1 Timoteo 2:6 - Sinia' Jlamtis 1994

⁶ Siupi iyot'iyipi papo Sinia' jikawos ti ijwilis, 'wena je ijiojwap'e siupi iyo ti yiyeyi, ti iniwe'n ape'e wikie'eyi napo i'nio' kanjwajiete'n.

1 Timoteo 2:6 ပူးပေါင်းရင်းမြစ်များ

Mateo 20:28

'Yina kiak iyoyi ni I'nio' Jlas ti 'nes, je iyo jikawosa', 'wenajliyi jla'am ti iniwojwa'n inkawoye, jla'yi ti iwi'in jakia ji'wasankiye ti iyoyi lajaye ti ijwiejiete'n napo i'nio' ti je pini'.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.

Gálatas 4:4

Jlampet ti yiyeyi siukia Sinia' yitijni, sekyi'i ijliu'ne pi jlas, yiji'n ti tajla'm japa i'nioki yits'iji, jla'yi ti iyoyi siupi iyo ka tiwoki pi Moisés jika'neyasajnaye.

Apocalipsis 1:5

'Yina tajle 'neje ni Sijwajieti Jesús siunie jika'niyewo ti 'es, jla'am ti inia'an ti yapi pijia'm ti tajli pi a'no', siu'neje ti wikie'eyi siunapo anechiyasas yi'ne ajnat'e ti jika anechiyasis. 'Namats'e pa Sijwajieti, isia'ni pa ji'woyis, siu'neje ti 'ya'al, 'yina lapakawo ti iyo ka kasjwajiete siuniwa sakeyis.

1 Jn 4:10

Nak jitis ni siunie inemijnaye: 'yina je sam'ne ka inianaja pi Sinia' ka yimina, jla'am ti iniane ti kassemijne'n. It'imina'ne ti ijliu' pi jlas ka iniwen sitipe'e ti 'ya'al, 'nakayi ti Sinia' janetiajnat niwa sakeyis, sekyi'i jiwak nojwi'ni.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

1 Corintios 1:6

'Yina naka'ne ti 'yakajanit siunie inka'niye ti ijwi'il ni Sijwajieti, ti je k'ajts'e ni yi'i ti yijits'i niwa askiojwa'l.

1 Timoteo 6:15

Ka netieje janak jloma, Sinia' ti jla'am ti anechiyas wuj janjlo' ti janapimet. Jlam ti jika anechiyas papoka ijia anechiyasas, jla'yi ti jika'niona pet siunapo ijia inka'nionajas.

Efesios 5:2

Woyeyi ni asemijnaye, 'wena ká aniwonayi iyot'iyipi pa Sijwajieti ti kia'iyo wuj ti 'nama, it'imina'ne ti iniwe'n sitipe'e. Ti iniwojwa'n Sinia' ji'wajieta', iyoye'ate ni k'iejlitieje ti tiliana ti tiwunitieta pi Sinia', sekyi'i siu'nie jini ti yame pi Sinia' ti 'yakanit'ni pet.

1 Pedro 2:24

Sijwajieti jla'am ti atelkinaja wikie'eyi siuniwa sakeyis ti je isis 'wanjliyi ape'e ti yi' ape'e japa cruz. Ja 'nakayeyijna'a jayok masesie jitieyi'i ni sake', sekyi'i ti ja kas'wasajne'n pet k'iye ni siunie tijnajyi. 'Yina ka lajak'i puwak ji'wetis puwa tikienaja ti tiliana, puwaka'ne ti insisieyi, it'imina ti jijwayejyi pa aslaye.

Tito 1:3

Siuti yiyeyi janak jloma, jlam ti Sijwajieti, 'yakajanit ti ijiate ti jitiej iyomik'i'm siuniwa jlamtis ti iyo ka yamtiyi k'iye.

2 Corintios 5:21

Sijwajieti je iyoyi paka k'iejliyeyi paka jikeye, 'yina Sinia' iyojwa'n inkeye' ti sit'iminik. Sekyi'i ti kasjnajietajats'i, siuti awakiap ni Sijwajieti.

Romanos 5:6

Jak je iyoyiji pet ti sa'am ti lajk'iyi paka iyoki ti je kasts'ajane paka iniwonaja, ka ini'manitie ilia'm siuniwa soski'layis pakayeyi pet ti Sijwajieti ininekiaj'l ape'e napoka i'nio' ti je isis.

