2 Corintios 10:1 - Sinia' Jlamtis 1994

¹ Siuti ya'am ti Pablok'i'm wuj ti anip'elisi'niase, 'yina etijnape ki iyo ni Sijwajieti jikap'ijliuskiye ti je yi'n. Po' siunapo sijwe'el ti a'yi aska kiowe'e 'yotale je t'oni paka k'iejliyeyi, jlampet ti sitiojwatajk'i 'yotale t'onie'eje ti ajwe'el pi k'iejliyi.

2 Corintios 10:1 ပူးပေါင်းရင်းမြစ်များ

Mateo 11:29

Kima'yi ilia'm siunie tejeye pet naka inkijmaye ti kiojieti, ena'yi astepe'e. Ni'neyasanayi siunie aniwone ti akama, ti je anitonit. Jant'eminajna'a ka 'esie ka inajape'n ni asak'al, jankamajana'a.

Mateo 21:5

“Jwelajia'm napo i'nio' yiji jana Sión. Wonayi 'ate: 'Yena'yi ilia'm ni aska anechiyas ti ijio'wase, je initonit, yi' ape'e ni malekiat'io jlas, jlet jana inlajwa ti titilki'ni.”

Hechos 8:32

Sinia' jlamtis siupuwa iyo'ate puwak yamtijie'n: “Iyo'ate jana 'wolepo' ti tilianajata, ti tikinieje, ti je yap. Iyoye'ate na 'wolepo 'woma, ti tisiojok, ka kia'iwo ka jikiwet ilajna'm.

Romanos 10:20

Sekyi'i pa Isaías ji'lij je jnechi pijia'm ti iyo'ate: “Siunapo ti je siwojyi'n, napokaye'eje jla'am ti si'wenis, iyo ni Saka'niona. 'Yina jlampet siunapo ti je ti'yasank'i, napokaye'eje pet ti anikajanitia'm.”

Romanos 12:1

Ijiatjliyi 'napo i'lijwas, siuti Sinia' jikap'ijliuskiye yints'e'm, wuj ti anip'elisi'niase ti jayo'ate, ká anitejna'm ni Sinia', niwone 'ate siunie ti tiwonaja ji'wajieta' ti jla'am ti tiwunie, ti i'wasanajyi'n, ti i'notata k'iye, jla'yi ti 'yakanit'ni pa Sinia' siunie jini iyo. Naka ni siunie ti jlonitieta pa Sinia' ti je niliak. 'Esiji ka je aleyi ti ja e'ne ni Sinia'.

Romanos 15:15

'Yina siu'nie ip'isinik po' siuniwa yiji ni it'imina ti i'lij je jnechi pijia'm ti ajwe'el, ja'nakayeyi ti ja ke inkiwaliyeyi'i. 'Yina ka lajak'i ni iyo ni Sinia' jikap'ijliuskiye ti iwink'i'm, it'imina ni awoyi ti akajli,

1 Corintios 2:3

Ka kia'iwopi ka je jlasiye paka ijwiyeja' ka poye jakayik'i, jlam sikititieyi'ni astayi'i ti je sijwejyi.

1 Corintios 4:10

Tiwoki 'ne'liasats'e'm ape'e pi Sijwajieti, jlam'ne pet ti asa'am jijwelaye ka ijiatayiji ka 'najanajyi'n ti asa'am ti jikiniets'i pi Sijwajieti. Laj sit'iuniye, jlampet ti asa'am jijwela' ka asjweye poye. Siuti je tiwok sajaye, jlampet ti asa'am tiwok anechiyasa'ase'm.

1 Corintios 4:21

'Yina, ¿ten siupa jayo'nase ti nak jajiojwi, jot'e ka yik ka yeja'ni aswa'am, ni'ne ka najataja jla'am ka itiu'niase ni yimijnaye siu'neje ni ikap'ijliuskiye iyo?

2 Corintios 10:10

Po' ni iyo'ate, “A'tisk'iji'n niwa Pablo jlamtis ti yiji niwa jip'esijna', jak je iyoyiji ti jla'am ti yi' saka kiowe'e ka insta wat ti lajk'iyi paka woyi. Siuti iyo jlamtikie', siuniwa jlamtis iyo laj lajaye.”

2 Corintios 10:2

Jakajliete, siuka yikta ti jajio'wase, anip'elisi'niase ka je salaskinayi ka 'yotale t'oniejap ka 'yakamtijniene napoka siunapo ti iyo'ate ti kasjwela, “Siojo Pablo najata jla'am iyoyi siunie jitienkiujnieye.” Jajwi'lase'm ti ya'am pajk'i ti aniwakajlanit k'iye napo ti jatie'yi ilia'm napok ji'lij kiak iyone.

2 Corintios 10:7

Awo'ate, 'yena niwa siuniwa wask'i'nelaja 'yaka 'nakayi. Siunie i'nio' ijwil ka ijiatayi ka inoyeje pa Sijwajieti, 'esiji ka jitiej inene 'ate ti siuti sa'am, sam'neje ti anokieje ni Sijwajieti.

2 Corintios 11:21

¡Ts'ajwejle ka pichi'nase, ijiatepe ti awet'ianaja ka kiak iyo'nase naka! 'Yina ti po' siunapo kiak iniwone ti iniwunitisi, 'nakayi 'yiniye kayo 'ate ni siunie jitiej je 'es, ti amti'ni ti awo'ate, “kiak jayo'ni pet janiwunit'ne pet.”

