1 Timoteo 2:2 - Sinia' Jlamtis 1994

² Nak ijiateje ti 'yu'weyi siuti ja'najlan'ni napoka anechiyasas wus, siu'neje napo yi' jitieyi'i pet. 'Nakayipe ti ja lajak'i paka k'iejliyeyi ka nets'e, ka ikajmakiepe, 'esiji ka ijiatayi pet ka je kasjweye ni Sinia', jayoki pet ni siunie 'es ti tijnajyi.

1 Timoteo 2:2 ပူးပေါင်းရင်းမြစ်များ

Lucas 1:6

Wuj ti isisi'n jitieyi'i pa Sinia', jla'yi ti yamjliyi ti yame ki iyo kiwa Sinia' jlamtis, siu'neje kiwa iyo ka tiwoki pa Sinia', jak je iyoyiji ka poye paka injwe'el, ka k'iejliyeyi paka ijnotkina paka woyisi.

Lucas 2:25

Puwak siupuwa jlomas pojompe pa i'nio' jle' iyo'ate Simeón, ji'wet jlaja Jerusalén. I'nio' ti 'es, yamjliyi'iji ti its'iujwe'n k'iye ka Sinia' imp'elisi'n papo Israel jika kia'lis, jla'yi ti iyunit jlam jiwekie'e pa Sinia'. Siojopa Sinia' jikimet ti 'es pajk'i ti yijap ta'a pa Simeón,

Hechos 10:22

Isiujlisie ti iyo'ate: —Tokis jika anechiyas siojo jle' iyo'ate Cornelio, jikawosts'e'm. I'nio' ti 'es jitieyi'i pa Sinia', Judíojos ijiunitis, jla'yi ti 'namajasi. Sinia' jijliujwanik poli jlele ijwijla'm ka takajlunie ajak'i, ka ajo 'wete. Naj jlam jampe'ya siupa jajwejla'm.

Hechos 24:16

Tempi it'imina ti akatattaja ka lajayi itisayi ilia'm pa Sinia', siu'neje napo i'nio'.

Romanos 12:18

Siunie jlaj yi'i ti jikajlajyi, ti jikamaja jikiowe'e napo i'nio', nak 'esiji ka woyeyi.

Filipenses 4:8

'Niwak 'wanjli isiame, i'lijwas, jane'yi siupa ti ja ijiatak'i, siunie ti je jlam tonitie wek, siu'neje ti japoye naka ti tijnajyi, siu'neje ti lajk'ipa ka injlejni'ni, siu'neje ni ti wuj ti emina, siu'neje ni ti ajieyeje ti wuj ti 'es, 'niwak 'esiji ka ijiatayiji ka astankiujnieye ijnoyi. Kajeyepa ti jlam je jiniwonayi, 'yina ti 'yu'we ti jiwunitie 'niwaka.

1 Tesalonicenses 4:11

Katatayi ka awoyejyi'ni siunie ti ja atajlayiji ti ja akamaja. Kimayi siunie jiwo ka akimayi. 'Oye'yi siunie awotaja ka awoyeyi ti ajlo'wase'm;

Hebreos 12:14

Jalasajyi'n pet k'iye ka akamaja jikiowe'e napo i'nio', 'yina janiukk'i siunie ji'niayi iyo pit siunie ti ini'notatiji, kajeyepa ti siunie ja ke inilesaniji ja ke i'we'en ni Saka'niona.