2 Corintios 1:6 - Sinia' Jlamtis 1994

⁶ Ijiatataja wek ti wuj ti anilayitieje siu'nie iyo ni sijliak'ali, 'yina lapakawo ti jlam je aniwonaja jiwek, kajeyepa ti nak its'iuye pet ji'wet'e ti janejnank'i pijia'm niwa asosikis, jla'yi ti jant'emina ti jajwaye. 'Yina jlampet siuti Sinia' inijnan pijia'm ni sosik, naka pet ti jant'emina ti asjweye japoye, sek jane'yi ka atomayenie'e ilia'm siuniwa iyo asjlak'aliye jawoyena'a 'ate iyo awoki ti sa'am, ti atataja isia'm naka ni anilayitieje sijliak'ali.

2 Corintios 1:6 ပူးပေါင်းရင်းမြစ်များ

Hechos 21:5

Ti awakiek'i siukiwa jlomas aninenaja, sekyi'i ti akinieja'ni ti jatiajlaja japo si'lijwas. Pajlat ti namisek'i kisie'e jlaja isi', jijwa'yis namisik'i pet, jilis kia'iyojliyi. Ti awakie jikiuts'i ja i'niat lajlik'i, sek awak'i ti ts'akosjlete'l ateyejayijk'iji'n, ti awok ts'ajlayeja', kaswikie'eyi ti awok ts'ajlayeja'.

Romanos 8:28

Kasts'ajane 'neje ti siunapo yimi'n ni Sinia', sa'am ti Sinia' tants'e ti itiliaja jla'am kawoyi, wikie'eyi k'iejliyi pa yits'e, jla'am ti itime ta'a pi iyone, 'yina naka'ne ni siunie kasts'isisi ti iniuyits'e'm.

2 Corintios 1:4

Jla'am ti inijienk'i pijia'm niwa sosikis ti potie pi siwet'ia iyo. 'Yina ka kiak iyokieyipi pet, ja 'yakajlaja ti janiukieje napo si'lijwas ti janijienak'i pijia'm niwa jlosikis, ti kia'iyo jijliak'ali po'. Jayikiajlaja siunie iyonts'e ti iniuyits'e'm.

2 Corintios 12:15

'Yina lapakawo ti ya'am ti talk'i siunie jayoyi ti jatij'we ti jawin'ni niwa isijmatis 'niwa a'we'en, lapakawo ti emina'. Paj ka kia'iwoyeyinie'e pet ti ya'am siwakal ti janitejwe'e astepe'e, 'yina naka ti ja'nesieyi. Ejlo'owek ti je seminayeta, siupet ti ya'am wuj ti awojon ask'ioye kajeyepa ti ts'ama'ase.

2 Corintios 5:5

Siunie i'nio' ti kaslesank'i, naka ni Sinia', naka 'neje ni siunie iwints'e'm siojona jikimet ti 'es jla'am, ti iniajnatts'e ta'a. Janak 'yakajanit siunie janwents'e'm ts'ijiye, siojona jloma ka inetiejenie'e.

Efesios 3:1

Jak je iyoyiji ti sa'am ti Judíojosts'e'm, siu'neje ti asam pet ti je Judíojosts'ase'm, ti Sijwajieti Jesús kasts'opijietk'i wita'm. Siupet ti ya'am Pablok'i'm je paj ka iliyi ti 'ajlana'ni, ti a'ne yi'i jla'a insat jiwe, 'yiniye ka jlama pa Sijwajieti ka siwojwa'n jikipinikiek'i'm, ti ts'otie a'laja'm astepe'e.

Efesios 3:13

Tempi it'imina ti kia' awo'nase, ti anip'elisi'niase, ka je ijnots'inats'i naka siu'nie awoyi ti yik'i ti anilayiti, jlam'ne je 'wena pa kat'emina asa'am ti iwit'ia po' astepe'e. Ja 'wenajliyi ti jawunitie pet ti kia'iyoyi kajeyepa ti asamkata ti yi'ase naka.

Filipenses 1:19

Kajeyepa ti nak jant'emina ti jajwie'e, ka ijiatayijia'm ti je liyeyi ti ts'ajlana'ni, jla'yi ki iyo jana Sijwajieti jikimet ti 'es janaka 'neje ti iniuyijk'i'm.

2 Timoteo 2:10

Lapakawo ti 'esiji wek ni iyo ni anilayiti, 'yina ti je aniwone wek. Napoka jla'am ti ja 'esieyi, napoka napo Sinia' isi'mik'i ti ini'nopijieteje pi Sijwajieti Jesús kan'we'n pet siojona jijwajieti ti jlonitieyi po' ti laj jlaja.