1 Timoteo 1:9 - Sinia' Jlamtis 1994

⁹ Siuniwa inka'neyasajnayejes, je tejeye napo i'nio' ti isis ti tilisanajat'iyijpe, 'wenajliyi ti tejeye napoka je isis ti iyoyi ni je 'es; siunapo jwesis, siu'neje napo kakiujnietas; siunapo inke' iyo kipijnasa', siu'neje napo ti iliaki ni Sinia', siu'neje napo teje'yi ilia'm ni 'es, siunapo i'nio' iliajne'n napo jiniewot, wikie'eyi napoka kalankijietas;

1 Timoteo 1:9 ပူးပေါင်းရင်းမြစ်များ

Mateo 10:21

“Jajwi'lase'm, siunapo ji'niayi ijwienjli janekiajlayinie'e napo ijia ni jiliayeja', kia'iyojliyi siunapo jiniewot inekiajlayinie'e ni jiliaye napo jilis. Siunapo jilis inapilie'ena'a napo jiniewot ti jawo ka ilajne'n.

Romanos 1:30

Siunapo ti jitiej ijiutie napo siupa ti iyoyi, siunapo ti teje'yi ilia'm pa Sinia', siunapo takalakijiejne'n, siu'neje napo initoniti'n, siu'neje napo iniwuniti'n. Siuti iyo ka ilesane ni siunie je 'es 'yijene pi iyone; ka jiniewot injloye, 'yina je its'iuye.

Romanos 4:13

Sinia' ji'lij iwijna'm pa Abraham, siu'neje papo jilis tomik'i pijia'm ti ijwijla'm, ti iyo'ate, “Siuti a'm siunapo ales, siu'neje napo jantomik'i pijia'm, asa'am ti askimita' wikie'eyi siunie ajnat.” ¿Yot'iyi'ni ti Sinia' kiak iyone? ¿Nakat'iyi jla'am ti Abraham ya'm ape'e pak Moisés jika'neyasajnaye? ¡Je'e! 'Wenajliyi jla'am siunie iyo ti je 'yakakiu pa Sinia'. Jak je iyoyiji'ni Sinia' ilisajnen'ne.

Romanos 5:20

Ti yiyemet pet kiak Moisés jika'neyasajnaye, sekyi'i ti kat'ajayi pet ni siunie je 'es ti yajme'n, sekyi'i Sinia' ijiatayi pet ti 'yakajanit ni jikap'ijliuskiye iyoyi.

Romanos 6:14

Ja 'nakayeyi pet ni siunie inke' ja ke ineyi'ni astepe'e ka k'iejliyeyi siupa kanwo'nase, jlam'ne je jleye kiajwe ni inka'neyasajnaye ni siunie jijweye, 'wenajliyi jla'am ni siunie Sinia' jikap'ijliuskiye ti jleye kiajwe.

Gálatas 3:19

'Yina ¿tempa tejeye nak Moisés jika'neyasajnaye? 'Yaka ti je jla'am ka na'an ka poye, jlam t'opijietaja wek siunie ijiate ti inia'an, ka 'nakajanit pet ape'e ni siunie inke'. 'Yina jijweye po', jak je iyoyiji paj ti yiyeyi siojona jloma ti 'nesa pet ni siunie tajla'm pi Abraham jika kia'lis, jla'am ti tijna'yi siupa Sinia' ijwil t'ipi. Pak inka'neyasajnaye t'ipi papok tijna'yi pet papo injlojwajnas poli jlele ti ijwijla'm pa Moisés, sekyi'i Moisés ijwilayi pit papo i'nio'.

Gálatas 5:18

Jak je iyoyiji pit siuti jakiniets'i ki iyo janak Sinia' jikimet, ijiate ja ke aye kiajwe nak Moisés jika'neyasajnaye t'ipi.

Gálatas 5:21

Jolsijnietas, 'yatas, jlak je iliatk'iji'n. Po'neje siuniwa ti jwajla'a ti kia'iyo, ti a'yejnap, ti iyoyisi napoka. 'Yejne'n siu'nie jayoyi, iyo'ate siukia awo'nasepi ti pajk'i ti ajwe'el: Napoka siunapo ti kia' iniwone ja ke pajana'a ka 'noyi nak Sinia' jika anechijiayas.

Gálatas 5:23

Je initonit pi i'nio'; to'm ilia'm siuniwa inkajejlasayejes ti tajle siunie 'nisie'n iyo pit. 'Yina lajk'ipa ka inka'neyasajnayeja' kanjwe'el ka inta'yi ilia'm 'niwaka.

2 Tesalonicenses 2:8

Jiwekie'ejana'a ka 'nakaja nak i'nio', ja ke pajayi ka 'nesana'a pet ni Saka'niona Jesús ti janla'an jankiene ni jiyel, je lajk'ipa siupi jlaj ti a'tiejak'i, pak janetiajnat.

1 Timoteo 4:7

Ká ani'noti siunapo yamtiyi siupapo pajt'ipi siu'neje niwa yi' ape'e 'ni ajnat ti laj lajaye, 'wenajliyi ti ja ani'neti pet siunie 'es 'nakayeyijna'a ti ja'nesi.

1 Timoteo 6:20

Timoteo, 'esiji ka lesaniji ni siunie Sinia' 'yaka ti je isiwita'a'm ti jawoyi. Ká ak'iuk'i'ni niwaka inamtis jiniliaja ti taj'l ape'e 'ni ajnat. 'Najane ti lajk'ipa ka 'esie ka intajleje, ni'ne ka niwakaye siuniwa wuj ti je isis iyone'ni 'ate napo i'nio' “'najankijnieye”.

