2 Corintios 13:10 - Sinia' Jlamtis 1994

¹⁰ 'Yina lapakawo 'ni iyo 'ni ip'isinik ni awo'nase ti anajnat its'ioye, kajeyepa ti siuti nak jajiojwi ja ke k'iejliyeyi paka int'emina ka kiak iyo'nase ka je a'tiejak'i siupa i'lij jayone ka winta'asemna'a. 'Yina siunie Saka'niona ji'lij yikialk'i ti awoyi pet ijwiyeja', je ka intaye ka ikajyi'n paka ne'yi pa ti asa'am, 'wenajlitieje ti ka noye'ase'm ka inek siunie jiniwonayi, jiwonayi ni asosik.

2 Corintios 13:10 ပူးပေါင်းရင်းမြစ်များ

1 Corintios 4:21

'Yina, ¿ten siupa jayo'nase ti nak jajiojwi, jot'e ka yik ka yeja'ni aswa'am, ni'ne ka najataja jla'am ka itiu'niase ni yimijnaye siu'neje ni ikap'ijliuskiye iyo?

2 Corintios 10:2

Jakajliete, siuka yikta ti jajio'wase, anip'elisi'niase ka je salaskinayi ka 'yotale t'oniejap ka 'yakamtijniene napoka siunapo ti iyo'ate ti kasjwela, “Siojo Pablo najata jla'am iyoyi siunie jitienkiujnieye.” Jajwi'lase'm ti ya'am pajk'i ti aniwakajlanit k'iye napo ti jatie'yi ilia'm napok ji'lij kiak iyone.

2 Corintios 10:4

Siuniwa sikio' jlele akima'ak'i je niwaka niwa jikio' jlele pet napok i'nio' yi'i 'ni ajnat. 'Yina niwaka Sinia' jijweye ti 'yijene pi iyone ka inetiajnate'n niwaka ti jijweye po'o. Niwaka ti akienaja niwak siuniwa inamtis ti je ijiatk'iji'n ti tenats'e'm ti initiajnate'n,

2 Corintios 10:8

Ijiatataja wek ti jwamjla'a ti anikajmat ape'e siunie awo ti anijwe'el siunie ji'lij ni Saka'niona ti yikialk'i, 'yina je ka iyoyi 'yajwejliye paka k'iejliyeyi. Lapakawo siunie jijweye ni Saka'niona iwink'i'm ja ke inetiajnatajyi'n, 'wenajliyi ti janoye'ase'm ka kinieyi siunie asosik ti 'es.

2 Corintios 13:2

Jlampet siupapo ti iyoyi ni jloski'la, jakayik'i ti nak ajojwi ti timesieyi siukia awonepi ti ajloye, i'lij 'etiapk'i, ekiajlayi'i ti kiak awo'nase. 'Wanjliyi sitiojwataja 'ni a'yi ti awo 'ate siu'neje japo 'wenayi pet, “Ka yiktiejna'aja, 'wanjliyi je ap'elisinajyi'n.”

2 Corintios 13:8

Ke iwo pa ti je 'es ka itieye ilia'm niwa Sinia' jlamtis ti ijiatk'i, 'wenajliyi ti ja'yukik'i siunie iyoyi.

2 Corintios 2:3

Nakape ti it'imina ti kiak awone ki ip'isinik ti atate'ase, ti je awo ka itienkiujnieye je 'esie, ka 'wina siupa ka woyeyi. ¡Je 'yu'wase'm ka kiak awoyeyi, jlam'ne ka ts'ajkanitie'ni! 'Yina nak je akakiuni, ti siuti po' ni awo ti ts'ajkaj'ni, kiak jiwoyeyi pit inkasajyi'n.

2 Corintios 6:6

Siu'neje ti je anijwekieje ti awoki ni siunie 'es, siu'neje ni ti kastant'ieje niwa Sinia' jlamtis ti ijiate jla'am ti ijiatk'iji'n. Siunie ti anilayitie ilia'm napo i'nio', jla'yi ti ap'elisina, siu'neje ti yi' siwa'm janaka Sinia' jikimet ti 'es, siu'neje ni semijnaye ti ijiatk'i,

Tito 1:13

'Yina jlam je iyo ti ijwi'l. Jak je iyo ti kiak awo'nase, 'esiji ka a'lej t'onitiapk'i siuti jajloyi napoka i'nio'. Kiak iyoyi, ja 'nakayeyijna'a ti jiwa ja ke inlane ni jitienkiujnieye ti 'es,