2 Corintios 12:20 - Sinia' Jlamtis 1994

²⁰ Sikiwit'ase'm ka siuka nak ijiojwi, ka i'wina ka je iwo'ate siukia iyopi ti ajonitie. Jla'am pet ti ka si'wena ka je iwo'ate siukia awoyipi ti sonitie. Sikiwit'aseme ka ayets'i wita'm ti janawita', ni'ne ka nijnolsinayi paka k'iejliyeyi, siu'neje ni aswak ka ena'yasap, siu'neje ti jijwela napo a'lejwas ti je 'es siupi iyoyi, siu'neje ka nitonitiejyi'n siu'neje ka je inkaja siupa ka woyeyi.

2 Corintios 12:20 ပူးပေါင်းရင်းမြစ်များ

1 Pedro 2:1

Naka'ne ti kiak awo'nase, leyeyi wikie'eyi siuniwa je isis, siunie ti jik'emijieta napo as'lejwas. Ká anitewijnatayik'i siunapo i'nio' ijwil kanses, ajolsinaye ke e'ne ni akiecha, ataj ká ajotie ni akiecha.

Gálatas 5:15

Joskiyeyi naka, siuti kiak jawoyeyi ti janinokieja, janitejwa'yi.

1 Corintios 1:11

Kajeyepa ti ika'niye po' ti siojopo ji'wet jlele jlaja Cloé, japok ijwilk'i ti injwela ti je jininenak'i'ni 'ate.

Romanos 1:29

Ijiate ti tipoyijits'i siuniwa je isis ti iyoyisi, jla'yi ti inisayisi ni siunie ti ijiate ti je 'esk'i, ti je tijnajyi, siu'neje ti ijiulsinaja'm pi jikiecha pi k'iejliyi pi i'wi'in, siu'neje ti ijiate ti netia'n siunie ti jlosik ti 'es. Siunie ti t'eliye ni jikiecha, siunapo kalankijietas, siunie ti je ilisa'n napo ijia, siunie yimi'n ti iliaki napo ijia, siunapo ti ijiateje ti inisayi ni jloski'la ti iyoyi, siunapo ti yiyijits'i'ni napo ijia ti iliaki.

Judas 1:16

Napoka napo ti ajwel'ni, iwit'iajne'n siu'neje ti takalakijiejne'n, 'yina ijiate ti yame siuniwa wask'i'nelaja itiliajasi ka woyi. Wuj ti initoniti'n, 'yina ka kia'iwo ka inlakiyisi'i siuniwa jlamtis, siu'neje ti ijwil ka ijnonit jlam'ne jla'm iyonisi jiwek ti ilisanisiap'ni papo ijia.

2 Pedro 2:18

Wuj ti initoniti'n jlam jiwek ti je pini' puwa jlamtis, 'yina ti lajk'ipa ka 'esie ka intajle. Wuj ti iliaki napo ijia ti ik'emijietk'i, ti itiojna'm ni siunie je 'es, iyo pit ni jikijmaye ni ts'isie'n siunapo ti k'iejli iyota jlosikis ink'iejyisa', ti i'yiltantak'iye siuniwa iyo pit ni jikijmaye.

Gálatas 5:26

Wuj ti je 'es ka initonitie; jla'yi ti je 'es ka ani'na'tinitiek'i'ni wita'm; je 'es ka eliyets'i wita'm.

2 Corintios 12:21

Siu'neje ni sikiwita kayiktana'a ka ijio'wase siupi Inia' ka iwo'ate, “'Yejne'n siunie iyoyisi, ijiat ti je 'es wata'a.” 'Yina siuti kiak jawo sek jane'yi ti ja wujwa ti ja ts'ajwel'ni ti ja ts'ajwe'lase, siu'neje ti itiet t'e' jatiojnate'n k'iye napoka siunapo je t'ekiyi naka ni jloski'la ti iyoyi. Kajeyepa ti je iyoyiyi ka inleyisi naka'ni ti ti'niachiki, jla'yi ti je iliyi ti iyoyi naka ti 'yuyijk'i'ni napo ijia jwa'yis, siu'neje niwa jikeyis ti iyoyi.