2 Timoteo 2:16

Lesaniji siuniwa amtis jiwone, ja ke niwakaye siuniwa jlele pet 'ni ajnat, ti laj lajaye. 'Yina je int'ayiji'ni siunapo i'nio' ti jlamtis kia'iyo jlam yamjlijia'm ni siunie je 'es ti iyoyi.

2 Timoteo 3:2

'Yina japoye napo ti ja jlamayis jla'am ti janinemijne'n; ja najataja ti ja'noyits'i ti jajwesieyiji'n k'iye jana wikiniet'aj; wuj ti janitoniti'n; ti janjwelis ka anechiyasisa'. Jikalakijnieye jane'ne napo ijia; ja ke ink'iuye napo jiniewot, ti iyotaja'ni jlosikisie'; ja ke iwo'ate napo ijia ti iyo'ni jiwek jinikanitieyeja' ape'e pi ti k'iejliyi, jla'am jajeye; jankakiuyis niwa Sinia' jlamtis;

Tito 1:10

'Yina je pini' siunapo ti iwit'iane siunie ijiate ti 'es, siuniwa jlamtis iyo laj lajaye, ik'emijiet napo i'nio'. Siunapo Judíojos ti yame pet pa iyot'iyipi pet pa Saka'niona Jesús, napoka ti iyo'ate, “Wikie'eyi siunapo Sinia' jilis pet je 'esiji ka lajak'ipa ka ineyi siunie tiwonaja ti t'isie'n jiwa tejwak'i ni i'nio'.”

Tito 1:16

Ijwil ka intant'ieje pi Sinia', jlam'ne siunie jikijmaye iyo 'yakajanit ti jla'm iyo ti ijwil ka intant'ieje. Ikama ape'e ni jike' iyo, ti teje'yi ilia'm niwa Sinia' jlamtis. Je paj ka inkajli ka woyi paka 'esiek'i.

Tito 1:6

Siupapo jaki'mik'i, janapokaye ti ja lajk'i paka k'iejliyeyi paka jitis iwo, 'nakayi ti ja lajk'i paka inamiteje'n; jla'yi ti jijwa'yis ja ke 'lojwa; siupapo ti jilis ti po', janwoyi ki inamtik, jank'iuye papo jiniewot, 'nakayi ti ja lajk'i paka tiliakiki, ka iwoyi ni je 'es.

Tito 3:3

Ti pajk'i kassoski'lajne'n, je awoki kats'iukie niwa Sinia' jlamtis, akamak'iji'n. 'Yina ti 'loj siuniwa kasteliaja, sakeyis ti ijwienjli je k'iejliyik'i, niwaka'ne ti iyo jikipijnasats'e'm 'yina ti awak kiajwe. Wuj ti je 'es ki awoki; awoki ni solsijnieye; kasse'waja napo si'lijwas, kia'iyojliyisi pet ti ne'wats'e'm.

Hebreos 11:31

Jlampet siojopa i'nioki ijia jwa'yis jiwoki siojopa jle' iyo'ate Rahab, ti kia'iyo je 'yakakiu pa Sinia'. 'Yina jiliaye je iniuyi wita'm siupapo no'we ti tilianaja'n ti kakiujnietas, lapakawo ti jla'am i'mieniti'n siupapo Israel jika kia'lis ti ijwikk'iji'n siupapo Josué jikawosjimpe.

Hebreos 12:16

Je 'es ka poye paka iwoyi siunie ti 'yu'ni ti je inilesanijiyi, siu'neje ka poye paka inlaki siunie t'otata, iyojinipi pa Esaú ti 'yuti pa ji'yini penik siupa tijna'yi ti jla'am ti isijli.

1 Pedro 2:7

Siuti ti asa'am ti je kakiuye, janak sisaj je jwajla'anitie, kajeyepa ti ijiate ti laja po'. Jlampet siunapo ti 'yakakiuyis, sekyi'i ijiatk'i'ne pet siuniwa Inamtis t'ipi ti iyo'ate: “Siojona sisaj ti 'wukiu'ul jiwos iwit'iane, 'yaka jla'm iwo ti janakaye'eje siojona sisaj ti ijiate ti laja po', kajeyepa ti 'yit pijia'm jana 'wuk.”

1 Pedro 3:20

Papoka siupapo i'nio' t'ipi, yiji pet siupuwa jlomas yiji pa Noé, ti je its'iuye pa Sinia'. Wuj ti inilayiti paj ti wakajla t'ipi siojopa kasejkana ti wuj, ti Noé ilisane. Ijwienjli ni sikio' itij'we najape tom'niji pa nojt'ijiampe jiwek, papok i'nio' ti tijwajyi'n ka lajak'i pa i'niat.

1 Pedro 4:18

Siuti iyo'ate niwa Inamtis t'ipi: “Ijwil kawo siunie i'nio' ti 'esieta, ti t'o'ni ka injwa', ¿tepat'e jawo pit siunie je 'es, siu'neje ni inke' jilianik?”

Judas 1:15

ti name wikie'eyi napo i'nio' ti isis ti jan'ye'en. Jan'ye'en wikie'eyi siunie iyo, sekjane'yi nak jantajlata siunie je 'es ti iyoyi, siu'neje niwa jlamtis ti itiejiet ilia'm ti jla'am.”

Apocalipsis 21:8

Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.

Apocalipsis 22:15

Jlampet siunapo ti ijiate ti je isisi ti iyoyi ni siunie je 'es, ja 'wanjliyek'i kisie'e, siu'neje napo ti iniwojwa'n aye'wulisie', siu'neje napo ijia jwa'yis jiwos, siunapo kalankijietas, siu'neje napo ti jitiej iyoma siuniwa iyo jika diosisa', wikie'eyi 'neje siunapo ti yimi'n ti ik'emijietk'i napo ijia.