2 Corintios 11:29 - Sinia' Jlamtis 1994

²⁹ Jak je iyoyiji siuti po 'ni laj jit'iuniye kia'awoye'ijyi pet 'yiniye ka ijiatayi ka yama ka laja it'iuniye. Siuti po' pa ti jlam it'imina pi jikiecha ti yija'm pi jike', naka ti wujwa'aja ti sijwesie pet.

2 Corintios 11:29 ပူးပေါင်းရင်းမြစ်များ

Mateo 11:6

“'Esiji ni i'nio' ti je yisit ilia'm ni iyo ti jitiej iyomk'i'm.”

Juan 2:17

Siojopo t'eyasajnas jitiej wujwayi siukia iyo kiwa inamtis t'ipi ti tip'esina ti iyo'ate, “Je jlase' ni awo ti isiowe yapili'ni jana a'wuk ti sikiwita.”

Romanos 12:15

Siuti po' ni inkaj'ni, 'esiji ka kiak awoyeyi pit inkasajyi'n. Jlampet siuti po' napo yape'n, kiak woyeyi pit, noyeyeje ti yape'n.

Romanos 15:1

Siuti sa'am ti jwamjla'a ni awoki, ti sijweye t'onik'i siunie sitienkiujnieye ti 'es, 'esiji ka initojmataja sa'am siuniwa 'najwes t'a'ti, ka yina sa'am sitipe'e, napoka ti kasjwanjliyik'i ti awoki siunie ti atankiunieje pa Sijwajieti. 'Yina je 'esiji ka ijwienkitak'iyi siunie ti sa'am ti kasteliaja ka iyoki.

1 Corintios 11:22

'Yejne'n, jlam'ne po' ni jwajla'a yi' as'wete, ka'yekiuniejyi'n ta'a siu'neje ni ji'yayejyi. ¿Yot'iyi'ni ti kiak jiwonayi napoka Sinia' jilis ti je woye lajaye? ¿Yot'iyi'ni ti jit'iajwejlanatak'i wita'm napoka i'nio' ti p'ijliusis? ¿Tepa jayone pi i'lij ti jawi'nase'm? ¿Jot'i ka ijiunitieyi siunie jiwoyeyi? ¡Jeyi! ¡Wuj ti je 'es siunie jiniwonayi!

1 Corintios 12:26

Siuti po' pa yi'i pa a'tieje, ijiate kia'iyoye'ijyi pet niwa jijwa'al iliatayi'iji pet. Jlampet ti yi'i pa ti inkaj'ni, 'yina kia'iyoye'ijyi pet siuniwa ijia ti ikatayi'iji pet ni iyo ti inkaj'ni.

1 Corintios 15:36

¡Ijiat ti 'ne'lia wat siupa ka kiak iwo ka i'yasane! Siunie i'nio' ti takawijna'n, siuti itietatajak'i jana jlaki' jana inseliaki, e'tieje ti 'nesk'i pijia'm kajeyepa ti netianataja'm siojona t'aj.

1 Corintios 8:13

Jak je iyoyiji, siuti naka ti it'imina ni isiecha ti k'iejli jijweye potie ti iyoyi niwa Sinia' jlamtis, ti ya'am ti a'wenkina ti iyoyi pit ni jike', ajwel'ni 'esiji ka iliyi ti atojw ni wakia t'isie'n, ni'ne ka sonta t'isiena pa, ja 'nakayeyi ti ja ke yama ka it'imina ni isiecha ti iyoyi ni jike'.

1 Corintios 8:9

'Yina joskiyeyi, 'yena siunie jiwoyeyi. Je 'es ka asama ka at'eminayi napo as'lejwas ti k'iejli jijweye t'ontiek'i ti iyoyi ki Sinia' jlamtis, ti janwoyi ni jike'.

1 Corintios 9:22

Kia'iyojliyi ti ajyi siunapo ti k'iejli t'oni ti iyoyi kiwa Sinia' jlamtis, 'yina kia'awoye'ijyi pet ti ajwel ka je sit'iuni kiwa Sinia' jlamtis ti awoyi, kajeyepa ti awo ka 'yakajli ka iwoyi kiwa Sinia' jlamtis. It'imina ti awo'ate, 'wanjliyi ka i'nio 'wenayeyi papo ka initewitanik'i, lapakawo ti ajalasta ka i'yaka'n ka ijwiejiet jiwek paka ine'yi napo i'nio', je awet'iantaja ka nak inojwaja'm jiwek papo ka isiaka'n.

2 Corintios 13:9

Jak je iyoyi siuti kiak awoki, ti laj sijweyeja', sekyi'i ti anikanitie'ajak'i wita'm, jlam'ne pet ni jiwoyeyi ti int'oniejyi'n. 'Yina ja ke iliki ti ja'yejlanayi'ni pa Sinia', paj ka ijiatayijijna'a ka insisie ts'ijiye.

Gálatas 2:14

Sekyi'i a'we'en ti kia'iyo ti yameje'n siunie iyoyisi, ti je ijlieneje siunie iyo ni ijiate ti 'es Sinia' jlamtis, 'yina kiak awoniji'ni ja Pedro ti ene jitieyi'i japo i'nio', “A'm ti Judío'a'm, 'yiniye ka je Judíoja'a'm jle' kiowe'e napoka ti ijiate jla'am ti je Judíojos, jlam jiniwone wek ka je ama ka Judíoja'a'm. Jlam'ne amata pet, ¿yot'iyi'ni ti jit'ijie'ne napo i'nio' je Judíojos ka kiak iniwonisi iyo ni jiwoyeyi?

Gálatas 6:2

Ká ajwankite ni akiecha ti po' pi yiyi. Noyeje ja inkiajatajak'i'ni ti kiak jawoyeyi. Siuti kiak jawoyi, ijiate nak jawoyeyi ni jika'neyasajnaye ni Sijwajieti.

Apocalipsis 2:2

Iyo'ate wikie'eyi siunie jiwoyi, ts'ajane pi awone. A'we'en siunie akijmaye ti kiojieti, siu'neje ti akanowe jiniope siunie ti ajlak'ali ti yi'a, siu'neje ti ts'ajane pi awone ti je t'iujwam'ni pet k'iye siunapo i'nio' iyoyi ni jike', siunapo yi' aswa'm. Siu'neje na ti pajk'i ti jlejlit napoka i'nio' ijwil ka napokaye injlojwajnas jlam'ne 'wenayi, 'yina ji'we'en ti ijiate ti napokaye siunapo jlamtis je ijyiwitijits'i.

Apocalipsis 2:20

“'Yina ijwienjliyeta siunie atajlata'm ti awoyi atesa': naka ti jlena 'ate ti iyoyi na je 'es janaka asejnia Jezabel, ti ijwil ka intal Siniayi siunie iniwone, 'yina ik'emijiet napo ikawos siu'neje ti 'yakajmaneje'n siunie iyo niwa jika'neyasajnayejes. Sekyi'i ni siunie ti ijiat ti je 'es ti iliaki siunie jijwa'ajiye, siu'neje ti itiujw siunie titiejietajape pet siuniwa tiwoki diosisa' ti tonitiejata.