1 Timoteo 4:8 - Sinia' Jlamtis 1994

⁸ Siuti anijnejlitie'ni, nak 'esi pet niwa ts'ajwes. 'Yina kia'iyo'ni pet ni sosik, siuti ani'netieje pa Sinia' jla'm ijiatayiji ti kasts'isisi, kajeyepa ti iniuyets'e'm 'nakayi jla'yi ts'ijiye.

1 Timoteo 4:8 ပူးပေါင်းရင်းမြစ်များ

Mateo 12:32

Kia'iyojliyi siunapo ji'lij ja ke 'esieyi ni I'nio' Jlas, Sinia' jamp'elisijne'n jiwek, jlajma ijiatayi siunapo ji'lij jane'ne ti ja ke 'esie janak siojona Sinia' jikimet ti 'es, je pajna'a ka inkiwaliyi'i ni jitis iyo.

Mateo 19:29

Siunie na'm ijyik'i, ti sek iliyik'i'ni japa ji'wuk, siunapo ji'niayi ijwienjliyi, ni'ne ka jiniaye pa, ni'ne ka jleta japa, ni'ne ka jilisa', ni'ne ka jika ajnata pa, jajwi'lase'm ti je ijiat ka je inkama ape'e niwak siuniwa initiajnatayi, janamek'i siojona ji'wasankiye ti laj jlaja, ti jan'we'en ni i'nio'.

Mateo 6:33

'Yina nak janajnata ti ja ijiatayi ti ja atankiunie'ni ti astaj ja enayi 'ate ni Sinia' jika anechijiayas, siu'neje na iyo ka woyeyi. Je jwel ka je a'wena' pet niwaka ajwe'el.

Lucas 5:38

Siunie at'es ti ink'ie' tisiayejak'iji'n pet siuniwa 'nejes ti ink'iejyis.

Romanos 8:28

Kasts'ajane 'neje ti siunapo yimi'n ni Sinia', sa'am ti Sinia' tants'e ti itiliaja jla'am kawoyi, wikie'eyi k'iejliyi pa yits'e, jla'am ti itime ta'a pi iyone, 'yina naka'ne ni siunie kasts'isisi ti iniuyits'e'm.

1 Corintios 3:22

'Wanjliyi ka nakaye Pablo, ka nakaye Apolos, ka nakaye Pedro, ka nakaye ajnat, ka nakaye poli, ka janakaye in'wasankiye, siunie jlaj yi'i ni i'nio', ka nakaye siu'nie jloma, siu'neje niwa jlomas atayeje, 'yina wikie'eyi niwak wask'i'nelaja askijmatis.

1 Corintios 8:8

'Yejne'n, je nak ka kasts'isisi, siuti alekk'i ti atowa niwaka, ni'ne ka nakaye siuti ajejlitajataja'm naka ti tejeye pi k'iejliyi ti intaj tiwomaja tiwoki diosa', ti a'yakanaja pi Sinia'.

1 Timoteo 4:7

Ká ani'noti siunapo yamtiyi siupapo pajt'ipi siu'neje niwa yi' ape'e 'ni ajnat ti laj lajaye, 'wenajliyi ti ja ani'neti pet siunie 'es 'nakayeyijna'a ti ja'nesi.

1 Timoteo 6:3

I'nio' ti taka'neyasane siunie 'wenayiji ti je jnanjlajape'n ki iyo niwa jlamtis ti isis pa Saka'niona Jesús ti Sijwajieti, jla'yi ni iyo pit ni jika'neyasajnaye, ni tajle ni sitienkiujnieye ti 'es,

1 Timoteo 6:5

Laj jlaja ti tejets'i wita'm, 'yina napoka napo ti initiajnat naka ni jlosik ti 'es, netia'n ki iyo ti 'yijene naka ijiatk'i. Ijwilayis ka ijiatayiji ka 'esieyi ka 'naka siunie kan'yakanisi ti iyoyisi siunie jitienkiujnieye ti 'es.

1 Timoteo 6:6

Ijiatk'i kiaka, ti je jlase' ni ikajliji ni i'nio' ti po' naka ti jitienkiujnieye ti 'es, siuti jampeni'yi pi jwamjla'a pi nitia i'wi'in.

2 Timoteo 3:5

jawoyeyinie'e siunie jawoyi, ti janjwelis ka iwoyisi niwa Sinia' jlamtis, 'yina siunie jikijmaye iyonisi nak ja'nakanit'i ape'e ti jlajma iwo ka ijiatayi ka nakaye jijweye iyo niwa Sinia' jlamtis. Joskiye napoka i'nio', 'esiji ka anitonitiape'n.

Tito 3:8

Awo'ate ijiatk'i kiaka. Tempi it'imina ti kia awo'naja ka ajalaskine napo i'nio', siunapo iyoyi ki inamtik, ka inkatate ka woyi siunie 'es ka inkimk'iji'n. 'Niwaka ti iniuyeje napo i'nio' 'yina ti isis.

Hebreos 13:9

Nit'onitiek'iye siuniwa inka'neyasajnayejes ka ne'yi pa siunie 'wenayiji ka pakaye ka intonajyi'n. Nak sitiliataja pet ka je akinieyi siuniwa jikeyis iyone napo i'nio' ape'e ni siuniwa inkas, 'yina siuniwa asosikis jawoyi jijweyeja' pet naka siunie Sinia' jikap'ijliuskiye iyo, kajeyepa ti siunapo i'nio' yame pet niwa ajwel'ni, je iniuyeje.

1 Jn 2:25

Janaka'ne siojona Sijwajieti Jesús ijwilts'e'm, jana in'wasankiye ti t'o'n.

Apocalipsis 3:12

Siunie i'nio' itiete isia'm ni teje'yi ilia'm, 'yina nak jayo pet Inia' ji'wuk ji'wukijieteye'; etiejna'aja ka ine'yik'i, ja ke paja ka titiajlina ni yi'i. Sekjane'yi ka ip'isina'ajk'ina'a ti jayi'ne ni jle' ni Inia', siu'neje ni jle' janak Inia' ji'wet siojona jle' iyo'ate Jerusalén ink'ie', ti ja ke 'wenaye paka jantajle naka ni Inia' pet ti yi' poliyi. 'Yina kiak jayo'ojyi pet siunie yi' ti ink'ie' jayi'nik'iji pet.

Apocalipsis 3:21

Siunie i'nio' ti jantate isia'm ni jitiejiejwa, jawijna'm pet siunie ti janejyi'n ijiap siunie i'wit ti awo anechiyasa', iyo'ate awo ti atate isia'm siunie ata ilia'm, 'yina ayejen 'niji ti ajiap ni Inia' ti yi'iji'n jana ji'wet ti anechiyas.