2 Corintios 11:12 - Sinia' Jlamtis 1994

¹² 'Yina ekiajlayi'iji ti awo'ate ti je awo ka ilik'i siunie ti je awo ka 'winakitie'ni, ja 'nakayeyi ti ja ke 'najanisi paka ji'lij inojwatits'i napoka napo ‘injlojwajnas’ ti jijwela ka napok ijiatayiji, ti iniwunitisi siunie ti askijmaye, siu'neje ti jikijmaye jiniwomayi. 'Yina ti iyotajasink'iye pet ka kiak iniwonaja ka iyok lajaye siunie sikijmaye ka iyok'iate iyo jlamis t'ajla'ni napo i'nio' pi k'iejliyi ti iyotajasi.

2 Corintios 11:12 ပူးပေါင်းရင်းမြစ်များ

Mateo 26:16

Sek taj'le'ne ja Judas yamjliyi ti iyojyi'n siupa ka 'esiejape'n ka nekiajle japo pa'yijis jika anechiyasas ja Jesús.

1 Corintios 5:6

Je 'es ka aniwunitie ape'e niwak kia'iyo. Je iyo'ate ka je 'najanayi siunie ti iyo'ate, “Siunie inwakiwa mak ti tilisanaje, 'wanjliyi ka jwamjla'aja ni siunie jijlinkit ka titietajaja, je iyojliyi ti ijliasat pijia'm.”

1 Corintios 9:12

'Yina siuti po' siunapo ti iyo ka anoyeyeje, je jlenajia'm. ¿Tepi iyo pet ti sa'am? ¿Ma aka'ajwejlasanat'e? Mejla'ala ka nakaye ka iyokijyi'n, 'yina wuj ti anilayitieje niwaka, ka lajak'i ki iyo ni yits'e, ti je 'es ka i'winki'nase'm naka, ka najataja ka intajli'yi ni i'nio' ni asetiana, siu'neje ti awoktajank'iye ka inkamajas ka ink'iuyisi niwa Sinia' jlamtis ti ijwi'il pi iyo pa Sijwajieti Jesús.

2 Corintios 1:17

Jet'i 'es ti aleyek'i siukia jota iyoyi, ¿jet'i 'yu'we ka kiak je awonak'i 'ate? Je 'yaka paka iwoyi. ¿Ni'ne ka si'wena ti yam ya'am ti talk'i siunie awoyi, siuti awo'ate, “Kiak jayonie'e”, 'yina paj ti aleyiji siunie awo ka iyoyi?

2 Corintios 10:17

Siuniwa Saka'niona jlamtis iyo'ate, “Siupa iyo ka iniwunit, 'esiji ka iniwuniti jla'am pa Saka'niona.”

2 Corintios 11:18

¡'Esiji ala ti po' siunapo ti kia'iyo iniwunitisi pi k'iejliyi ti 'yotate, 'yina kiak jayo pit janiwunit pet!

2 Corintios 11:9

Siuti a'yi aska kiowe'e ti lajatak'ipa ka'wi'in, 'yina je asam'ne ka i'winakitie'ni ka k'iejliyeyi japaka 'yasane, jla'm ijiatayi wek jla'am siunapo yi' Macedóniaja ti po' siojokia atajlajaje jakiaka'ne ti ts'esi. 'Yina awotajank'iye ka je iliki siunie aniwonaja ti je a'wenakitie'ni.

2 Corintios 5:12

'Yina je ka ijwil ka inijwela'ase'm kiu'ujwe, ka sek ne'yi ka kassonit. 'Wenajliyi jla'am ti awoktajank'iye ka poye paka k'iejliyeyi siupa it'imina ti kassoniti'n, sekyi'i ti janikanitie pet sitipe'e, jla'yi ka 'najanayi ka akiujlieyi napoka siunapo initoniti'n ti ijwil ka 'najanisi siunie je 'yaka ape'e, ti je tajla'm siunie ijnosik.

Gálatas 1:7

Ijiatataja ti ijwienjli siu'nie inamtik Sinia' tajle, siunie ti awoki samtikie'asepi, siunie it'imina ti kiak jiwoyeyi. 'Nakayi jlam ti po' siunapo ti je inena'yi 'ate, ti tom'ni ask'ioye, ti iyo ka 'noti siuniwa iyone niwa jitienkiujnieyejes, siunie itiliak'i ka woyisi kajlejnate siunie inka'niye ti ijwil pa Sijwajieti.

1 Timoteo 5:14

Tempi it'imina ti awo'ate: siojona ask'ilieki ti jlosie 'wanjliji, 'esiji ka injwa'yi. Jilis japoye, ja wujwa ka ilesa'n ni ji'wet, ja'nakayeyijna'a ti ja ke tiliakik ka lajayipe 'weta ni inkajejlasaye tajle ni sitiejiejwa.