1 Tesalonicenses 4:7 - Sinia' Jlamtis 1994

⁷ Kajeyepa ti Sinia' je naka ka intanets'e ni siunie je 'es. Tanets'e ka iyoki ni 'es, ka ijiatayiji ka inilesanaja.

1 Tesalonicenses 4:7 ပူးပေါင်းရင်းမြစ်များ

Efesios 1:4

'Yina ti pajk'i ta'a ti kastajets'i, ti 'nelanjie'e, ti je wakaljli'ijyi 'ni ajnat. Lapakawo ti pak kasts'isisi pi Sijwajieti ti ani'nopijietaja, it'imina ti kasts'isis jitieyi'i, laj sitisayi ilia'm ti jla'am. Kajeyepa ti wuj ti kassemi'n,

2 Timoteo 1:9

Sinia' kasjwajiet, jlam ti isimts'e'm, jlam ti kaslej, 'nakayi ja kasts'isis. Je ka isijmayeja ka 'esie kant'emina siuti ti kia'iyo, 'wenajliyi ni iyo ti jla'am ti tajle, ni iyo ka wonts'e ti kasp'elisi'n. Ka lajat'ik'ipe pa Sijwajieti Jesús, ti Sinia' kassemi'n, tajlap'e ti lajlik'ijipa 'ni ajnat.

2 Pedro 2:10

Jlajma ijiatayi siunapo iyoyi siuniwa wuj ti je isis ti tajle ni i'nio' jitienkiujnieye, ti iyoyi ni siunie ti ijiate ti ti'niachiki, jla'yi ti je its'iuye pi Saka'niona ti jla'am anechiyas, iliaki kiwa jlamtis, ti Sinia' ja wujwa ti jansa'ak'i. Siunapo ti netia'n ni jlosik ti 'es, siunapo ti initoniti'n, je jnots'ina siupuwa yiji ni poli ti jijweye po'.

Gálatas 5:19

Je istie' siuniwa wask'i'nelaja ti tajle pit ki iyo niwa ts'isienis. Po' napo 'yuyijk'i'ni napo ijia jwa'yis; po' napo iyoyi siunie ti ijiate ti je 'es; po' napo inisayi siuniwa wask'i'nelaja yi' ape'e 'ni ajnat ti ikajyi'n niwa ts'ajwes.

1 Tesalonicenses 2:3

'Yina je ka jiniliakie pi samtikie ka neye ts'iji, ka 'yakajmanats'iji'n ka ne ts'iji ka inkajyina niwa askiojwa'l, jeyi kat'aja.

Hebreos 12:14

Jalasajyi'n pet k'iye ka akamaja jikiowe'e napo i'nio', 'yina janiukk'i siunie ji'niayi iyo pit siunie ti ini'notatiji, kajeyepa ti siunie ja ke inilesaniji ja ke i'we'en ni Saka'niona.

Efesios 4:19

'Yaka jlamis ti ininekiajle siuniwa jikeyis ti wuj ti je isis, jlam yinjliyisi ape'e ti iyoyisi niwa ti itij'weje'n niwaka ti ijiateje ti 'yakajyi'n ni jlosik ni i'nio', nakaye ti lajk'ipa ka t'ajwejliye ni i'nio' ti iyoyi niwaka.

Efesios 4:1

Tempi it'imina ti ya'am, ti Saka'niona jla'am ti it'imink'i ti a'ne yi'i jla'a insat jiwe, ti kiak awo'nase ti anip'elisi'niase, asa'am ti ta'nase pi Saka'niona: woyeyi siunie 'es iniwone siunapo ti ijiate ti iyo niwa inamtis ti isis.

Efesios 2:10

Sinia' jlam ti jilisajnats'e'm; 'yotats'e ka iyoki siuniwa sikijmayejes ti isis ka lajak'i ki iyo ti ani'nopijietayi wita'm pi Sijwajieti Jesús. 'Yina je ijlie'n pet siupi iyot'iyipi ti 'nelanjie'e, iyo ka kiak iyoki siu'niwa jlomas.