2 Corintios 1:1 - Sinia' Jlamtis 1994

¹ Asampey, i'lijwas ti jleyejyi jana isi' Corinto, ti kia'iyo Sinia' jilists'ase'm pet, asam'neje ti jleyejyi jana Acaya, ti Sinia' jika kia'lits'ase'm. Ya'am Pablok'i'm, ti Sijwajieti Jesús jijliujwanikk'i'm, jayo'ate atajla'm siunapo ti ijiatt'iyijpe ti t'eyasajnas, lapakawo ti tajle jla'am pi Sinia' ka kiak iyoyi. Yi'ijiap 'ni sikiecha Timoteo, yam'neje ti 'eti' siu'nie imp'esinik.

2 Corintios 1:1 ပူးပေါင်းရင်းမြစ်များ

Hechos 16:1

Pablo ijioyis 'niji yi'i japa Derbe, siu'neje japa Listra, sek i'winits'i'ne siojo i'nio' jle' iyo'ate Timoteo. Kia'iyo inamtik jiwo, jlet japa Judía ti iyoyi pa inamtik. Sinia' jilis siupapo sekyi'i i'winis jak jwemik ti 'es, 'yijen jlosiki, jak je iyoyiji'ni ja Pablo ti iyo ka ina'asi. Siupapo Judíojos ti 'yijenayi pa iyone ti je Judío pa jinia', it'imina'ne ja Pablo ti iyo ka tejwak'i pa t'isie'n jiwa ja Timoteo, ka ijiatayiji ka Judíoja'.

Romanos 15:26

Siojopo si'lijwas Sinia' jilis pet yiji niwa ajnatis Macedonia siu'neje jlaja Acaya, napoka ti jlosikis po', ti 'yina po' jla'a ijiutis wita'm, sekyi'i ijliuyeyisi'ijyi siunapo si'lijwas p'ijliusis pet yiji jana ajnat Jerusalén.

Romanos 16:21

Timoteo siu'nie iniuyijk'im'ni itijwi'lase pit. Siu'neje 'napo saka ajnat ijwienjli pet, 'ni sikiecha Lucio, siu'neje 'na Jasón, siu'neje 'na Sosipater, 'napoka ti itijwi'lase pit.

Romanos 16:5

Siu'neje japo si'lijwas ininenisi'ni ji'wet'e japo Prisca siu'neje ja Aquila, ti iyunitis pa Saka'niona, japok atejwile. Siu'neje ja isiecha Epeneto, ti awoyi 'yijejnajwaye, atejwile. Jla'am ti iniane ki inamtik ti iyoyi ti je 'yakakiu pa Sijwajieti, ts'ijiye ajnat Ásiaja.

1 Corintios 10:32

Ka a'wenkinayi napo Judíojos, 'lojwinie'e ka akajyina' ni jlosik iyo, siu'neje napo ti je Judíojos, napoka 'neje siunapo ti iyoyi ki inamtik ti Sinia' jilis.

1 Corintios 16:10

Ka nak inetiejenie'e ni Timoteo, 'esiji ka 'yenayi 'nakayi ti t'otale jat'onie. Kia'iyo jlam ti iniuyeje pa Saka'niona, jikijmaye iyo'ate iyo 'ni isijmaye.

1 Corintios 16:15

I'lijwas, 'najanayi pi jiwonayi ti siojo Estéfanas, ji'wet yiji jana Acaya, siojopo ji'wet jlele, ti napoka ti iniane ti iyo jlosikis ink'iejyisa', 'yina wuj ti iniuyeje siunapo ijia Sinia' jilis 'neje.

1 Corintios 16:24

Yi' asap ni yimijnaye, ti sa'am ti kasjwanjliyik'i siunie iyo pi Saka'niona Jesús ti Sijwajieti.