2 Corintios 13:2

Jlampet siupapo ti iyoyi ni jloski'la, jakayik'i ti nak ajojwi ti timesieyi siukia awonepi ti ajloye, i'lij 'etiapk'i, ekiajlayi'i ti kiak awo'nase. 'Wanjliyi sitiojwataja 'ni a'yi ti awo 'ate siu'neje japo 'wenayi pet, “Ka yiktiejna'aja, 'wanjliyi je ap'elisinajyi'n.”

2 Corintios 10:6

'Yina anitema siunie jayonaja ti jayoki jitisa' siupi iyoyi pi jane'yi pa siuti ja ke ink'iuyi ti teje ilia'm siunie iyo ka woyi ni Saka'niona, siuti kiak jawo janiwakajlanitieyi ti janipejlanitie ti jak'iuyeyi pi Saka'niona.

2 Corintios 10:2

Jakajliete, siuka yikta ti jajio'wase, anip'elisi'niase ka je salaskinayi ka 'yotale t'oniejap ka 'yakamtijniene napoka siunapo ti iyo'ate ti kasjwela, “Siojo Pablo najata jla'am iyoyi siunie jitienkiujnieye.” Jajwi'lase'm ti ya'am pajk'i ti aniwakajlanit k'iye napo ti jatie'yi ilia'm napok ji'lij kiak iyone.

2 Corintios 1:23

Sinia' itiant'ieje ki iyo ni yiji ni ijiusik, siunie it'imina ti ja ke iniu'wase ka yikta. Awo kajeyepa ti je awo ka yikiajle'eje ka ilianki'nase ni astankiujnieye.

1 Corintios 14:33

kajeyepa ti Sinia' naka ni siunie inkamankiye, naka ni siunie ti je iyojonk'iye ka siunapo jilis jlam pak iwots'i'ni, ka je inka siunie iniwonisi. Siunie iniwone napo Sinia' jilis ti initotietak'i wita'm, nak janekisi pet,

Romanos 1:30

Siunapo ti jitiej ijiutie napo siupa ti iyoyi, siunapo ti teje'yi ilia'm pa Sinia', siunapo takalakijiejne'n, siu'neje napo initoniti'n, siu'neje napo iniwuniti'n. Siuti iyo ka ilesane ni siunie je 'es 'yijene pi iyone; ka jiniewot injloye, 'yina je its'iuye.

Romanos 2:8

'Yina jlampet siunapo ti ijiateje ti je its'iuye, ti ijiut 'niji ni siunie ijiatk'i, jla'yi ti 'yuyisijk'iyi niwa jloski'layis, napoka'ne napo ti Sinia' wujwa ti jiwak jane'ne jla'yi ti jansa'ak'i.

1 Corintios 5:2

¡Jikiniejliyi siunie jiniwonayi ti jinitonitiejyi'n, jlam'ne ka woyeyi asjwejliye siunie jiwoyeyi ti wuj ti je 'es! ¡Siunie i'nio' ni kiak iyo ni jike', 'esiji ka jotie kisie'e!

2 Corintios 2:1

It'imina ti je awo ka poye'eje japa ka jlomaye ka ijio'wase, kajeyepa ti je awo ka iyoye asjlak'aliye, ka wo 'ate ti ajo'wasepi.

Santiago 4:11

I'lijwas, ká amtiye napo as'lejwas. Siuti po' ni yamti ni jikiecha ti ijwil ti je 'es, ket'ijwel ka je niwakaye niwa Sinia' jlamtis ti yamti ti ijwil ka je inses. Siuti jijwel je isis niwa Sinia' jlamtis, jlam'ne ka ama ka woyi siunie iyo kawoyi, jinitojmata'aja a'am ti jijwel ka'ye'en, ka ajweye poye ape'e niwa Sinia' jlamtis.