2 Corintios 12:14 - Sinia' Jlamtis 1994

¹⁴ Siwakal ti nak jajiojwi ti jajio'wase, nak ja najapajayiji ti jajio'wase. 'Yina je alek'i siu'nie awoyi ti je woyeyi asjlokiek'i'm. Je naka ka iyojyin'ni siuniwa ji'wena, ja 'wenayeyi ti asa'am ti jayoyejyi'n. ¿Tepi iyo ni i'nio' ti jilis po'? Jla'am ti ijliak'ajlap'ni napo jilis, iyojyi'n pa ka 'esieyi napo jilis. 'Yina je ka napokaye napo jilis ka injlak'ajlap'ni napo jiniewot, ka iwojyi'n pa ka 'esieyi.

2 Corintios 12:14 ပူးပေါင်းရင်းမြစ်များ

Hechos 20:33

'Najanayi ti je sijwesiejejyi'n paka k'iejliyeyi siupa ti asetia'n, isiowe je yi'i jana wikiniet'aj, siu'neje niwa lotakijnies, ji'wuye paka ne'yi paka isiechaye.

1 Corintios 10:24

Ká awojyi'n siunie ti a'm ti ja 'nesi, 'yina wojyi'n siunie ti ja 'esieyi napo a'lejwas.

1 Corintios 10:33

Jlampet siunie awoyi, ti awotajank'iye ka k'iejliyeyi paka iyoyi, ja ke its'ijlianiti k'iye ka 'winkina, kajeyepa ti je awoyi ka yama ka ininajnat ka iyojyi'n paka ts'esi. 'Wenajliyi ti awojyi'n paka insesi napo i'nio', 'nakayi ti janjwa'.

1 Corintios 11:34

Siuti inel'lia'n, 'yekiunta'a a'wete, ja'nakayeyi ti Saka'niona ja ke intajlat'ase'm siuti jawoyeyi siunie jiwonayiji'ni ti wuj ti je 'es, ti jinitotieyetak'i wita'm. Siuniwa ijia 'neje niwak jatiejieta pet ts'iji ka nak ijiotaja.

1 Corintios 16:5

Ajwe'lasem ta'a siunie jayo kayiktana'a, janiu 'niji yi'i jana ajnat Macedonia, sekjane'yi ka 'yuyeyijna'a astepe'e ti jleye Coríntojo.

1 Corintios 4:19

Jlam'ne pet ni awoyi, siuti Saka'niona janoyijk'i'm ka 'wenayena'a ta'a ijyilia'm. Sekjane'yi ka i'winana'a pet siunapo ijiate ti initoniti'n ka ijiatayi siunie ijwi'il, ka jijweye poyeyis, ent'a napoka siunapo amtijietas jiwek.

1 Corintios 9:12

'Yina siuti po' siunapo ti iyo ka anoyeyeje, je jlenajia'm. ¿Tepi iyo pet ti sa'am? ¿Ma aka'ajwejlasanat'e? Mejla'ala ka nakaye ka iyokijyi'n, 'yina wuj ti anilayitieje niwaka, ka lajak'i ki iyo ni yits'e, ti je 'es ka i'winki'nase'm naka, ka najataja ka intajli'yi ni i'nio' ni asetiana, siu'neje ti awoktajank'iye ka inkamajas ka ink'iuyisi niwa Sinia' jlamtis ti ijwi'il pi iyo pa Sijwajieti Jesús.

1 Corintios 9:18

'yina, ¿tent'i siojopa 'yakaja? Naka ni inkanitiejeye, ti je awo 'yakajaye ti akiji napo i'nio' niwa inamtis ti isis. Ka iyot'e 'ate, ti 'yiniye ka 'yakawoye, siunie iyo ni i'nio' kiak jikijmaye iyo ti po' siojona 'esi ti tejeye ni jikijmaye, 'wanjliyi ka kiak iwo ka je tijwelak'i'm japa ka yak lajaye pet, ti akietaja niwa Sinia' jlamtis ti isis.

1 Corintios 9:19

'Yina siuti ya'am je inkipinikk'i'm, yo'otieje ti jla'm aniwone ti aniwone jikipinikie' wikie'eyi napo i'nio', kajeyepa ti awo ka 'lojwa papo ka 'yakajlits'i ka iwo jlosik ink'ieye ka intankiunisi pi Sijwajieti.

2 Corintios 1:15

'Yina siuti kiaka ti je akakiuni, it'imina ti awo ka iniajnat ka ijio'wase, it'imintaja ka timesieyiji ka ijio'wase.

2 Corintios 11:9

Siuti a'yi aska kiowe'e ti lajatak'ipa ka'wi'in, 'yina je asam'ne ka i'winakitie'ni ka k'iejliyeyi japaka 'yasane, jla'm ijiatayi wek jla'am siunapo yi' Macedóniaja ti po' siojokia atajlajaje jakiaka'ne ti ts'esi. 'Yina awotajank'iye ka je iliki siunie aniwonaja ti je a'wenakitie'ni.

2 Corintios 12:13

Ijwienjliyeta siunie it'imina ti siunapo Sinia' jilis 'neje ti 'yakama'yi astepe'e, naka ti po' siojokia iwinisk'i'm ti ijiutis'ni wita'm its'ioye, 'yina je awojonk'iye ka iyoye ajlokiek'i'm ti ya'am. ¡Siuti janakaye ti jet'i jleminak'i, 'yina ká awoyeyijna'a itisa', anip'elisi'niase!

Gálatas 4:19

Ilis, yikiajlayi'iji siu'nie awoyi ti wuj ti alate ni itienkiujnieye, ti a'tiek'i astepe'e. Awoye 'ate siojona i'nioki ti k'iejli jlas yokie, ti ijliak'al'ni 'yina jajiok'i'ni siunie ti janilayiti, ijiatjliyijna'a ka wakajla pi Sijwajieti aswa'am.

Filipenses 4:1

Jak je iyoyiji, japo i'lijwas ti yimijna'ase'm, je pi sik'iejie'e ti awotaja'ni ka i'wina, jla'yi ti asa'am ti inikanitiejeye'ase'm, asa'am siunie i'wiejiet ti ja'yakajli, yimijna'. Ká ajlasata'yi isia'm siunie jiniwonayi; ká aleyeyi ni Saka'niona.

Filipenses 4:17

Je'ne ka nakaye ka ts'eliaja ti jiwoye'ni i'wiejieta', 'yina awojonk'iye ka Sinia' jlam kiajatajak'i'ni ka inoye'asem'ni ka je instayepe pet siunie jawo ka wenak'i'm, naka ni siunie ti ja wujwa ti jamp'elisina'.

1 Tesalonicenses 2:11

Jla'yi ti 'najanayi ti wuj ti iniuye'ase'm pet siukiwa samtis iyo ti akela'ase'm, yi'i japo ti asa'am, awoye 'ate ni i'nio' ti po' napo jilis. Je aleyi ti 'ejie'nase'm ka woyeyi siunie 'es iyo napo Sinia' jilis, kajeyepa ti naka ti Sinia' tajnap'ase ni jika anechijiayas jla'yi ni jiwunitieye iyo, ka awayejyi pit.

1 Tesalonicenses 2:8

Kiak awona'ase pit ti wuj ti emina' kaswikie'eyi. Je najata ki awo'nase ti ajwe'lase'm niwa Sinia' jlamtis, ¡paj ti awoyetajapi ka iniwe'n astepe'e, kajeyepa ti ijiatk'i ti emina'!