1 Tesalonicenses 2:5 - Sinia' Jlamtis 1994

⁵ 'Najanayi pi jiwonayi ti je ak'emijnatayi puwa yamtis ka wujwa kanses, ka 'nakayeyi ka int'emina ka poye paka k'iejliyeyi ka ikajliji, ni'ne ka wikiniet'aja japa. Sinia' kia'iyo 'yijene 'neje naka.

1 Tesalonicenses 2:5 ပူးပေါင်းရင်းမြစ်များ

2 Corintios 12:17

¿Ent'a jijwela ka napoka iyoyi jiwosa' siojopo nak ajlojwi'nijpe ka jla'am iliakiye? ¡Jeyi kat'aja!

Romanos 1:9

Sinia', siunie ti awoyi'ni yamtikie' ti ajwe'el ni jlas, ti anayi wita'm 'ni ijiusik ti anoyeje, si'we'en ni awoyi ti je aleyi ti je sikiwali'ase'm ti 'ajlana'ni.

Hechos 20:33

'Najanayi ti je sijwesiejejyi'n paka k'iejliyeyi siupa ti asetia'n, isiowe je yi'i jana wikiniet'aj, siu'neje niwa lotakijnies, ji'wuye paka ne'yi paka isiechaye.

Gálatas 1:20

Ijiate siu'nie iyo 'ni ip'isinik, jlam je awoyi jitieyi'i pa Sinia'.

2 Pedro 2:3

'Yina ti jwesiejayisink'iye ka 'wena jana wikiniet'aj, napoka i'nio' jawo jlamayisi siuniwa askijmatis ti ji'wena ti jajna'lase, kajeyepa ti ja ke jwajla'aja siunie jawoyi ni jika'neyasajnaye. 'Yina ke injlak'alak'i wita'm, kajeyepa ti ja jlaj poye siunie iniwonisi, 'yina pajk'i ta'a ti wakal siunie inijijwijyink'iye, naka ti Sinia' jan'ye'en siunie jitis iyo. 'Yina ja lajak'i pa ka iniwonisi, ja ke injwayisi siunie jiliaye.

1 Pedro 5:2

'Yenayi niwa Sinia' jiliajwas 'wolepo' siuniwa ti yikiaj'lase ka 'yenayi. 'Esiji ka ijiatayiji ka 'yena siunie Sinia' yimink'i ka woyeyi, je 'es ka jla'm anetie'yi'ni jiwek ti jawoyeyi, ni'ne ka k'iujwen k'iye japa wikiniet'aja ka akajaye. 'Yina 'esiji ka inwa'asiti'ni ti jawoyi ni akijmaye iyo.

Tito 1:7

Tepa jawo ka kiak je iwo ka nakataja ka'ye'en siunie Sinia' yikiajle, kajeyepa ti naka ti jikijmaye. It'imina ti ti'yenatajats'i, siunapo ti inilesaniji'ni wata'a. Siunie ti je initoniti ti jwajla'a ti 'yije'en. Ja ke nakaye ni siunie jiwak je tojwi'. Ja ke nakaye siunie 'yata. Ja ke nakaye siunie ti yimi'n ti inilanejen'ni napo ijia; ja nakaye siunie ti ja ke inteliaja siojona wikiniet'aj ti inkajlajnat.

1 Tesalonicenses 2:10

Asa'am ti Sinia' jilists'ase'm ji'wena siunie aniwonaja ti awak aska kiowe'e, ti lajk'ipa ka k'iejliyeyi ka je 'esie ka iyoki ka i'winki'nase'm. Sinia' kia'iyo 'yijene pi iyone naka. Lapakawo ti anilesanaja jla'yi ti je aleki ti awoki naka ti ijiate ti 'es jla'am ka iyoki, jak je iyoyiji ti je yits'e paka injwel ka sitis poye.

2 Corintios 7:2

¡Woye si'wetaje ni askiowe! 'Yina ti lajk'ipa ka sitis ineyi ilia'm, jla'yi ti lajk'ipa ka ikajyina, jla'yi ti lajk'ipa ka ik'emijieta.

2 Pedro 2:18

Wuj ti initoniti'n jlam jiwek ti je pini' puwa jlamtis, 'yina ti lajk'ipa ka 'esie ka intajle. Wuj ti iliaki napo ijia ti ik'emijietk'i, ti itiojna'm ni siunie je 'es, iyo pit ni jikijmaye ni ts'isie'n siunapo ti k'iejli iyota jlosikis ink'iejyisa', ti i'yiltantak'iye siuniwa iyo pit ni jikijmaye.

