2 Corintios 12:6 - Sinia' Jlamtis 1994

⁶ Siuti kiak jayoyi ti janiwunit, 'yina je ijiuski'la kajeyepa ti jlam je awoyi siunie awoyi. 'Yina je awo ka kia'iyoyi lapakawo ti ja 'nakayeyi ti siunapo i'nio' ja ke inwunit siuniwa ti yamkata ti si'wenkinaja, janiwakatajana'a jla'am siunie awoyi, siu'neje niwa amtiyi ti i'yenis.

2 Corintios 12:6 ပူးပေါင်းရင်းမြစ်များ

Romanos 9:1

Siuti ya'am ti atankiuni pa Sijwajieti, ijiatk'i siu'nie ajwe'el, je ka jla'm iyoyi. 'Etsaka 'neje siunie iyone siojona Sinia' jikimet ti 'es, ti si'wenkina ti ijiate siu'nie awoyi ti awo'ate:

1 Corintios 3:5

Siuti jletinats'i'ni napoka, ¿ten na Apolos?, ¿siunie Pablo, ten na? Jlam'ne ni awoki ti inka'neyasajnaye jiwosts'e'm jiwek, 'yina sa'am ti insisieyi it'imina ti jitienkiunieyi pa Saka'niona. Ijiatjliyi ti sa'am je 'wena pet paka inkima, 'yina isima pet siupa k'iejliyi siupa ti Saka'niona yikialts'e.

2 Corintios 1:18

'Yejne'n, Sinia' 'yijene naka, ti ijiatk'i siunie awoyi, ti je ka iyo'ate, “Kiak jayonie'e”, sek jane'yi ka 'wena iyoyeyi, ka iyo'ate, “Aleyiji siukia awo ka iyoyi.”

2 Corintios 11:16

Ekiajlayi'i ti ajwe'lase'm ti awo'ate: Ká ajwela ka jlam yamti'ni jiwekie'e ka iyo'ate siunie jitiej je 'es. 'Yina siuti sena'yi ka kia'iyo, jakajliete sena'yate ka yamti'yase'm 'nakayi ti jwamjla'a pet ti janiwunit.

2 Corintios 11:31

'Yina pa Jinia' pa Saka'niona Jesús ti Sijwajieti, ti jla'm ijiate ka tiwunitie jajnok'i'ni, je iyo'ate ka je 'najane naka iyo ni ajwe'el.

2 Corintios 12:11

Asa'am ti jit'iminak'i siunie aniwone ti awo'ate ni 'ne'lia. 'Yina ijiate ti 'yuta'ase'm ka sijwela' siukia iyopi ki aniwone ti 'es ti akijme'n ti aye aska kiowe'e. 'Yina ejlo'owek ti je woye ijiaye, ti jijwela je awo'ate ‘siunapo injlojwajnas’ ti jlonitie ka ijiatayiji. 'Yina ya'm ijiatataja wek ya'am ti aka'm ape'e napoka.

2 Corintios 12:7

Siuti Sinia' je iyojonk'iye ka iniwuniti niwak siuniwa ti isis ti jla'am ti i'winkink'i'm, sekyi'i'ne ti iwink'i'm siu'nie iyo ni iwit'ia ti anilayiti ti iyot'i 'ate pa k'itie'n ti 'yita'm ni 'najwes, 'yiniye ka sitiejiejwa imosik intajle ka jlam kiak iwonk'i.

2 Corintios 5:13

Siuti kiak aniwonaja 'ate iyo napoka jitiej je isis, 'yina naka ti awunitie pa Sinia'. Jlampet siunie ti kiak aniwonaja iyo napo isis, naka pet ti insisieyi.

2 Corintios 7:14

Pajk'ipe ti ajwejla'm ja Tito ti ya'am wuj ti ate'mase, 'yina i'wi'in ti jlam je awoyi. Ijiatk'i siu'nie awoyi, mejla'a ka je 'najanayi paka awonayi siunie awoyi ti ijiatk'i jla'am ni ajwe'lase'm. 'Yina kiak iyoyiyi pet siukia awonepi ja Tito, ti awone 'ate, “'Wanjliyi jlosik po' siojopo si'lijwas Corinto jlele”, 'yina 'yakaja'a ti ijiatk'i naka.