2 Corintios 1:23 - Sinia' Jlamtis 1994

²³ Sinia' itiant'ieje ki iyo ni yiji ni ijiusik, siunie it'imina ti ja ke iniu'wase ka yikta. Awo kajeyepa ti je awo ka yikiajle'eje ka ilianki'nase ni astankiujnieye.

2 Corintios 1:23 ပူးပေါင်းရင်းမြစ်များ

Hechos 18:1

Jlampa yama'niji siupa iyoyisi, Pablo tajla'm japa Atenas, ijioye 'niji yi'i japa isi' jle' iyo'ate Corinto.

Hechos 18:8

Crispo siupa tijna'yi japa 'najla'wet, pak iyo jlosik ink'ieye siu'neje papo ji'wet jlele, siu'neje papo Corinto jlele, lapakawo ti ipi'yayis puwa Sinia' jlamtis ti Pablo ijwi'il, sekyi'i tiniejienaja'ne.

Romanos 1:9

Sinia', siunie ti awoyi'ni yamtikie' ti ajwe'el ni jlas, ti anayi wita'm 'ni ijiusik ti anoyeje, si'we'en ni awoyi ti je aleyi ti je sikiwali'ase'm ti 'ajlana'ni.

Romanos 9:1

Siuti ya'am ti atankiuni pa Sijwajieti, ijiatk'i siu'nie ajwe'el, je ka jla'm iyoyi. 'Etsaka 'neje siunie iyone siojona Sinia' jikimet ti 'es, ti si'wenkina ti ijiate siu'nie awoyi ti awo'ate:

1 Corintios 4:21

'Yina, ¿ten siupa jayo'nase ti nak jajiojwi, jot'e ka yik ka yeja'ni aswa'am, ni'ne ka najataja jla'am ka itiu'niase ni yimijnaye siu'neje ni ikap'ijliuskiye iyo?

1 Corintios 5:5

Sekyi'i ekiajlayi ni sitiejiejwa imosik ka iwo jiwet'iaye ni t'isie'n, jlampet ti jisiak'al janjwa', ka netiejenie'e janak jloma ti ja'nes pi Saka'niona.

2 Corintios 1:1

Asampey, i'lijwas ti jleyejyi jana isi' Corinto, ti kia'iyo Sinia' jilists'ase'm pet, asam'neje ti jleyejyi jana Acaya, ti Sinia' jika kia'lits'ase'm. Ya'am Pablok'i'm, ti Sijwajieti Jesús jijliujwanikk'i'm, jayo'ate atajla'm siunapo ti ijiatt'iyijpe ti t'eyasajnas, lapakawo ti tajle jla'am pi Sinia' ka kiak iyoyi. Yi'ijiap 'ni sikiecha Timoteo, yam'neje ti 'eti' siu'nie imp'esinik.

2 Corintios 1:18

'Yejne'n, Sinia' 'yijene naka, ti ijiatk'i siunie awoyi, ti je ka iyo'ate, “Kiak jayonie'e”, sek jane'yi ka 'wena iyoyeyi, ka iyo'ate, “Aleyiji siukia awo ka iyoyi.”

2 Corintios 10:2

Jakajliete, siuka yikta ti jajio'wase, anip'elisi'niase ka je salaskinayi ka 'yotale t'oniejap ka 'yakamtijniene napoka siunapo ti iyo'ate ti kasjwela, “Siojo Pablo najata jla'am iyoyi siunie jitienkiujnieye.” Jajwi'lase'm ti ya'am pajk'i ti aniwakajlanit k'iye napo ti jatie'yi ilia'm napok ji'lij kiak iyone.

2 Corintios 11:10

Je tak'emiyeje siunie awoyi, kajeyepa ti sitiant'ieje ts'ajane pi awone ti Sijwajieti jla'am ti iwink'i'm ni ji'lij, jak je iyoyiji ti 'yiniye ka iniwuniti ti awo'ate ti je jlamis ka iyi kiajwe, siuti ayeyi siuniwa ajnatis yi' Acáyaja kiak jawo'ojyi ja lajak'ipa ka ijnalk'i siunie aniwone.

