1 Tesalonicenses 4:4 - Sinia' Jlamtis 1994

⁴ 'Yina jla'm ijiate ti 'esiji ka akajlajyi siu'nie, paj ka inojwayeta'a ka woyeyi. Siunie ti awo'ate, 'esiji ka anijnoskijietayi niwa asjwes siunie ijiateje ti je 'esk'i, ajwel napo asjwa'yisk'i wita'm. 'Esiji ka alesanayiji siunie jiniwonayi, woye lajaye naka.

1 Tesalonicenses 4:4 ပူးပေါင်းရင်းမြစ်များ

Hechos 9:15

'Yina Ananías Sinia' jlam iyonjliyi 'ate: —Maj joyi, lapakawo ti ya'am ti aki'me nak i'nio', jla'am ti ja sijwe'el, jla'yi ti jawo jika'niyejayi siunapo i'nio' lajk'iyipa kawo, siu'neje napo jika anechiyasas, siu'neje napo Israel jika kia'lis.

Romanos 1:24

Tempi it'imina ti Sinia' jla'am ti ijiuti naka ni siunie itiliajasi ti ijiate ti je 'es, naka ti ti'niachiki, sekyi'i inisayisi siuniwa jikeyis ti ijiate ti taka'ajwejlasa'n.

Romanos 12:1

Ijiatjliyi 'napo i'lijwas, siuti Sinia' jikap'ijliuskiye yints'e'm, wuj ti anip'elisi'niase ti jayo'ate, ká anitejna'm ni Sinia', niwone 'ate siunie ti tiwonaja ji'wajieta' ti jla'am ti tiwunie, ti i'wasanajyi'n, ti i'notata k'iye, jla'yi ti 'yakanit'ni pa Sinia' siunie jini iyo. Naka ni siunie ti jlonitieta pa Sinia' ti je niliak. 'Esiji ka je aleyi ti ja e'ne ni Sinia'.

Romanos 6:19

(Siuniwa amtiyi, ejnape wek, siuniwa wask'i'nelaja kasts'ajane pa awonaja ti sam ti i'niolts'e'm, kajeyepa ti je jitijnisiek'i niwaka ti ajwelta'ase'm.) Jayiyi'ase'ni pet ti asa'am ti pajk'i siuniwa 'assienis ti jlekiajlayi siuniwa inteliajayi ti taj'lase ti ti'niachiki, siu'neje ni siunie je 'es, it'iminayi ti je 'es paka woyeyi. Kiak wonayi ka ninekiajlayi ni siunie 'es, ja'nakayeyijna'a ti jlajma ka awoyeyi ti asa'am ti Sinia' ja'notata.

1 Corintios 6:15

¿Jet'i 'najanayi paka awonayiji naka, ti 'wena je tiajla'yi ti Sijwajieti jijwa'lase'm? ¿Mi 'esiji ka iyiki siu'nie Sijwajieti t'isie'n jiwa, ka ijioyiji janaka i'nioki ti ijiuski'la'n ka 'yupijieteje ni 'isie'n janaka? ¡Jeyi kat'aja! ¡Wuj ti je 'es!

1 Corintios 7:2

'Yina ti po' siunie iyo napo i'nio' ti 'yuyi'ni napo ijiajwa'yis ti yi' ape'e 'ni ajnat, naka'ne ti it'imina ti awo'ate, 'esiji ka injwa'yi ni i'nio', jla'yi ka injwankit jana asejnia siojona janeyi. Siojona asejnia kiak jawo, janjwankit siunie ayinie.

1 Corintios 7:9

Jlampet ti ja ke intomits'i ilia'm siunie t'isie'n iyo kanwoyi, 'esiji kanjwa'yi, 'nakayi ti jitienkiujnieye ja ke inilankini jiwek.

2 Corintios 4:7

Siunie ijiate ti laja po', naka ni ajwel'ni ti Sinia' jla'am kiak iyonts'e, ti je kast'o'n, awok'iate niwa i'niat jijwa'al ti isatis. 'Yina nak 'yakajanit ti jla'am pa Sinia' ti tajle nak injweye ti je jlase', je ka sama ka intalts'e.

Filipenses 4:8

'Niwak 'wanjli isiame, i'lijwas, jane'yi siupa ti ja ijiatak'i, siunie ti je jlam tonitie wek, siu'neje ti japoye naka ti tijnajyi, siu'neje ti lajk'ipa ka injlejni'ni, siu'neje ni ti wuj ti emina, siu'neje ni ti ajieyeje ti wuj ti 'es, 'niwak 'esiji ka ijiatayiji ka astankiujnieye ijnoyi. Kajeyepa ti jlam je jiniwonayi, 'yina ti 'yu'we ti jiwunitie 'niwaka.

Hebreos 13:4

Apejlanit'i astepe'e ti awo'ate ká awoye aslakikie siunie injwa'ajieyi; ká akajyine siojona ask'iemjla siunie aske' ti jit'iuye'ni. 'Yina Sinia' jan'ye'en siunapo kiak iniwone ni jitis, siu'neje napo iliyik'i napo jijwa'yis.

1 Pedro 3:7

Jlampet ti asa'am ti ayijniests'ase'm, 'najanitie ilia'm siunapo asjwa'yis, jla'yi kawoye lajaye, 'yina ti jla'am ti je t'o'n. Siu'neje jana ji'wajietayis ti Sinia' ijwijla'm je t'an pijia'm, kasjnojlits'i siunie iyo pit jana tijwela'ase'm janaka as'wasankiye. Sek jane'yi ka lajak'ina'a pet paka inalk'a k'iye siuniwa asts'ajlayejes.