2 Corintios 12:9 - Sinia' Jlamtis 1994

⁹ sekyi'i ti kiak iyonk'i 'ate, “Siunie ikap'ijliuskiye e'na'm 'etsaka. Jlampet siunie ijwiye 'yaka ti yiji naka ti laj jijweyeja'.” Jak je iyoyi ni siunie inikanitieyi atajlaja'm naka ni siunie awoyi ti laj it'iuniye, jak je iyoyiji pet siunie jijweye ni Sijwajieti jane'yi itipe'e.

2 Corintios 12:9 ပူးပေါင်းရင်းမြစ်များ

Mateo 28:18

Sekyi'i Jesús ijliasayi, iyo'ne 'ate: —Inia' yikialk'i ka iyo anechiyasa' ape'e wikie'eyi siuniwa yi' poliyi, siu'neje niwa yi' ajnat'e.

Mateo 28:20

'Eyasanayi pet siunie ajloye'ase'm ka woyeyi, ja 'nakayeyijna'a ti jani'neyasanisi. 'Yina ti ya'am ajwel pet ti ja ke pajna'a ka itiaj'lase'm, paj ka ineyeyinie'e ti ajnat jano'we.

Lucas 21:15

'yina ja yama ya'am ti jawi'nase'm ni siunie as'lej jawonayi, siu'neje na 'najankijnieye, 'nakayeyijna'a siunapo astajiejwas ja ke into'ma aselia'm, 'wenajliyijna'a ti ja injwel ka inkiuj'liase'm, 'yina ja ke injlana'ni.

1 Corintios 10:13

Siunie inkajejlasaye yi'ase, lajk'ipa ka ne'yi paka i'nioye ka je ineyiji. 'Yina 'esiji ka ataj awomayi pa Sinia' ti ja ke inenayi 'ate niwaka inkajejlasayejes, ti wuj ti a'tisk'iji'n, ti je tiuma'yi ilia'm. Siu'neje ti, yiyeta'ase nak inkajejlasaye, Sinia' jan'wenki'na'ase'm siunie janiwonayi ka toma'yi ilia'm.

1 Corintios 15:10

'Yina lapakawo ti Sinia' ijiate ti sip'elisi'n it'imina ti awo injlojwanik'i'm; 'yina je ka sip'elisine wek, kajeyepa ti ya'm ijiate ti akijme'n. Aka'm ape'e siunapo ijia injlojwajnas, kia'awo akijme'n, 'wanjliyi je yamata ka yama siu'nie awoyi, Sinia' jikap'ijliuskiye naka jla'am ti iyoyi siu'nie awoyi ti akijme'n.

1 Corintios 2:3

Ka kia'iwopi ka je jlasiye paka ijwiyeja' ka poye jakayik'i, jlam sikititieyi'ni astayi'i ti je sijwejyi.

1 Corintios 2:5

'Nakayi siunie astankiujnieyeja' ti ja 'esie ja ke intajle ni i'nio' jika'najankijnieye, 'wenajliyi ti jantajle ni jijweye ni Sinia'.

2 Corintios 11:30

Siuti kia'iyo po' siupuwa aniwuniti, 'yina je 'wena pet puwa ka iniwuniti niwaka pet ti janiwuniti siuniwa awoyi ti 'yakajanit siunie ti je anijwe'el, ka ya'am ijiatayiji ka 'yam pijia'm.

2 Corintios 12:1

Ijiat ti lajtak'iyipa ka inkajliji ni i'nio' ti iniwunit. 'Yina ejlowek lapakawoyi ti janiwuniti ni siuniwa Saka'niona i'winkink'i'm, siu'neje niwa ti ya'am ti yini itieyija'm.

2 Corintios 12:10

'Yina awo'neje 'ate, inikanitiejeye yiji ti kiak awoyi laj it'iuniye, siu'neje ti ajyi naka ti siliakik, siu'neje ti po' jana jloma ti lajk'iyi pa ka k'iejliyeyi paka i'wi'in, siu'neje ti po' napo ti teje ijyilia'm, siu'neje ti akk'i pi Sijwajieti ti ijiate ti istie' ni i'niayi. 'Yina siupet ti kia'iyo ti laj ijwiyeja', sek tajla'aja pet ni ijwiye ti Saka'niona iwink'i'm.

2 Corintios 12:15

'Yina lapakawo ti ya'am ti talk'i siunie jayoyi ti jatij'we ti jawin'ni niwa isijmatis 'niwa a'we'en, lapakawo ti emina'. Paj ka kia'iwoyeyinie'e pet ti ya'am siwakal ti janitejwe'e astepe'e, 'yina naka ti ja'nesieyi. Ejlo'owek ti je seminayeta, siupet ti ya'am wuj ti awojon ask'ioye kajeyepa ti ts'ama'ase.

2 Corintios 12:5

Naka ni siunie kiak iyoyi, nak ka iniwunitta ape'e, 'yina jlampet siuti ya'am jeyi ka kiak iniwone ka iniwunit. Najata pet ni siunie awoyi ti lajk'iyi pa ka iyoyi ka poye pa ka ijwiyeja', nak pet ti aniwuniti.

Efesios 3:16

A'yasane siunie asjweyeja' ka intajleje siuniwa i'wi'in ti je jlase', ka ne'n aswa'm, lapakawo siojona Sinia' jikimet ti 'es janoye'ase'm.

Filipenses 4:13

Atojmi wek ilia'm, 'yina ti ijwiye powek, kajeyepa ti paka Sijwajieti ti iyo ijwiyeja'.

Colosenses 1:11

'Ajlajanayi'ni pi Sinia' ka impejlanit'i aswa'm pet ni jijweye ti je jlase', ja 'nakayeyi ti ja asjweye japoye pet. 'Yina ja ke injlak'alajyi'n, 'wenajliyi ti ja akamaja.

1 Timoteo 1:14

Sip'elisi'n ti je wata'a, 'nakayi yikialk'i ka ijiatayiji ka itiej iyoma, jla'yi ni yimijnaye, iyoye 'ate pet 'nakayi 'ni yits'e ti anitajaki pi Sijwajieti Jesús.

Hebreos 11:34

'yina 'yojmat'ik'i siupuwa jwatis ti pansists'ik'i, siu'neje ti je tijliena'ni ti tiwoktaja ka tilianaja'n ti sijnatis jitio' jota ka tikienaja. 'Yina siuti je iyo pet 'ate siunapo jwajla iyots'i'ni, nak tajleje'ne pet ti jijweye poyeyis pet it'imina ti yokios'ni siunapo jitiejiejwas jika tokis 'lo'weje'n.

Hebreos 4:16

Naka'ne, siunie ti je 'esiji ka kaskip'e ni Sinia', 'yina ja ijioki siunie jikap'ijliuskiye 'wet, 'nakayi ti ja kasp'elisijne'n, siu'neje ti jasitiana kanoyits'e'm.