1 Tesalonicenses 2:9 - Sinia' Jlamtis 1994

⁹ I'lijwas, astaj wujk'i siukia awoki ti akimak'iji'n, ti jloma ajnaj kia'iyojliyi, paj ti je kasts'isisieyi ti akimak'iji'n ti awokijyi'n pi sak lajaye. Jak je iyoyi ka poye pa ka intajli'i ka jwesiejayiji'n paka k'iejliyeyi ka kasts'isisi ti awokietaja ni sikijmaye, ti awok samtikie' ti ajwela niwa Sinia' jlamtis ti isis.

1 Tesalonicenses 2:9 ပူးပေါင်းရင်းမြစ်များ

Lucas 18:7

'Yina, ¿tepi iyo pet pa Sinia'? ¿Jot'e ka je inoyeje napo ti jlam ti jilis, ti jlomas niwa ajnajas ti t'ajle? ¿Jot'imi ka k'iujwap ka paja?

Lucas 2:37

Jlampa ochenta y cuátroja puwa jika najakapis ti iyo ask'iliekiye. Je yi'i japa ka jlomaye ka inleyi jlaja Sinia' ji'wuk, jlomas ti iyunit pa Saka'niona. Jlomas itijwe siu'neje puwa ajnajas ti ininel'liajanit'ni ti iyoyi pa t'ajlaye.

Hechos 18:3

'Yina ti Pablo jikijmaye kia'iyoyi, iyo papo ti isimisie'ni puwa 'nejes. Jak je iyoyiji'ni ti sek 'wanjle'e ti iyo ka inoyeje, ti ats'ilka ka inkijme'n.

Hechos 20:24

Ejlojli wekie'e, 'yina je awoyi yitinikie' niwaka, kajeyepa ka ikajli wata'a ts'iji ka yitak'i siu'nie yaj jane'yi, siu'nie awo ti akk'i, jla'yi ti aki ni inka'niye ti tajle ni Sinia', siunie Saka'niona Jesús yikialk'i, naka ni Sinia' jikap'ijliuskiye. Wuj ti ts'ajkaj'ni ti kia'iyo.

Hechos 20:31

Ká anikiwalinitie. Astaj wunitiek'ipe siukiwa jlomas yam'niji ti najkapis najape ti a'yasap, jloma ajnajpe ti 'eyasanajyi'n, je ts'ome yi'i pa jloma ti ap'ase'm ti awota'ni asosikie'.

Romanos 1:1

Asampey i'lijwas, ya'am ti Pablok'i'm ti atate'ase siu'nie ip'isinik. Sinia' jla'am ti tank'i, sekyi'i ijniejietk'i'm siu'nie isijmaye ka iyo Sijwajieti Jesús jijliujwanikie' ti sitiejieta naka ka yikiji'n ka ijwi'il siunie jika'niye ti 'es.

Romanos 15:16

siunie ti siwojwa'n Sijwajieti jikawoyek'i'm, 'nakayi ti janiuyeje siunapo i'nio' ti je Judíojos. Awoye 'ate siunie pa'yi ti ajwe'el siunie Sinia' jika'niye, 'nakayi ti janiwojwa'nate siunie Sinia' ji'wajiet ti ikanit'ni, siu'neje ti siojona Sinia' jikimet ti 'es ja'notat.

Romanos 15:19

siu'neje niwa ti 'yakelitk'i'ni napo i'nio' ti i'winatajas, siu'neje niwa 'yaka ti i'wi'n ilia'm puwa k'iejliyi, ti janaka jla'am siojona Sinia' jikimet ti 'es ti jijweye po'. Ti atajlap 'niji yi'i jlaja Jerusalén, ti atejwits'i niwa ji'wetis napo i'nio', paj ti ayeyi siujlieja ajnat Iliria. 'Yina atejwits'i siuniwa ajnatis ti ajoyits'i ti awo yamtikie' ti amtiyi ni Sinia' jika'niye ti ijwi'il pa Sijwajieti.

1 Corintios 4:12

paj ti je kats'isisieyi ti akimak'iji'n ti awokijyi'n paka tiuwa. Siuti takasejlanats'e, je akiujlieje, 'wenajliyi ti ajwelaja'm siunie 'es kawoyisi. Siuti kia'iyo ti je kasp'elisina, akiniejliyi wek ti anilayitieje.

1 Corintios 9:15

Ijiate ti 'yuyetak'ime ka kiak iniwone, ka iyo ka isime naka. Siuti ayiji naka, je ajwel ka ijialaskinayi ka poye pa ka k'iejliyeyi ka wenak'i'm. Je nak ka int'emina ti kia'awo, jeyi kat'aja. ¡Ijiate ti je awo ka poye pa ka ijnalk'i, ti je sakajla pet ti je ajlak'alinitie, 'yina ti si'wasanjlikiu'!

1 Corintios 9:18

'yina, ¿tent'i siojopa 'yakaja? Naka ni inkanitiejeye, ti je awo 'yakajaye ti akiji napo i'nio' niwa inamtis ti isis. Ka iyot'e 'ate, ti 'yiniye ka 'yakawoye, siunie iyo ni i'nio' kiak jikijmaye iyo ti po' siojona 'esi ti tejeye ni jikijmaye, 'wanjliyi ka kiak iwo ka je tijwelak'i'm japa ka yak lajaye pet, ti akietaja niwa Sinia' jlamtis ti isis.

