1 Timoteo 1:7 - Sinia' Jlamtis 1994

⁷ Iyoyisink'iye pet ka jlamayis ka inka'neyasanisi ki Moisés jika'neyasajnaye, jlam'ne je itinisisk'i siunie yamtiyisi, ijwilis ka ijiatayi ka ijnewitejeje, siunie taka'neyasane.

1 Timoteo 1:7 ပူးပေါင်းရင်းမြစ်များ

Romanos 1:22

Kajeyepa ti ijiut 'nijiye siunie Sinia' ti je paj ka inetia'n, siu'neje ni jiwunitieye, niwakataja jla'am siuniwa jitiej iyoma ti iyo jika diosisa', siunie i'nio' ti ji'niayi je itio'yi, ni'ne ti niwaka ajwejnas, siu'neje niwa pini 'lan jlele pet, siu'neje niwa pini' t'ot yilisi'n ajnatk'i jipelis. Jak je iyoyiji 'wanjliyi ka inijwelis ka 'najanis jwajla'aja, 'yina napoka napo ti 'ne'lias.

2 Pedro 2:12

Jlamtis jiniliaja ti iliaki siuniwa ti ijiate ti je 'yijeneje paka iwone. Lapakawo ti ijiate ti netia'n pi jlosik, iyoye'ate niwa pini' yiji ni 'la'an, ti laj jlosikie'. 'Yina kiak jawoyiyi napoka siojona 'najlati teje'yi, jla'yi ti inijijwijyi'n k'iye ts'ijiye ti jano'we. Kiak jawoyiyi iyo niwaka, ti tikiowajlajank'iye ti ja tiliana.

1 Timoteo 6:4

naka ni i'nio' ti initonit, jlam'ne lajk'iyipa ka iwo je 'yije'en. Iyot'e 'ate ni inlaye, yimi'n ti iniewitiji'n napo ijia, jlam'ne je 'yakajk'i siupi ijwi'il ka initajlatisi, 'yina jlam inilanejen'ni papo ijia. Nak tajle ni siunie ti je paj ka ijnol wita'm napo i'nio', inisela napo i'nio', initejlitk'i wita'm napo i'nio'.

Gálatas 3:5

Siuti Sinia' iwi'nase'm jana jikimet, 'yina iyoyeyi jla'am ni iyo ti i'winki'n siuniwa je ti'wena ka paja, siunapo i'nio' ti i'winata jlam jnots'inayijits'i jiwek. 'Yina je nak ka intajle siunie ti jiwoyeyi ni Moisés jika'neyasajnaye, 'wenajliyi jla'am ti jiwoyeyi siunie ti je kakiunieyi siunie jipe'yaye.

2 Timoteo 3:7

Asejnia siunapo ti je iliyi ti ini'neyasajne'n, 'yina je paj ka ijiatayiji ka intant'ieje ni siunie ijio'we ni ijiatk'i.

Gálatas 3:2

Kiujliek'imna'a siuti ja'yasa aswa'am: ¿yot'iyi'nijpe ti yi'ase janak Sinia' jikimet? ¿Nakat'iyi ti jiwoyeyi niwak iyot'iyipi ni Moisés jika'neyasajnaye, ni'ne ka nakaye jla'am ti jitienkiujnieye ni Sinia' ti je kakiuye niwa jlamtis ti jipe'yaye?

Gálatas 4:21

Siuti asa'am ti jiwoyeyi ka aye kiajwe naka Moisés jika'neyasajnaye, yot'iyi'ni, ¿jet'i jipe'yaye siunie iyo ni inka'neyasajnaye?

Mateo 15:14

Ká ak'iuyeyi: napok talojo ti ijwil ka inton'ni pet napo ijia ti kia'iyo talojo pet. Siunie talok ti itio'on ni jikiecha ti talok 'neje, yiyi jana wase', jiliaye iniuyeyi wita'm ti iniuk isia'm.

Hechos 15:1

Pak siupa jlomat'ipi siupapo i'nio' tal Judéaja ti ijioyis 'niji Antioquíaja, 'yiyasajne'n papo i'nio' ti iyo'ate: —Siuti ja ke ajwankita ka woyeyi siunie iyo ni Moisés jika'neyasajnaye, ti tejwak'i ni t'isie'n ni kia'le, ja ke 'najanayi siupa janiwonayi ka ajwaye.

Mateo 21:27

Ijiatjliyi iyoyis'ne wek 'ate, ti isiujlieyisi ja Jesús: —Je kasts'ajane. Jesús iyo'ne 'ate: —Ijiatp'ane, kia'awo, 'wanjliyi je ajwe'lase'm siunie atajleje ni ijwiye ti it'imina ti akajli siuniwa alesane.

Lucas 2:46

Jika jlomas najape ti iyoyisijyin'ni ti jiwekie'aja t'ipi ti i'winis, ti yits'e 'najla'wet japa yi'i, yijin'ni seka'a jikiowe'e siupapo i'nio' iniwojwa'n jiwosa' pa Moisés jika'neyasajnaye. Jlam its'iuye'ni papo siupa iyo pa ijwilis, jlam taka'yasanjli'ni.

Santiago 3:1

I'lijwas, je 'esiji ka ijiatayi ka 'lojwa siunapo ti janiwojwana inka'neyasajnawosa', 'yina ti 'najanayi pi jiwonayi siuti sa'am ti 'eyasanaja'n napo i'nio' je ijiat ka Sinia' ke kas'ye'en siojona jloma ka netiejenie'e.