1 Timoteo 3:8

Kia'iyojliyi pit siunapo iniuyeje pi Sinia' pi jikijmaye janakaye siunie i'nio' ti t'oniye 'es, ji'lija je itimisiete, je 'yata, ni'ne ka inteliaja ka inkajli jana wikiniet'aj.

1 Timoteo 3:3

Je 'yata ni i'nio', jla'yi ti je naka ni siunie ti inilanejen'ni napo ijia, 'wenajliyi jla'am ti takap'ijliuski. 'Yakama ni i'nio', je itiliaja jana wikiniet'aj.

2 Corintios 4:2

'Yina je awoki siuniwa wask'i'nelaja ti taka'ajwejlasajne'n, siuniwa tijwekie ti je isis, ti je niwaka Sinia' jlamtis kanjwe'el. 'Wenajliyi jla'am siunie awoki samtikie', naka ni siunie ti ijiatk'i, je ajwekie. Jak je iyoyiji napo i'nio' jla'yi pa Sinia' jan'we'en ti ijiate ti je awok'iate siunapo i'nio' jiniliaja ti lajk'iyi paka iwoyisi, 'yina sa'm ijiatayi wek sa'am.

2 Corintios 2:17

'Yina je pini' napo iyo ka wikiniet'aj in'yakane, siuti yameje'n niwa Sinia' jlamtis, kajeyepa ti ijwi'il niwaka ti iyo jikijmayeja'. Jlampet ti sa'am je kiak awoki iyo jlamis, sa'am ti Sinia' ijliuyits'e'm siu'nie awoki, jla'yi ti Sijwajieti jikawosts'e'm, jak je iyoyiji ti awokieta samtikie' ti ajwela niwa Sinia' jlamtis, 'yina je k'iejliyi paka inejyi 'niwa sosikis ka je ijiatak'i jitieyi'i pi Sinia'.

Romanos 16:18

'Yina je iniuyeje ni Saka'niona Sijwajieti, nakata jla'am siuniwa ti jla'am ti itiliajasi ka woyisi. Siuniwa jlamtis je a'tisk'iji'n, jla'yi ti inkasi, ik'emijietk'i siunapo ti je itijnisis ilia'm, ti je 'yijen jwajla'aja.

Romanos 9:1

Siuti ya'am ti atankiuni pa Sijwajieti, ijiatk'i siu'nie ajwe'el, je ka jla'm iyoyi. 'Etsaka 'neje siunie iyone siojona Sinia' jikimet ti 'es, ti si'wenkina ti ijiate siu'nie awoyi ti awo'ate:

Mateo 23:13

Jesús kiak iyonayi'ijyi 'ate: —¡Aswet'ia japoye ti Fariséojosts'ase'm, siu'neje ti asampet ti jiwosts'ase'm nak Moisés jika'neyasajnaye! ¡Ijnoski'lanajyi'n! Jip'onajia'm ni jika 'wuk kiwet ni Sinia' jika anechijiayas k'iye napo i'nio' ti iyotajas ka 'noyisi. Tiwet'ianaja ka asama wek pet ka 'oyeyi, ni'ne ka asama ka wenayi napo i'nio' ti iyoyistaja'ni ka 'noyisi.

Mateo 22:16

Sekyi'i ti ijliuye japo t'eyasajnas pet, siu'neje japo 'yuyisk'i pet japo Herodes, ti ijioyisi ja Jesús. Yiyisi ti kiak iyonayisi 'ate: —Inka'neyasajnawo, kasts'ajane ti a'am je niliak paka a'leja', jla'yi ti ijiatk'i siunie jiwo ti jika'neyasa'n ti jijwe'el pa Sinia' ji'niayi. Siunie iyo napo i'nio' je injlan'ni, kajeyepa ti je ji'yene paka ne'yi pa ka t'oniye iwo.

Judas 1:11

¡Jiwet'ia japoye napoka siunapo ti yame pet siunie ji'niayi iyot'iyipi pa Caín! Siojona wikiniet'aj janak 'yakajmank'iji'n kajeyepa ti jikiowe yijni, iyo'ate pak Balaam t'ipi. Inilajnen'ni iyoye'ate pa Coré t'ipi, siu'neje pa jiwet'ia iyo ti no'we papo i'niot'ipi ti 'yajle'n.