1 Corintios 9:4

'Yejne'n, je aka'ajwejlasa'n ka tiwenak'i'm pa ka k'iejliyeyi pa ka itiujw, jla'yi ka k'iejliyeyi pa ka i'yaje,

2 Corintios 11:27

Yi'i ti ijiate ti ikanowe silia'an ti akijme'n, siu'neje ti ijnieti anilankine. Nel'lia siu'neje ni na'la. Po' kiwa jlomas ti je a'yekiu'n, je ijwienjliyiji ka wi'yit je sijlien'ni, ni'ne ti ijiate ti lajk'ipa ka 'yuts'i.

2 Corintios 11:9

Siuti a'yi aska kiowe'e ti lajatak'ipa ka'wi'in, 'yina je asam'ne ka i'winakitie'ni ka k'iejliyeyi japaka 'yasane, jla'm ijiatayi wek jla'am siunapo yi' Macedóniaja ti po' siojokia atajlajaje jakiaka'ne ti ts'esi. 'Yina awotajank'iye ka je iliki siunie aniwonaja ti je a'wenakitie'ni.

2 Corintios 6:5

siu'neje na ti kask'ajakietaja'n, siu'neje ti kasts'otiejatak'i a'laja'm, siu'neje ti ti'yikisanajatats'e, siu'neje ni sikijmaye ti kiojieti, siunie ti ijnieti anilankinaja, naka 'neje ni nel'lia.

Filipenses 4:16

Kia'iyopi'iji ti a' Tesalónicaja, asampe'eje ti jijliuyek'i jakia jwamjla'a ti jiwoye i'wiejieta'. It'imina ti kiak awo ti awo'ate ti je ijwienjliyiji ka je anoyeyijk'im'ni.

1 Tesalonicenses 1:3

Siuti ijiate ti jikimayi ni astankiujnieye ti 'es, je pini' siuniwa askijmayejes ti isis niwa jitiajlayija'm. 'Yina siuti jikimayi ni asemijnaye, wuj ti jinilankinieyi ni askijmaye. Siuti ijiate ti jikajanitie ni jinijijwiyejyink'iye pi Saka'niona Jesús ti Sijwajieti, ijiate nak it'imina ti jini'netieyi, ejlowek ti wuj ti jinilayitieyi pi k'iejli ti aswet'iayeta. Ti a jitieyi'i pa Sinia', je paj ka sikiwaliyi'i niwak siuniwa isis ti jiwoyeyi.

1 Tesalonicenses 2:2

Kajeyepa ti ajoktajapi, japo i'nio' yiji siujlieja isi' Filipos wuj ti je 'es siukia iyonts'eje, je kasse'nate 'yina ti ti'yikisants'i'ni. 'Najanayi pi jiwonayi naka. 'Yina Sinia' wuj ti iniuyets'e'm jakayik'i ti ajok'iase, 'wanjliyi ijiatataja ti po' japo teje'yi ijyilia'm, 'yina ka kia'awo ka sots'ina. Jla'm ani'netjliyi pa Sinia' ti ajwel niwa inamtis ti jlamtis jla'am ti isis ti ajwe'lase'm.

1 Tesalonicenses 2:6

Je naka ka iyokijyi'n ka kassonitie ka kasses, ka awoyeyi aska anechiyasasiets'i'm, ni'ne ka napokaye ijia.

1 Tesalonicenses 3:10

Niwa jlomas niwa ajnajas ti wuj ti anip'elisini pa Sinia', ka iwo i'niayija' ka 'yakajli ka ijio'wase, ka 'nakayeyijna'a ti jayineje siunie netia'n, ka ijiatayiji ka ijnol wita'm, jla'yi ka ijiatayiji ka wakajla siunie ti ijiateje ti titienkiunieje pi Sinia'.

1 Timoteo 1:11

Siu'nie inka'neyasajnaye ti 'es, ti yiji naka inka'niye ti 'es ti Sinia' ti jiwunitieye po', yikialk'i ka ijwile pijia'm.

1 Timoteo 4:10

Nak it'imina ti awok sikijmayeja' jla'yi ti anilanajan'ni ape'e, 'yina ti jlam pajk'i ti ena'a ni sinijijwiye pi Sinia' ti jlam ti je paj ka netia'n. Siunie Sijwajieti, jla'yi wikie'eyi napo i'nio' ti Jijwajietiyis 'esi siunapo ti je 'yakakiuyis.

1 Timoteo 5:5

Siojona ti ijiateje ti ask'iliekiyi, janaka siojona ti lajk'i papo ka jilisa', ni'ne ka jikichasa' papo ka noyeje, jinijijwiye yi'ne ni Sinia'. Je paj ka leyi ti inip'elisini'ni pi Sinia', t'ajle pi Sinia' jlomas, niwa ajnajas.

2 Timoteo 1:3

Ti awo 'yejlayeja', jloma ajnaj, itiej wuj'wa'ni, sekyi'i ti awoye'eje inikanitiejayi pi Sinia' ti 'Yaka'niona. Ka kia'awo ka poye paka k'iejliyeyi ka iyo 'yajwejliye, ti ijiate ti anoyeje, iyot'iyipi papo 'yaka kijilas mases.