Juan 6:51

Ya'am janaka siojona woye ti iyo i'wasankiyeja' ti tal poliyi. I'nio' ni jantojw janak woye, nak ja ke paja ka inetia'n, jajnok'i'ni puwa jlomas. Siojona woye ti jawijna'm ni i'nio', je 'wena pa ka ijwi'il, naka 'yajwes, ja'nakayeyijna'a ti ja ji'wasankiye japoye napo i'nio' yi' ape'e 'ni ajnat.”

Marcos 10:45

Siunie I'nio' Jlas ti 'nes, je na'am ka woyi jikawosa' napo i'nio', 'yina 'wenajliyi jla'am ti iniwojwa'n inkawoye, siu'neje ti inilayiti ti iniwe'n ape'e siojopa 'najlati iyo lapakawo ti iyo ka injwajiete'n napo i'nio' ti je pini'.

Apocalipsis 5:9

'Yina yilisisk'i siu'nie inka'le ink'ie' ti iyo'ate: “Jla'am je jiwo ti jiki'me ni siunie imp'esinik ti takapajlatak'i, 'yina ti 'yu'wa'm a'm, siu'neje na ti jilie'nik'i siuniwa t'etiejek'i ape'e ti inamtis yi'i ti it'imina ti je 'esiji paka inlajna'm paka i'nio' jiniliakie. Lapakawo ti pajk'i ni siunie tiwona'aja ti inlana, siu'neje ni a'woyis ti tisa'ni, ti jikat'ini ape'e ti jleki napo i'nio' ti tajlits'i wikie'eyi niwa ajnatis, siuniwa wus siu'neje niwa je wus, i'nio' ti inijle'en niwa jloniye iyo, siu'neje niwa ji'lija iyo, 'nakayi ti jawo pet Sinia' jilisa'.

Hebreos 9:12

Sijwajieti pajk'i ti i'yaka'n kiajwe siojona Sinia' ji'wuk jitiowe ti t'otata siojona yi' poliyi, ijwienjliyiji jiwek pakatajak'i. Je ka nakaye ji'woyis siuniwa sontas, ni'ne ka janakaye wakia pi ji'woyis, ka nekiajle pi Sinia'. 'Yina 'wenajliyi jla'am siunie ji'woyis ti yikiajle, sekyi'i i'yakan'ne sik'ioye siojona sijwajieti ti laj jlaja.

2 Timoteo 1:8

Nak it'imina ti awo'ate, 'esiji ke 'najwel ti jijwe'el ni Saka'niona, jla'yi ti ja ke i'najwel itipe'e siuti ajyi jla'a insat jiwe, lapakawo ti naka ti it'imink'i ti anoyeje. 'Yina noyeje pet siunie ti anilayiti ape'e niwa Sinia' jlamtis, je lajk'i ki iyo ni ajweye ti jitiajleje ni Sinia'.

Efesios 1:17

Ti 'esp'an pa Jinia' pa Sijwajieti Jesús ti Saka'niona, Sinia' ti jijweye po', ka ijiatayi ka i'neyasana' ka 'najanajyimpe, jla'yi ka intant'iejayi niwa wask'i'nelaja ni iyo siu'nie awonaja. Sek jane'yi ka ijiatayijijna'a ka intant'iejayi ti jla'am ni Sinia'. 'Nak 'ajleje ni Sinia'.

Efesios 1:7

Jla'am pi Sijwajieti ti initojmat sitipe'e 'yina ti iyo kajwieye it'imina ti tisa'ni ki ji'woyis, sekyi'i ti initiajnata kiwa sakeyis. ¡Ijiate ti je jlase' ni jikap'ijliuskiye ni Sinia'!

Efesios 3:5

Ti pajk'i Sinia' je iyo ka ti'niejenaja. Siu'nie iyo 'nakayi 'yakajanitieja'm napo jijliujwajnas, siu'neje napo jijwejlanawos napo isis, 'yina ti po' jana jikimet ti iniuyeje.

Marcos 1:15

Ti iyo'ate: “Yiyi jla'a jloma, siunie Sinia' jika anechijiayas je to'ilia'm. ¡Woye asosikis ink'iejyisa'! ¡Apilieyi ni Sinia', kima'yi ilia'm siu'nie jika'niye ti 'es, ká akakiuye!”

Gálatas 1:4

Sijwajieti Jesús jlam ti iniwe'en ti ijioyi jana 'najlati sakeyis it'imina, kajeyepa ti iyo ka kas'maniti ki iyo ni ajnat ti wuj ti je 'es. Lapakawo ti jitienkiujnieye jla'am pi Sinia' ka kiak inwonts'e.