1 Corintios 6:11

Ti pajk'i, siuniwa ajwel'ni je awo'ate je woyeyipi, siuti asa'am po' siunapo yit'ijyipi. 'Yina 'nakayi insisie kajeyepa ti Sinia' pajk'i ti inlejajyi'n, jla'yi ti initiajnat ask'ioye ki astes iyo, ka lajak'i pet ni jle' iyo ni Saka'niona Jesús ti Sijwajieti, siu'neje japa Sinia' jikimet.

2 Corintios 1:19

Kajeyepa ti nakape ti awoki samtikie', japo Silvano siu'neje ja Timoteo, ti awak aska kiowe'e, ajwel ni Sijwajieti Jesús ti Sinia' jlas. 'Yina je naka ni siunie ‘ji'lija itimisiete’, 'yina naka ni siunie Sinia' jlonisik ti iyoyi siunie ijiatk'i.

2 Corintios 1:23

Sinia' itiant'ieje ki iyo ni yiji ni ijiusik, siunie it'imina ti ja ke iniu'wase ka yikta. Awo kajeyepa ti je awo ka yikiajle'eje ka ilianki'nase ni astankiujnieye.

2 Corintios 11:10

Je tak'emiyeje siunie awoyi, kajeyepa ti sitiant'ieje ts'ajane pi awone ti Sijwajieti jla'am ti iwink'i'm ni ji'lij, jak je iyoyiji ti 'yiniye ka iniwuniti ti awo'ate ti je jlamis ka iyi kiajwe, siuti ayeyi siuniwa ajnatis yi' Acáyaja kiak jawo'ojyi ja lajak'ipa ka ijnalk'i siunie aniwone.

2 Corintios 9:2

kajeyepa ti pajk'i ti sitiant'ieje siunie jiniwonayi pet, ti wuj ti jlemina' ti je jinik'iuye. Naka'ne ni siunie ti ajwejla'm japo Macedonia jlele ti awo'ate, “Ateme wat japo si'lijwas Corinto jlele yiji jlaja ajnat Acaya, ti pajk'i ta'a ti initemis, ti iyo ka inoyeje siunapo p'ijliusis ti kia'iyo Sinia' jilis pet yiji jana Judea.” Jak je iyoyi ti sipe'yayisie ti ajwela, sekyi'i kia'iyoyeyi 'lojwa pet japo kiak iniwone kajeyepa ti itiliajask'i siunie jiniwonayi ti jikimats'iji'n.

Gálatas 1:1

Asampey, japo i'lijwas. Ya'am Pablok'i'm, ti Sinia' jikawok'i'm, ip'isinik siu'nie ti atajiet'ase. Je napoka i'nio' ka siwojwa'n injlojwanikiek'i'm, jla'yi ka sijliu', 'yina paka pi Sijwajieti Jesús, siu'neje pi Sinia', paka ti iniujwa'n kisie'e ti itiajlajni pi a'no'.

Gálatas 3:26

Ijiatjliyi, siuti je kakiuye pi Sijwajieti ti jini'nopijietayiji, sek jitiajla'yiyi ti inwikie'eyeyi ti jilists'ase'm pi Sinia'.

Efesios 1:1

Asampey, i'lijwas, ya'am Pablok'i'm, Sijwajieti jijliujwanikk'i'm, siunie ti ijiate ti Sinia' jikawo. Ip'isinik atate'ase, ti asam ti Sinia' jilists'ase'm pet, ti jleyejyi jana Éfeso, asam ti je paj ka aleyeyi ti jiwoyeyi ni 'es, ti jikinieyi ki iyo pi Sijwajieti Jesús.

Filipenses 1:1

Asampey, i'lijwas ti jleyejyi jlaja Filipos, asampet ti Sinia' jilists'ase'm ti jini'nopijietayi wita'm pa Sijwajieti Jesús. Ya'am Pablok'i'm, siu'neje 'ni sikiecha Timoteo, sa'am ti Sijwajieti Jesús jikawosts'e'm, sa'am sip'esinik siu'nie ti ajlok'iase, siu'neje japo i'ye'nase'm pet sekaja, siu'neje japo iniuyeje'ni pet.