2 Corintios 11:11

¿Yot'iyi'ni ti i'lij kiak awone? ¿Ent'a jitijnisieje ka je yimina'? ¡Sinia' 'yijene ala ti ijiate ti emina'!

2 Corintios 11:31

'Yina pa Jinia' pa Saka'niona Jesús ti Sijwajieti, ti jla'm ijiate ka tiwunitie jajnok'i'ni, je iyo'ate ka je 'najane naka iyo ni ajwe'el.

2 Corintios 12:20

Sikiwit'ase'm ka siuka nak ijiojwi, ka i'wina ka je iwo'ate siukia iyopi ti ajonitie. Jla'am pet ti ka si'wena ka je iwo'ate siukia awoyipi ti sonitie. Sikiwit'aseme ka ayets'i wita'm ti janawita', ni'ne ka nijnolsinayi paka k'iejliyeyi, siu'neje ni aswak ka ena'yasap, siu'neje ti jijwela napo a'lejwas ti je 'es siupi iyoyi, siu'neje ka nitonitiejyi'n siu'neje ka je inkaja siupa ka woyeyi.

2 Corintios 13:10

'Yina lapakawo 'ni iyo 'ni ip'isinik ni awo'nase ti anajnat its'ioye, kajeyepa ti siuti nak jajiojwi ja ke k'iejliyeyi paka int'emina ka kiak iyo'nase ka je a'tiejak'i siupa i'lij jayone ka winta'asemna'a. 'Yina siunie Saka'niona ji'lij yikialk'i ti awoyi pet ijwiyeja', je ka intaye ka ikajyi'n paka ne'yi pa ti asa'am, 'wenajlitieje ti ka noye'ase'm ka inek siunie jiniwonayi, jiwonayi ni asosik.

2 Corintios 13:2

Jlampet siupapo ti iyoyi ni jloski'la, jakayik'i ti nak ajojwi ti timesieyi siukia awonepi ti ajloye, i'lij 'etiapk'i, ekiajlayi'i ti kiak awo'nase. 'Wanjliyi sitiojwataja 'ni a'yi ti awo 'ate siu'neje japo 'wenayi pet, “Ka yiktiejna'aja, 'wanjliyi je ap'elisinajyi'n.”

2 Corintios 6:6

Siu'neje ti je anijwekieje ti awoki ni siunie 'es, siu'neje ni ti kastant'ieje niwa Sinia' jlamtis ti ijiate jla'am ti ijiatk'iji'n. Siunie ti anilayitie ilia'm napo i'nio', jla'yi ti ap'elisina, siu'neje ti yi' siwa'm janaka Sinia' jikimet ti 'es, siu'neje ni semijnaye ti ijiatk'i,

Gálatas 1:20

Ijiate siu'nie iyo 'ni ip'isinik, jlam je awoyi jitieyi'i pa Sinia'.

Filipenses 1:8

Sinia' 'yijene pi iyone'ala ti awotaja ka yama'aseyi ka i'wina. 'Yina ti wuj ti emina', je lajk'i ki iyo ni jlemijnaye ni Sijwajieti Jesús ti wuj ti 'es nak tajleje.

1 Tesalonicenses 2:5

'Najanayi pi jiwonayi ti je ak'emijnatayi puwa yamtis ka wujwa kanses, ka 'nakayeyi ka int'emina ka poye paka k'iejliyeyi ka ikajliji, ni'ne ka wikiniet'aja japa. Sinia' kia'iyo 'yijene 'neje naka.

1 Timoteo 1:20

Jiwet'ia kia'iyo japo Himeneo, siu'neje ja Alejandro, ya'am pajk'i ti ekiajle ni sitiejiejwa imosik ja 'nakayi ti ja'naja'n jlosiki, janleyeyijna'a siuniwa jlamtis jiniliaja ti yi'ne ni Sinia'.