siunie i'nio' ti ja ke sakakiu, siuniwa tewukis ti tajle ni i'niat ti iyo in'wasankiyeja' intajlajamna'a ni jitiowe.”

Hechos 15:11

Lapakawo ti je akakiunieje ti ajwaye ka lajak'i pa Saka'niona Jesús ti Sijwajieti ti kasp'elisijne'n, iyo'ate iyoyisi.

Romanos 16:20

'Nakayi ti jla'm iwonayijna'a 'ate siunie, siunie Sinia' ti tajle ni inkamankiye, ka 'neti'nits'e ni sitiejiejwa imosik, sek jane'yi ka inenana'a assatis kiajwe. 'Esiji ka Saka'niona Jesús imp'elisinape.

Romanos 16:23

Gayo kia'iyojliyi itijwi'lase pet. A ji'wet'e, inineni'i'ni napo Sinia' jilis ti initotisk'i'ni wita'm. Erasto kia'iyojliyi itijwi'lase, siojo wikiniet'awo yi'i jla'ak isi', siu'neje 'ni sikiecha Cuarto, itijwi'lase pit.

Romanos 5:5

'Yina siunie sinijijwiye iyo je takak'emisie'n jiwek, kajeyepa ti Sinia' ipionitik'i 'niwa sosikis sekyi'i ti isia'ni siunie jlemijnaye ti tajla'm je lajk'i japa Sinia' jikimet ti 'es ti iyoyi si'wajieta'.

Romanos 8:39

ni'ne ka niwakaye siuniwa yi pijia'm, ni'ne ka niwakaye siuniwa yi' ajnat kiajwe, ni'ne ka ne'yi pa siuniwa Sinia' jilisajna'. ¡Ja lajk'ipa ka kaskajle ka kaslane wita'm ni Sinia' jlemijnaye ti yints'e'm, je lajk'i pi iyo pi Sijwajieti Jesús ti Saka'niona!

Romanos 8:9

Jlampet ti asa'am ti jiliyeyi siunie ti jiwoyeyi siunie ti inteliajayi kajeyepa ti janakata siojona Sinia' jikimet ti it'imina ti jik'iuyeyi siunie iyo ka woyi, siuti ja ijiatayi ka siojona Sinia' jikimet ine'yasap. Siunie ti lajk'ipa siojona Sinia' jikimet ka inejyi je naka Sijwajieti Jesús ka intajle.

1 Corintios 12:13

Wikie'eyi, 'wanjliyi ka napokaye Judíojos, siu'neje napo je Judíojos, siunapo inkipijnas, siu'neje napo ti je inkipijnas, ti kasnajienaja'n ti kaswomk'i wita'm pa Saka'niona, ti iyo ka kasjwanjlik'i, jla'yi ti ijwienjli siojopa Sinia' jikimet ti kasts'esi ti kassetijnape. Jla'yi ti kaswikie'eyi ti kas'yayinaja siunie ti jla'am janak Sinia' jikimet.

1 Corintios 14:16

Siuti jajwankitk'iyi siunie ti jiwunit pi Sinia' ti jlene'ni akiowe'e, ent'a japoye siunie akiecha, ti je ijiat pet ka 'najane kiwa Sinia' jlamtis, ¿jot'e ka wo'ate, “Amén”, 'yina siuti je 'yijene siupi jiwoyi?

1 Corintios 16:23

'Esiji ka jikap'ijliuskiye pi Saka'niona Jesús ti Sijwajieti ine'yasap.

1 Corintios 3:16

¿Jet'i 'najanayi paka wonayiji ti asa'am ti Sinia' ji'wuk'iase'm, jla'yi ti siojona jikimet yi' aswa'am?

1 Corintios 6:19

¿Jet'i 'najanayi paka awonayi ti siojona Sinia' jikimet ti 'es ti iwi'nase'm ni Sinia', janak ji'wet niwa 'assienis, jla'yi ti yi' aswa'am janaka Sinia' jikimet? 'Yina je askimet siojona as'wasankiye ti yi'ase.