1 Tesalonicenses 1:1

Asampey i'lijwas ti Sinia' jilists'ase'm, ti jleye'yi jana Tesalónica. Ya'am Pablok'i'm, ya'yi ni sikiecha Silvano, Timoteo 'neje, sa'am sip'esinik siu'nie ajlok'iase. Asa'am ti jini'nopijietayi wita'm pa Sinia', jla'yi pa Saka'niona Jesús ti Sijwajieti. 'Esiji ka Sinia' imp'elisina', jla'yi ti jane'yi asap.

2 Tesalonicenses 1:1

Asampey, i'lijwas ti Sinia' jilists'ase'm, ti as'wet pet jlajak isi' Tesalónica. Ya'am Pablok'i'm, ya'yi 'ni sikiecha Silvano, siu'neje 'ni Timoteo, sa'am ti sip'esinik ti ajlok'iase, asa'am ti ijwanjliyeyik'i pa Sinia', jla'yi pi Saka'niona Jesús ti Sijwajieti.

1 Timoteo 1:1

Ampey isiecha Timoteo, ya'am Pablok'i'm, yam ti ajlo'wase 'ni ip'isinik. Ti Sijwajieti jijliujwanikk'i'm, ka iyot'e 'ate siunie Sinia' ti Sijwajieti jikawo siunie jlame ti je toj'we ti jla'am ti kiak siwoneje siu'neje pa Saka'niona Jesús ti jlam ti sinijijwiye. A'am ti jiwoye 'ate ka yasa'a'm ti tajle ki iyo ni sitienkiujnieye ti 'es ti wuj ti emina. 'Esiji ka Sinia' jla'yi pa Sijwajieti Jesús ti Saka'niona, 'esiji ka inwe'na'm ni siunie 'es, siu'neje ka imp'elisimpe, jla'yi ka inlesa'n.

2 Timoteo 1:1

Ampey ja isiecha Timoteo, ya'am Pablok'i'm ti Sijwajieti Jesús jijliujwanikk'i'm, 'yina ti awoyi siunie Sinia' jlam ti ijliuyijk'i'm ka iyo. Jla'yi ti yikialk'i ka ijwijla'm ti ji'wasankiye po' napoka ti ini'nopijiete pi Sijwajieti Jesús, ya'am ti ika jwukis siu'niwa. A'am ti awo yasa'a'm ti wuj ti emi'n, Timoteo, 'esiji ka Sinia', jla'yi pi Sijwajieti Jesús ti Saka'niona ka we'na'm ni 'es, jla'yi ka imp'elisimpe, siu'neje ka akama.

Tito 1:1

Ampey isiecha Tito, ya'am Pablok'i'm ti ip'isinik atate'a. Ya'am ti ijiate ti Sinia' jikawok'i'm, jla'yi ti Sijwajieti Jesús jijliujwanik'i'm. Sijwajieti Jesús sijliuyi napoka ti Sinia' pajk'i ti it'iajats'i, ka iyo yamtikie' k'iye napoka, 'nakayi ka intankiunisi pi Sinia', jla'yi ka intant'ieje siu'nie akinieje ti ijiatk'i.

Filemón 1:1

Ampey isiecha Filemón, a'm ti sa'yi'ni ti awoki niwa Sinia' jlamtis. Ya'am Pablok'i'm ti ajyi jla'a insat jiwe, Sijwajieti Jesús jle' ti it'imink'i, ya'am ti ip'isinik siu'nie, siu'neje 'ni sikiecha Timoteo.

Hebreos 13:23

Ajwe'lase ni sikiecha Timoteo ti tiniujwana kisie'e, ti kia'iyo t'otiepe a'laja'm. 'Yina ka netiejk'i, ka ya'asiyena'a ti nak jajiojwi.