2 Corintios 10:4 - Sinia' Jlamtis 1994

⁴ Siuniwa sikio' jlele akima'ak'i je niwaka niwa jikio' jlele pet napok i'nio' yi'i 'ni ajnat. 'Yina niwaka Sinia' jijweye ti 'yijene pi iyone ka inetiajnate'n niwaka ti jijweye po'o. Niwaka ti akienaja niwak siuniwa inamtis ti je ijiatk'iji'n ti tenats'e'm ti initiajnate'n,

2 Corintios 10:4 ပူးပေါင်းရင်းမြစ်များ

Hechos 7:22

Moisés t'eyasanaja wikie'eyi siupuwa iyo papo Egipto jlele t'ajankijnieye. Jak je iyoyiji ka jijweye je poyeyi ti tamti, jla'yi ti isimts'e.

Romanos 13:12

Yam'niji siukia ajnaj, majleye pet ilia'm siunie jloma, 'esiji ka iliki siuniwa sakeyis ti tajle pet ni ajnaj. 'Esiji ka yina'ak'i siuniwa sikio' jlele tejeye pet ni inwak awaki ti awaki ni jloma, iyoye'ate ni ijiawo.

Romanos 6:13

Ke ekiajlayi niwa 'asjwes ni siunie inke' ka 'nakayeyi ka inkiene ni siunie je 'es ka woyeyi. 'Yina jla'm ijiate jla'am siunie jawoyeyi ti janinekiajlayi ni Sinia' ti asa'am siunapo ti pajk'i ti iyo masesie' jitieyi'i ni siunie inke', 'nakayi siuti jlekiajlayi'ijyi ti in'wasanajyi'n. Ekiajlayi ni Sinia' niwa 'assienis, 'nakayi ti jantajieta pet siupa 'es ti jankijmajne'n.

1 Corintios 2:5

'Nakayi siunie astankiujnieyeja' ti ja 'esie ja ke intajle ni i'nio' jika'najankijnieye, 'wenajliyi ti jantajle ni jijweye ni Sinia'.

1 Corintios 9:7

¿Ent'a ji'wena' pa ti iyoyeta tokisie', ti jla'am ti takat'i'n ape'e siupa jlak ti iyo tokisie'? ¿Tepi iyo ni i'nio' ti jla'am ti yikiaj'l isia'm jana ts'ejniet'io, ma pot'i pa tomik'i'ni ti iyo ka intojw puwa jla' ti wakajlata? ¿Tepi iyo ni i'nio' ti i'yena niwa sontas, ma jet'i i'yaja ni jikat'ios ti i'nijwojnits'i?

2 Corintios 10:8

Ijiatataja wek ti jwamjla'a ti anikajmat ape'e siunie awo ti anijwe'el siunie ji'lij ni Saka'niona ti yikialk'i, 'yina je ka iyoyi 'yajwejliye paka k'iejliyeyi. Lapakawo siunie jijweye ni Saka'niona iwink'i'm ja ke inetiajnatajyi'n, 'wenajliyi ti janoye'ase'm ka kinieyi siunie asosik ti 'es.

2 Corintios 13:10

'Yina lapakawo 'ni iyo 'ni ip'isinik ni awo'nase ti anajnat its'ioye, kajeyepa ti siuti nak jajiojwi ja ke k'iejliyeyi paka int'emina ka kiak iyo'nase ka je a'tiejak'i siupa i'lij jayone ka winta'asemna'a. 'Yina siunie Saka'niona ji'lij yikialk'i ti awoyi pet ijwiyeja', je ka intaye ka ikajyi'n paka ne'yi pa ti asa'am, 'wenajlitieje ti ka noye'ase'm ka inek siunie jiniwonayi, jiwonayi ni asosik.

2 Corintios 3:5

Ijiate ti lajata sijweyeja', kant'eminape ka ikajlaja pa sikijmaye ti kia'iyo.

2 Corintios 4:7

Siunie ijiate ti laja po', naka ni ajwel'ni ti Sinia' jla'am kiak iyonts'e, ti je kast'o'n, awok'iate niwa i'niat jijwa'al ti isatis. 'Yina nak 'yakajanit ti jla'am pa Sinia' ti tajle nak injweye ti je jlase', je ka sama ka intalts'e.

2 Corintios 6:7

siu'neje ti awoki samtikie' niwaka Sinia' jlamtis ti ijiatk'iji'n, siu'neje ti yisajap naka jijweye ni Sinia'. 'Yina siunie tiwoki je niliak, naka'ne ni ti tiwoki inkio' jleliye', 'yina niwaka'ne pet ti akienaja niwaka ti 'ekiyejataja napo sitiejiejwas, siu'neje ti sikio' jlele pet ti awoki ka ini'manitie.

1 Tesalonicenses 5:8

Sa'am ti awaki ni jloma, 'esiji ka je ilik'i pet ti anokk'i nak si'niayi ti tijnajyi. 'Esiji ka i'yuki siunie jip'ot ni ts'ot naka ni sitienkiujnieye ti 'es, siu'neje ni semijnaye; siunie jip'ot jla'a setik, 'esiji ka iyina'a naka pet ni siunie ka inijijwijyink'iye pet ka ijwieye.

1 Timoteo 1:18

Yas Timoteo, 'ye'en siu'nie jayo'naja ti ja'yiyasa'n, ka 'wena ijnojwap'e wat siuniwa Sinia' jlamtis iyont'iyipi ti injwe'el ti ijwijla'm papo jijwejlanawos. Ja ke paja ka aleyi ti ja awoyi atankiujnieyeja' kiwa inamtis, 'nakayi ti ja'nesiejempe ti jlak'aliyijin'ni ni je 'es.

2 Timoteo 2:3

Ti a'm ti Sijwajieti Jesús jika tokists'ia'm, 'esiji ka anilayiti pet siunie awet'ia.

Hebreos 11:30

Siupapo Israel jika kia'lis ti je 'yakakiuyis pa Sinia', jika jlomas ijwienjli sikio' itij'we times tom'niji ti yikiajlisiapen'ni siojopa isi' Jericó, 'yina paj ti yamat'ipi isia'm siupa inwasok iniujwape'n.