2 Corintios 8:9

Jlam'ne 'najanayi pi jiwonayi pa Saka'niona Jesús ti Sijwajieti siunie kiak iniwone, ti iniwojwa'n 'ate siunie p'ijliusie, jlam'ne ki iyoyetaja ti jwajla'a je isitia'n. Lapakawo ti ijiateje ti kasp'elisijne'n, 'nakayi ti ja'nesieyi siuti kiak iniwone astepe'e ti iniwojwa'n p'ijliusieja', jawoye pet 'ate siunapo ti ijiate ti jwajla'a je isitia'n.

Gálatas 5:22

Jlampet siuniwa tajle janak Sinia' jikimet naka ni inemijnaye ti ijiatk'i, inikanitiejeye, inkamankiye, siu'neje ti je inip'elisin'ni pa ti k'iejlitieje pa ti jiwet'ia iyo; siu'neje ti jlosik po' ni i'nio'; wuj ti takap'ijliuski; jla'yi ti intaj tiwomaja.

Efesios 2:18

Sijwajieti jla'am ti iyo si'niayeja' it'imina ti a'yakanaja ni Sinia', ka lajak'i'ne wek jana Sinia' jikimet ti 'es ti iniuyits'e'm ti je kas'wenakite'n.

Efesios 2:22

'Yina kiak jiwoyeyi ti jini'nopijietayi ni Sijwajieti, jani'nopijietak'i wita'm, ja 'nakayeyijna'a ti jawoye 'ate janak Sinia' ji'wuk, ti siojona Sinia' jikimet ti 'es ji'weta.

Efesios 5:9

'Yina siuniwa jla' iyo jana kates jla'al naka ti jlosik po' ni i'nio', siu'neje ti tiwoki siunie ti tijnajyi, siu'neje ti ijiatk'i.

Efesios 6:23

'Esiji ka Sinia', jla'yi pa Saka'niona Jesús ti Sijwajieti, imp'elisijnimpe, 'nakayeyi jankamajayispe, siunie jlemijnaye kia'iyojliyi, siu'neje ni jitienkiujnieye ti 'es, 'esiji ka Sinia' iwejna'm.

Filipenses 2:1

Jakajliete, siuti Sijwajieti pak it'imina ki iyo ni yits'e ti sijweye po'; siuti anikimaja ni semijnaye, siu'neje ti japaka jla'am japa Sinia' jikimet ti 'es ti kasts'opijietk'i wita'm; siuti kasisk'i wita'm, jla'yi ti askap'ijliuskiye poye,

1 Jn 1:3

Ekiajlayi'iji ti awo'ate awoki samtikie'ase naka siunie a'wenape jla'yi ti ape'yak, 'nakayijna'a ti ja kasjwanjliyik'i siunie awoki, jawoyena'a 'ate awoki pet ni Sinia' jla'yi pi jlas Sijwajieti Jesús ti kasjwanjliyik'i.

1 Jn 3:16

Siunie inemijnaye kastant'ieje, siuti Sijwajieti Jesús iniwe'n sitipe'e nak 'yakajanit. 'Yina kiak janiwonaja'ni pet, ka iniwena ape'e napo si'lijwas.

1 Jn 3:24

Siunapo its'iuye ki iyo, yiyisiap pi Sinia', Sinia' kia'iyojliyi yijap pet. Ka lajak'i jla'am janak jikimet ti jla'am ti iwints'e'm, janak 'yakajanit.

Judas 1:21

Ká atajlajyi' siunie jlemijnaye ni Sinia' yi'nase'm, 'yina weyejyi siunie ti janejejwiye k'iye siojona jloma ti Saka'niona Jesús ti Sijwajieti jikap'ijliuskiye ti ja kassejni siojona si'wasankiye ti t'o'n.