2 Corintios 10:7 - Sinia' Jlamtis 1994

⁷ Awo'ate, 'yena niwa siuniwa wask'i'nelaja 'yaka 'nakayi. Siunie i'nio' ijwil ka ijiatayi ka inoyeje pa Sijwajieti, 'esiji ka jitiej inene 'ate ti siuti sa'am, sam'neje ti anokieje ni Sijwajieti.

2 Corintios 10:7 ပူးပေါင်းရင်းမြစ်များ

Mateo 23:5

“K'iejliyi'iji pi iyo kawoyisi je iyojonk'iye ka i'nio' je in'we'en. Ka kia'iwo ka jilisa' siuniwa its'ijwanaja'm jana jletik ti isesk'iji'n, yiji niwa Sinia' jlamtis, jla'yi puwa its'ijwanis jikio'yi. Siuniwa ji'wuye isesamk'i niwa jijwukis.

Lucas 16:15

'Yina kiak t'ipa iyonayipi: —Asa'am ti jijwela' insisie jitieyi'i napo i'nio', 'yina mejla'ala ka Sinia' je 'najane paka wone niwa askiojwa'l. Kajeyepa siunie ijiunit napo i'nio', nak Sinia' iwit'iane.

Juan 7:24

Ijiatjliyi, je 'es ka 'yenayi napo as'lejwas siupa jloniye iyo ti ji'wena' siuniwa yi kisie'e, 'yina siuti jawo naka 'otatiji, 'wena ja ke 'asajiap'e siunie ti ijiate ti tijnajyi.

1 Corintios 1:12

Jajniejietk'i, po' napo iyo'ate ti asa'am, “Ya'am 'ok'i pet ni Pablo”, po' napo iyo'ate, “Ya'am 'ok'i pet ni Apolos”, ijia napo iyo'ate, “Ya'am 'ok'i pet ni Pedro”, ijia napo iyo'ate, “Ya'am 'ok'i pet pi Sijwajieti.”

1 Corintios 14:37

Siuti po' siunie ti ijwi'il Sinia' jikimet japaka ti yamtijie'n, ni'ne ka nijwe'el ka poye siupa Sinia' i'winkina ka injlasate pet papo ijia, ja 'najane'eje pet pa janwone siunie iyo, siu'neje iyo ni ip'isinik naka jikajluniet jla'am pa Saka'niona.

1 Corintios 15:23

'Yina jansesk'i siunie janwoyi niwaka. Siunie iniane paka Sijwajieti; siunie tomik'i naka ti Sijwajieti janapimet, sekyi'i napokaye pet siunapo jika kia'lis jla'am.

1 Corintios 3:23

Jlampet ti asa'am nak Sijwajieti ti jikimet'ase'm, jlampet ni Sijwajieti Sinia' jikimet pet.

1 Corintios 9:1

Ajwel'ni lajk'ipa ka sakakiuyi siu'nie a'yi ti ya'am injlojwanikk'i'm, siu'neje ti ya'am ti a'wenpe ja Saka'niona Jesús ti ini'wenkink'i'm. Siunie a'yakane ti anoyeje ni Sinia' iyo ni jikijmaye, lajk'ipa jikiechaye ti asa'am ti jiwoye Sinia' jilisa'. 'Yina lajk'i'ne paka intomi'ni ijyik'i siu'nie awoyi ti jijliujwanikk'i'm.

2 Corintios 10:1

Siuti ya'am ti Pablok'i'm wuj ti anip'elisi'niase, 'yina etijnape ki iyo ni Sijwajieti jikap'ijliuskiye ti je yi'n. Po' siunapo sijwe'el ti a'yi aska kiowe'e 'yotale je t'oni paka k'iejliyeyi, jlampet ti sitiojwatajk'i 'yotale t'onie'eje ti ajwe'el pi k'iejliyi.

2 Corintios 11:18

¡'Esiji ala ti po' siunapo ti kia'iyo iniwunitisi pi k'iejliyi ti 'yotate, 'yina kiak jayo pit janiwunit pet!

2 Corintios 11:23

Sijwajieti jikawos napoka, 'yina kia'awo pit. Ya'm ijiatayi ya'am ti aka'm ape'e, ejlowek siukia awoyi ti ajwe'el 'yiniye pa ti itiej je 'es. 'Yina siunie isijmaye 'yaka'm ape'e ni jikijmaye iyo. Je ijwienjliyi ka je iyi'ni insat jiweje, 'yina kia'iyojliyi naka aka'm ape'e. Siunie tiwonak'i siuti sak'ajak'ni je ijniujliji; siukia tiwonak'i je ijwienjli ka je ijlien'n ajnata'm.

2 Corintios 11:4

'Yina je jiwoyi ka wet'ianayi ti potie siunie ijio'wase ti iyo jlamtikie' siunie Jesús ti je naka siunie Jesús ti pajk'i ti awoki samtikie'. Jla'yi ti siojona jlena'yasap je janak siojona Sinia' jikimet ti pajk'i ti yi'ase. Siu'neje ti jikima'yi ilia'm siunie inka'niye ti je naka ni siunie inka'niye ti pajk'i ti yi'ase.

2 Corintios 12:11

Asa'am ti jit'iminak'i siunie aniwone ti awo'ate ni 'ne'lia. 'Yina ijiate ti 'yuta'ase'm ka sijwela' siukia iyopi ki aniwone ti 'es ti akijme'n ti aye aska kiowe'e. 'Yina ejlo'owek ti je woye ijiaye, ti jijwela je awo'ate ‘siunapo injlojwajnas’ ti jlonitie ka ijiatayiji. 'Yina ya'm ijiatataja wek ya'am ti aka'm ape'e napoka.

2 Corintios 13:3

'Yina ti jiwoyejyi'n paka k'iejliyi ka pakaye ka inikajanit ka ijiatayiji ka pakaye Sijwajieti ka jlamtisa' siuniwa yamtis. 'Yejne'n Sijwajieti je ka i'nio' jiniliakie, Sijwajieti jijweye po' kan'ye'en siuniwa jiwoyeyi.

2 Corintios 5:12

'Yina je ka ijwil ka inijwela'ase'm kiu'ujwe, ka sek ne'yi ka kassonit. 'Wenajliyi jla'am ti awoktajank'iye ka poye paka k'iejliyeyi siupa it'imina ti kassoniti'n, sekyi'i ti janikanitie pet sitipe'e, jla'yi ka 'najanayi ka akiujlieyi napoka siunapo initoniti'n ti ijwil ka 'najanisi siunie je 'yaka ape'e, ti je tajla'm siunie ijnosik.

Gálatas 3:29

Jak je iyoyiji, siuti nak jitiajlayi ni Sijwajieti, je kast'ayiji'n pet ti asa'am ti jitiajlajia'm siupapo Abraham jilis t'ipi, asa'am ti tijna'yase'm siunie Sinia' ijwi'il.

1 Jn 4:6

Jlam pet ti sa'am ti atajlaja pi Sinia'. Siunapo itiant'ieje pi Sinia' its'iuts'e'm, jlampet siunapo je itiant'ieje pi Sinia' je its'iuts'e'm. It'imina ti je astajanitie siunie i'nio' yiyi janak siojona Sinia' jikimet, kia'iyojliyi siojona tajle pet siunie ti je ijiate, ti 'yakajmank'iji'n napo i'nio'.