2 Corintios 1:5 - Sinia' Jlamtis 1994

⁵ Iyoye pet 'ate ti ijiate ti siliaye iniuyi wita'm pi Sijwajieti, ti wuj ti inilayiti pi jijliak'ali, 'yina kia'iyo'ni pet pa Sinia' ti ijiate ti iniuyeje ni sosik, ti k'iejlitieje pi siwet'ia, ka lajak'i pi iyo pi Sijwajieti.

2 Corintios 1:5 ပူးပေါင်းရင်းမြစ်များ

Lucas 2:25

Puwak siupuwa jlomas pojompe pa i'nio' jle' iyo'ate Simeón, ji'wet jlaja Jerusalén. I'nio' ti 'es, yamjliyi'iji ti its'iujwe'n k'iye ka Sinia' imp'elisi'n papo Israel jika kia'lis, jla'yi ti iyunit jlam jiwekie'e pa Sinia'. Siojopa Sinia' jikimet ti 'es pajk'i ti yijap ta'a pa Simeón,

Hechos 9:4

Saulo iniuyet'ijyimpe ti taj'l ape'e pa jiliajwa, ipi'yayi'ni siupa ina'lap tom poliyi, ti iyo'ate: —Saulo, Saulo, ¿yot'iyi'ni ti jiniajme'n ijyik'i ti salas kawo atajiejwayek'i'm?

Romanos 8:17

Ijiatjliyi, siuti sa'am ti jilists'e'm ja kasjwanaja'a pa Sijwajieti ti ja tiwenats'e'm siunie ti sikimet naka ni pajk'i ti ijwilts'e'm ni Sinia'. Siu'neje ti ja ijiatayi ti siliaye janoj wita'm pa Sijwajieti ni jijliak'ali iyo ka 'nakayeyi pet, siunie jiwunitieye ti 'es ka nesajap.

Filipenses 1:20

Iyoye'ate siunie yik'i ti po' siu'nie ak'iukink'iye, naka ti ja lajak'ipa ka ts'ajwel ape'e ka k'iejliyeyi paka je 'esie ka iyoyi ka ini'najwelanit'ni. 'Yina awotajank'iye ka ijiatayiji ka ini'net'i ka iyoyi niwa Sinia' jlamtis, 'nakayi ka 'yakajanit pa Sijwajieti ki iyo ti jijweye po', siu'niwa jlomas siu'neje niwa jlomas atayeje, 'wanjliyi ti kiak jayo ja sinitia'n, ni'ne ka si'wasa'n.

Filipenses 2:1

Jakajliete, siuti Sijwajieti pak it'imina ki iyo ni yits'e ti sijweye po'; siuti anikimaja ni semijnaye, siu'neje ti japaka jla'am japa Sinia' jikimet ti 'es ti kasts'opijietk'i wita'm; siuti kasisk'i wita'm, jla'yi ti askap'ijliuskiye poye,

Filipenses 3:10

Siunie awojonk'iye ka iyo, ka ijiatayiji ka sitiant'ieje pa Sijwajieti; jla'yi ti anik'iutieje ka into'm iwia'm ka inejyi 'ni isiowe paka jijweye ti iniujwa'n kisie'e jla'am ti tajle pa a'no'; jla'yi ti awotajank'iye ka ini'we'en ka 'naka ka iliaye janoyi wita'm; siunie jiliaye iyo ti wuj ti a'tiek'i, ka iyoyena'a 'ate iyo ti 'ya'al.

Colosenses 1:24

'Nakayi ts'ajkaj'ni ti iwit'ia poye astepe'e, kajeyepa siuti kiak iyo ti iwit'ia po' ape'e napo Sinia' jilis, ti 'nak Sijwajieti t'ajwes, 'yina yamjliyi ti jajnol wita'm siunie iyot'iyipi pa Sijwajieti ti kia'iyo ti inilayiti pi jiwet'ia.

2 Timoteo 3:11

Mejla'a ka je 'najane ki iwit'ia iyo ti ape Antioquíaja, siu'neje ti a Icóniojo, siu'neje ti a Lístraja. Wuj ti a'tisk'iji'n siukiwa iyonk'iji japo i'nio', 'yina Saka'niona sijwajiete jakayi.

1 Pedro 4:13

'Wenajli wek ti ja anikanitiejyi'n, lapakawo ti yiye'ase pit naka inkajejlasaye ti inilayitt'iyijpe pi Sijwajieti ti kia'iyo, ja 'nakayeyi ti jampo'ase ni asnikanitieyi, ka 'nakajta ni siunie iyo ni jijweye.