2 Corintios 11:7 - Sinia' Jlamtis 1994

⁷ Siuti ajwelaye'asempe niwa Sinia' jlamtis je k'iejliyi japa ka 'yejla'ase'm ka iyo lajaye, je jla'm awo ti anijlasat isia'm ti awo ka inwunitieja pet. ¿Ent'a jijwela ka je 'esieyiji?

2 Corintios 11:7 ပူးပေါင်းရင်းမြစ်များ

Hechos 20:33

'Najanayi ti je sijwesiejejyi'n paka k'iejliyeyi siupa ti asetia'n, isiowe je yi'i jana wikiniet'aj, siu'neje niwa lotakijnies, ji'wuye paka ne'yi paka isiechaye.

Hechos 20:34

'Wenajliyi pet ti akijme'n, 'nakayi'iji ti a'we'en siunie asetia'n, jla'yi siunie isitia'n siojopo yi'ni ijiap.

Romanos 1:1

Asampey i'lijwas, ya'am ti Pablok'i'm ti atate'ase siu'nie ip'isinik. Sinia' jla'am ti tank'i, sekyi'i ijniejietk'i'm siu'nie isijmaye ka iyo Sijwajieti Jesús jijliujwanikie' ti sitiejieta naka ka yikiji'n ka ijwi'il siunie jika'niye ti 'es.

1 Corintios 9:12

'Yina siuti po' siunapo ti iyo ka anoyeyeje, je jlenajia'm. ¿Tepi iyo pet ti sa'am? ¿Ma aka'ajwejlasanat'e? Mejla'ala ka nakaye ka iyokijyi'n, 'yina wuj ti anilayitieje niwaka, ka lajak'i ki iyo ni yits'e, ti je 'es ka i'winki'nase'm naka, ka najataja ka intajli'yi ni i'nio' ni asetiana, siu'neje ti awoktajank'iye ka inkamajas ka ink'iuyisi niwa Sinia' jlamtis ti ijwi'il pi iyo pa Sijwajieti Jesús.

1 Corintios 9:6

'Yina, ¿ijiatt'iyi ti samkata, ti ya'yi ni Bernabé, ka je 'esieyiji ka poye japa ka inwents'e'm napo i'nio' pa ka k'iejliyeyi ka kasts'isisi pet?

2 Corintios 10:1

Siuti ya'am ti Pablok'i'm wuj ti anip'elisi'niase, 'yina etijnape ki iyo ni Sijwajieti jikap'ijliuskiye ti je yi'n. Po' siunapo sijwe'el ti a'yi aska kiowe'e 'yotale je t'oni paka k'iejliyeyi, jlampet ti sitiojwatajk'i 'yotale t'onie'eje ti ajwe'el pi k'iejliyi.

2 Corintios 10:16

'Yina nak anejejwiyetaja pet k'iye ka neyi ts'ijiye ka 'yakajlaja ka iyoki samtikie' siunie Sinia' jika'niye siuniwa isi'il tomi 'wechaja jana Corinto yiji jla'am janaka. 'Yina ja ke ijioki siuniwa ajnatis ti pajk'i ti po' ta'a napo ijioyi, kajeyepa ti je awoki ka iniwunitieje ka ijwila ka sama ka sikijmayeja' siuniwa ti wakal ta'a jikijmaye napo 'wenayi.

2 Corintios 12:13

Ijwienjliyeta siunie it'imina ti siunapo Sinia' jilis 'neje ti 'yakama'yi astepe'e, naka ti po' siojokia iwinisk'i'm ti ijiutis'ni wita'm its'ioye, 'yina je awojonk'iye ka iyoye ajlokiek'i'm ti ya'am. ¡Siuti janakaye ti jet'i jleminak'i, 'yina ká awoyeyijna'a itisa', anip'elisi'niase!

2 Corintios 2:12

Ti ajoyeyi siujlieja isi' jle' iyo'ate Troas, ti jayo yamtikie' ti jajwil kiwa Sinia' jlamtis ti ijwil pa Sijwajieti, jlajmiliet ti ayeyi, sek a'yi ti poye ni awo ti sats'ilka ka isijme'n, ka iyo yamtikie'.

1 Tesalonicenses 2:9

I'lijwas, astaj wujk'i siukia awoki ti akimak'iji'n, ti jloma ajnaj kia'iyojliyi, paj ti je kasts'isisieyi ti akimak'iji'n ti awokijyi'n pi sak lajaye. Jak je iyoyi ka poye pa ka intajli'i ka jwesiejayiji'n paka k'iejliyeyi ka kasts'isisi ti awokietaja ni sikijmaye, ti awok samtikie' ti ajwela niwa Sinia' jlamtis ti isis.

2 Tesalonicenses 3:8

Jak je iyoyiji siukia atowa akinieje, kajeyepa ti laja po' kiwa jlomas ajnajas ti akimak'iji'n, paj ti je kasts'isisieyi. Jak je iyoyiji ka poye paka inila'ne ka ink'ipi'ni sajap ka wojyi'n paka itiuwa.