1 Timoteo 1:4 - Sinia' Jlamtis 1994

⁴ Ke ene 'ate siuti janjwel ka ini'neyasane siupi iyot'iyipi papo pajt'ipi, jla'yi ti ijwienjli yijnap'eyi ti ini'neyasane siupi iyot'iyipi pet papo jika kijilas t'ipi siupi iniwonisi. Niwaka ti it'imina napo i'nio' ti ji'lija je isis, 'yina je iniuyeje ka iwo jlosik ink'ieye ka jitiej inwoma pa Sinia' jla'yi ka iwoyi siunie iyo.

1 Timoteo 1:4 ပူးပေါင်းရင်းမြစ်များ

2 Corintios 1:12

Po' ni siunie iyo sinikanitieyeja'. Jlajmiliet siuti awak aska kiowe'e, lajk'ipa ka sikioweja ka je 'esie ka ininekiajlaja, siu'neje ti lajk'ipa ka ijiatayiji ka into'm isiame. 'Yina siuti kia'iyo, je tajle siunie iyo ti kasts'ajajne'n, 'wenajliyi jla'am pa Sinia' ti jikap'ijliuskiye po' ti iniuyits'e'm, paka ti tajle, it'imina ti kasts'isis ti awak'i ape'e 'ni ajnat.

Efesios 3:2

Ajwelta ka pajk'i'ni ti 'najanayi pi jiwonayi ti Sinia' jikap'ijliuskiye ti it'imina siunie awo pet, ti awoyi ka iniuye'ase'm.

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

1 Timoteo 4:7

Ká ani'noti siunapo yamtiyi siupapo pajt'ipi siu'neje niwa yi' ape'e 'ni ajnat ti laj lajaye, 'wenajliyi ti ja ani'neti pet siunie 'es 'nakayeyijna'a ti ja'nesi.

1 Timoteo 6:11

A'm ti Sinia' jlasts'a'm ti inwakal, joskiye niwaka. Katate ka woye ni siunie 'es ti je tak'emiyeje wek; katate ti ani'neti pi Sinia'; woyi ni atankiujnieye ti 'es; siunie emijnaye kia'iyojliyi; je paj ka leyi naka; ke injwesie. Ni'net siuti jitie'yi ilia'm ni je 'es, 'yina ti po' 'ni atankiujnieye ti 'es. Akio' et'i janak a'wasankiye ti laj jlaja, 'yina siuti Sinia' tana'api jiwoyepe 'ate, “Sijwajieti Jesús naka ti 'Yaka'niona pet”, ti jlene jitieyi'i japo i'nio' ti 'loj.

1 Timoteo 6:20

Timoteo, 'esiji ka lesaniji ni siunie Sinia' 'yaka ti je isiwita'a'm ti jawoyi. Ká ak'iuk'i'ni niwaka inamtis jiniliaja ti taj'l ape'e 'ni ajnat. 'Najane ti lajk'ipa ka 'esie ka intajleje, ni'ne ka niwakaye siuniwa wuj ti je isis iyone'ni 'ate napo i'nio' “'najankijnieye”.

2 Timoteo 2:14

'Niwaka ti ja ayiji k'iye napo i'nio', jla'yi ti ja 'ejie'ne ka leyi siunie iniwonisi ti iniewitis'ni, ya'am ene jitieyi'i pi Sinia'. Je ikajliji paka 'esie, 'wenajliyi ti ikajyi'n siunapo its'iuye, yiyi ts'iji ti je ikaja paka ji'niayi inwoneje.

2 Timoteo 2:22

Jak je iyo ti kiak awo, joskiye ti a'm ti jwemik'ia'm siunie yiji napo ijia jwemik. Majk'i ni siunie tijnajyi. Ke ekiejiet ni atankiujnieye ti 'es, siunie emijnaye kia'iyojliyi, siunie jiwo ti jikama. Wikie'eyi, a'm siu'neje napo ti je iliyi ti yite'n ni Sinia', siunapo jlosikis 'najleje'n.

2 Timoteo 2:23

Ká ak'iuk'i'ni siuniwa inamtis jiniliaja, 'yina 'najane ti je 'es paka intajle, 'wenajliyi ti itiejietk'i wita'm napo i'nio'.

2 Timoteo 4:4

Ja ke ink'iuye niwa Sinia' jlamtis, ti ijiate jla'am ti ijiatk'i. Janajatajana'a jla'am siuniwa iyot'iyipi papo kijilas mases, ti jan'yenis.

Tito 1:1

Ampey isiecha Tito, ya'am Pablok'i'm ti ip'isinik atate'a. Ya'am ti ijiate ti Sinia' jikawok'i'm, jla'yi ti Sijwajieti Jesús jijliujwanik'i'm. Sijwajieti Jesús sijliuyi napoka ti Sinia' pajk'i ti it'iajats'i, ka iyo yamtikie' k'iye napoka, 'nakayi ka intankiunisi pi Sinia', jla'yi ka intant'ieje siu'nie akinieje ti ijiatk'i.

Tito 1:14

ja'nakayeyijna'a ka je ineki siuniwa iyot'iyipi papo inia'an sik'ioye ti tajle napo Judíojos, siu'neje niwa ye'laja tajle pit siupapo ti pajk'i ti iliyi siukia ijiatk'i.

Tito 3:9

'Yenpe siunie jiwo, ti jlamtiyeta, 'nakayi siuti ja ti'yena, ja 'naka pet ti ja'wenaye siuniwa inamtis ti laj lajaye iyot'iyipi papo pajt'ipi, jla'yi ti iniewitis, siu'neje na ti initajlatisi naka Moisés jika'neyasajnaye. Ijiate ti i'nio' je iniuyeje, kajeyepa je isis siuniwa tajle.

Hebreos 13:9

Nit'onitiek'iye siuniwa inka'neyasajnayejes ka ne'yi pa siunie 'wenayiji ka pakaye ka intonajyi'n. Nak sitiliataja pet ka je akinieyi siuniwa jikeyis iyone napo i'nio' ape'e ni siuniwa inkas, 'yina siuniwa asosikis jawoyi jijweyeja' pet naka siunie Sinia' jikap'ijliuskiye iyo, kajeyepa ti siunapo i'nio' yame pet niwa ajwel'ni, je iniuyeje.

2 Pedro 1:16

Siuti 'eyasanayiji ki iyo pi Saka'niona jit'iuni, siu'neje ni jawo ka napitiemet, je ka intajle siupapo paj t'ipi ti yamtiyi napo, jla'yi ti tajle ni jitienkiujnieye ni i'nio'. 'Yina ijiate jla'am ti sitiete i'wi'in, ki iyopi ja Saka'niona ja jijweye iyo.