1 Timoteo 2:4 - Sinia' Jlamtis 1994

⁴ 'Yina jla'am iyotaja ka wikie'eyeyi napo i'nio' kanjwa', siu'neje ka intant'ieje niwa jlamtis ti ijiatk'i.

1 Timoteo 2:4 ပူးပေါင်းရင်းမြစ်များ

Mateo 28:19

'Yina maye'ni, joyek'i'ni napo i'nio' yi' ape'e 'ni ajnat ka wo ika kia'lisa' pet. Najienajyi'n, najiene ni Inia' jle', jla'yi ni Jlas jle', siu'neje jana Inia' jikimet jle'.

Marcos 16:15

Siupa ti iyone 'ate: —Maye'ni tejwa'yi ape'e 'ni ajnat, ti jajwelajia'm napo yi' ape'e siunie inka'niye ti ijwi'il niwa Sinia' jlamtis ti isis ti ijwil jana injwajieti.

Lucas 1:77

Jajwejla'm napo jika kia'lis ti Sinia' initiajnat niwa jikeyis iyo, jla'yi ti iwijna'm jana jijwajieti.

Lucas 14:23

Siupa jika anechiyas isiujlie ti iyo'ate, “Majkiunie'e, ekiajli'ni ni 'la'an, jalas'ni paka 'wenta ka nam'ne ka ijnok'i, ijiatjliyijna'a ka impoyi 'ni i'wit.

Lucas 24:47

Sekyi'i ji'lij iwijna'm pet napo jika kia'lis ka wo jika'niyejayi napo ijia ka wone'ate, “Woye asosikis ink'iejyisa', 'nakayeyijna'a ti Sinia' jamp'elisina', ka je intajlat'ase'm ni aske'.” 'Yina iyo jla'am niwa Sinia' jlamtis ka tiniajnata napo Jerusalén jlele ka tiwok jika'niyeja' yiji 'niwaka, 'yina paj ka ineyeyinie'e siunapo i'nio' yijits'i wikie'eyi niwa ajnatis.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 17:17

Am ja in'wesieyi ka lesajne'n, ti jatajlate siunie ijiatk'i. Siuniwa amtis ijiatk'i.

Juan 6:37

Wikie'eyi siunapo Inia' yikialk'i, napok ijiok'i. Napoka ti ijiok'i ja ke 'yakawona,

Romanos 11:14

Lapakawo ti awotajank'iye ka siunapo i'lijwas Judíojos pet ka injlak'al aselia'm, nakayi ti japoye siunapo ti janjwa'.

1 Timoteo 4:10

Nak it'imina ti awok sikijmayeja' jla'yi ti anilanajan'ni ape'e, 'yina ti jlam pajk'i ti ena'a ni sinijijwiye pi Sinia' ti jlam ti je paj ka netia'n. Siunie Sijwajieti, jla'yi wikie'eyi napo i'nio' ti Jijwajietiyis 'esi siunapo ti je 'yakakiuyis.

2 Timoteo 2:25

Ja ke initonit ni i'nio', ti iyoyeta jlosikie' siunapo teje'yi ilia'm. Janejejwijyi'n pet k'iye ka Sinia' inoyeje ka wo 'niayija napoka kawoyis jlosikis ink'iejyisa', jla'yi ka intant'ieje ni siunie ti ijiatk'i,

2 Timoteo 3:7

Asejnia siunapo ti je iliyi ti ini'neyasajne'n, 'yina je paj ka ijiatayiji ka intant'ieje ni siunie ijio'we ni ijiatk'i.

Tito 1:1

Ampey isiecha Tito, ya'am Pablok'i'm ti ip'isinik atate'a. Ya'am ti ijiate ti Sinia' jikawok'i'm, jla'yi ti Sijwajieti Jesús jijliujwanik'i'm. Sijwajieti Jesús sijliuyi napoka ti Sinia' pajk'i ti it'iajats'i, ka iyo yamtikie' k'iye napoka, 'nakayi ka intankiunisi pi Sinia', jla'yi ka intant'ieje siu'nie akinieje ti ijiatk'i.

Tito 2:11

Sinia' pajk'i ti 'yakajanitk'i siunie ti wuj ti ip'ilisi'n wikie'eyi napo i'nio', kajeyepa ti iyojonk'iye ka injwa'a.

Hebreos 10:26

Jlam'ne ink'ie' je ape'yak niwak Sinia' jlamtis ti ijiatk'i, naka'ne na ti je 'esiji ka kasts'eliajak'i'ni ni siuniwa sakeyis ka je iliki ka iyoki. Jlam'ne kasts'ajane pi awonaja ti ja ke ine'nets'e ka poye paka yikiajla ape'e niwa sakeyis.

Santiago 3:14

Jlam ti kiak jawoyeyi jani'yenayi pa yit'iyi pi ijiate ti 'yije'en, siu'neje ti ijiulsinaja'm ni jikiecha ni iyo ti 'yije'en. 'Yina ti niwaka ti je inkanitiejyi'n. Je 'esiji ka anitonitieyi, 'yina ti je ijiatk'i siunie jiwoyeyi.

2 Pedro 3:9

Ká ajwela ka jla'm iwo pi Saka'niona siupi iyo ti ijwi'il, siunie jitienkiujnieye iyone pa yi'i papo i'nio'. 'Wenajliyi ti its'iu'wasap ka k'iejliyeyi wat paka awoyeyi, 'yina ti je iyojonk'iye ka netia'n paka jane'yi pa, 'wenajlitieje ka wikie'eyeyi ka napilisi pa Sinia'.

2 Juan 1:1

I'lijwas atejwi'lase, asa'am ti Sinia' jilists'ase'm ti jleye as'wetits'ijk'i, ti Sinia' pajk'i ti int'ayejyits'i. Ya'am ti kijilk'i'm ajlo'wase siunie yamtik ti yimijna'yase'm ti kasjwanjliyik'i siunie ijiatk'i. Je yamkata, 'yina wikie'eyi 'neje siunapo pajk'i ti itiant'ieje siunie ijiatk'i ti wuj ti 'nama'ase.

Apocalipsis 14:6

Sekyi'i a'wena ja injlojwanik poli jlele ti ijwi'ya jikiowik'i ni poli, ti name ni siunie Sinia' jlamtik ti je paj ka inetia'n, ti janjwela ape'e wikie'eyi napo yi' ape'e 'ni ajnat, i'nio' ti jloniye je ijwienjli k'iejliyi, siunapo i'nio' ji'lij 'wenayi.