2 Corintios 11:30

Siuti kia'iyo po' siupuwa aniwuniti, 'yina je 'wena pet puwa ka iniwuniti niwaka pet ti janiwuniti siuniwa awoyi ti 'yakajanit siunie ti je anijwe'el, ka ya'am ijiatayiji ka 'yam pijia'm.

2 Corintios 12:5

Naka ni siunie kiak iyoyi, nak ka iniwunitta ape'e, 'yina jlampet siuti ya'am jeyi ka kiak iniwone ka iniwunit. Najata pet ni siunie awoyi ti lajk'iyi pa ka iyoyi ka poye pa ka ijwiyeja', nak pet ti aniwuniti.

2 Corintios 3:12

Siuti kia'iyo ti sinijijwiye po', it'imina pet ti je kast'a'ni ti awok samtikie'.

2 Corintios 5:20

Ijiate ti sa'am ti je kasto'we ti Sijwajieti jikawosts'e'm. Jak je iyoyiji ti awoki samtikie' naka ni inka'niye ti 'es, 'yiniye ka jlama pa Sinia' ka ijnalas napo i'nio'. Jak je iyoyiji pet ti ya'am wuj ti 'ejejie'nase'm ti etijnape pa Sijwajieti, ti awo'ate, ¡nijwankitayik'i pi Sinia'!

2 Corintios 6:1

Ijiatjliyi, siuti sa'am ti anokieje ni Sinia' ni iyo ni jikijmaye, wuj ti anip'elisi'niase, ká akajyina' naka jikap'ijliuskiye iyo ni Sinia', siunie ti yints'e'm.

2 Corintios 7:4

'Wanjliyi je sikip'ase'm siunie awoyi ti ajwe'lase'm, jla'yi ti wuj ti ate'mase pet. Ejlowek siunie sijliak'ali ti yits'e, 'yina siuti ya'am jla'm ani'netjli pet siunie inikanitiejeyi lajayi'ni ji'wetayi 'ni isiowe.

Gálatas 5:2

'Yejne'n, ya'am Pablok'i'm ti jayo'ate ti jajwi'lase'm, siuti kiak janiwonayi 'ate iyo napoka yame pet ki iyo napo Judíojos, ti t'isie'n jiwa tejwak'i, ijiate siunie Sijwajieti ja ke insisieyi'iji pet.

Efesios 3:1

Jak je iyoyiji ti sa'am ti Judíojosts'e'm, siu'neje ti asam pet ti je Judíojosts'ase'm, ti Sijwajieti Jesús kasts'opijietk'i wita'm. Siupet ti ya'am Pablok'i'm je paj ka iliyi ti 'ajlana'ni, ti a'ne yi'i jla'a insat jiwe, 'yiniye ka jlama pa Sijwajieti ka siwojwa'n jikipinikiek'i'm, ti ts'otie a'laja'm astepe'e.

Efesios 4:1

Tempi it'imina ti ya'am, ti Saka'niona jla'am ti it'imink'i ti a'ne yi'i jla'a insat jiwe, ti kiak awo'nase ti anip'elisi'niase, asa'am ti ta'nase pi Saka'niona: woyeyi siunie 'es iniwone siunapo ti ijiate ti iyo niwa inamtis ti isis.

Filipenses 4:5

Ni'wenkinajia'm napo i'nio' asa'am ti jikap'ijliuskiye. Je pa tojwa'a ti ja'nes pi Saka'niona.

Colosenses 1:23

Jak je iyoyiji je 'esiji ka leyeyi siunie astankiujnieye ti 'es; ká anitajlina', nit'onitie pijia'm, ká alanayi wita'm siojona asnejejwiye ti tajle pak Sinia' jika'niye ti pajk'i ti jipe'yaye. 'Yina siunie inka'niye itij'w ape'e 'ni ajnat ti tijwela, siuti ya'am ti Pablok'i'm, ya'am ti Sinia' jikawok'i'm.

2 Tesalonicenses 3:17

Ya'am ti Pablok'i'm, ya'am ti ilisajna' ni yi'i ni imp'esinik, kiak ilisajna' iyo pit jla'yi ti yi' e'ne.

Filemón 1:19

Ya'am Pablok'i'm, ya'am ti 'eti' siu'nie, ajwel ti janitojmate, jlajme awo ti jatis. ¡'Yina je ayiji pit, ka itiej iyunitk'i ti kiak jiwo pit akapia' yik'i, ates yi' ijyilia'm!

1 Pedro 2:11

I'lijwas, asa'am ti yimijna'yase'm, wuj ti anip'elisi'niase, ti je t'ikiyejli'yi kiu' ape'e siu'nie ajnat ti je ijiat ka as'weta. Ka je awoye 'weta niwak siuniwa je isis ti jlomas ti inteliajayi ka woyeyi ti teje'yi ilia'm ni siuniwa asosikis.

Apocalipsis 1:9

Ya'am Juank'i'm siunie askiecha, lapakawo pet siuti ani'nopijieteje ni Jesús 'yina si'wet ijwienjlajam'ne siunie Sinia' jika anechijiayas, siu'neje ti siliaye iniuk'i wita'm ti siwet'ia poyeta, 'yina majejli naka 'neje siunie sijweye pet ti ani'netiejeta pet ilia'm niwaka. Sena 'ne yi'i jlaja ajnat siujlie'e i'niat tijwajiape'n jle' iyo'ate Patmos, 'yina je 'wena paka int'emink'i naka jla'am ti awoyi yamtikie' niwak Sinia' jlamtis, siu'neje na ijiatk'i ti Jesús iyo jika'niyeja'.