1 Tesalonicenses 2:2 - Sinia' Jlamtis 1994

² Kajeyepa ti ajoktajapi, japo i'nio' yiji siujlieja isi' Filipos wuj ti je 'es siukia iyonts'eje, je kasse'nate 'yina ti ti'yikisants'i'ni. 'Najanayi pi jiwonayi naka. 'Yina Sinia' wuj ti iniuyets'e'm jakayik'i ti ajok'iase, 'wanjliyi ijiatataja ti po' japo teje'yi ijyilia'm, 'yina ka kia'awo ka sots'ina. Jla'm ani'netjliyi pa Sinia' ti ajwel niwa inamtis ti jlamtis jla'am ti isis ti ajwe'lase'm.

1 Tesalonicenses 2:2 ပူးပေါင်းရင်းမြစ်များ

Hechos 14:3

It'imint'iyijpe ti sek pa'a japo injlojwajnas, wuj ti ini'neti'n ti iyoyis jlamtikie', ti ijwilis pa Sinia' ti takap'ijliuski. Sinia' 'yakajanit siupa iyone ti ijwijla'm pakayi ti jijweye iwijna'm ka inkajli ka inlesane puwa k'iejliyi, siupuwa ti yisi'lietk'i'ni papo i'nio' ti i'winatajas, siu'neje puwa inia'an k'iye siupuwa ja'nakaj.

Hechos 14:5

Siupapo Judíojos siu'neje papo je Judíojos, siu'neje papo anechiyasas, inikiujlisiap'ne japo injlojwajnas ka inajas'ni, jla'yi ti sisajas iyo ka inkienisi.

Hechos 16:12

'Yina sek atajla'a ti ajokie 'niji yi'i jlaja Filipos, isi' ti Románojos wuj ti ijiunitis, kajeyepa ti Roma jlele papok yiji jlajak ajnat. Sek kas'wanjliye'e paj ti jlomas 'nak nojwaja'm ti sek awak'i.

Hechos 16:19

Siojopo i'yena jlajak asejnia, ti i'winayis ti lajk'i japa ka iwo'ni jika wikijnies t'ejesa', sekyi'i isimits'i'ne japo Pablo jla'yi ja Silas. Yamisiji'ni japo anechiyasas ti iyo'ate,

Hechos 16:37

Pablo iyone'ate japo ijiawos: —'Yejne'n, ti sa'am Románojosts'e'm, jlam kask'ajaki'n jiwekie'e, jlam'ne je 'yaka siupa ka titiajlatats'e'm ka sitis inwo, jitieyi'i napo i'nio', je iyo ka inka'm ape'e siunie jike' iyo pa ti kia'iyo. ¿Yot'iyi'ni ti ijwilis ka kasnojwa'n kisie'e? ¡'Esiji ka jlamayis ka namts'e ka kasnojwa'n kisie'e!

Hechos 17:1

Pablo jla'yi ja Silas iniuyisk'i jaka 'nayi siojo teje'ni yi'i jlaja isi' jle' iyo'ate Anfípolis, siu'neje jlaja Apolonia, paj ti yiyeyis 'niji yi'i japa Tesalónica, isi' ti wuj. Siupapo Judíojos t'ajla'wet po' japa sekyi'i, yi'i japak isi'.

Hechos 17:17

Tempi it'imina ti je iliyi'ni siupuwa Judíojos t'ajla'wetis ti takamtijniene'ni papo Judíojos, siu'neje papo i'nio' ijia ti je iliyi ti ijiunitis pa Sinia'. Jla'yi ti je iliyi'ni japa aj'leje'n siojopa jikiowe'e japa isi', ti takamtijniene pa yi'i pa ti sek i'wi'ne.

Hechos 19:8

Pablo jika we'lajas najape ti sekyi'i japak isi'. Jika jlomas je initiajnati ti ijioyi'ni japa t'ajla'wet papo Judíojos, t'otale t'o'n ti ijwi'il pa Sinia' jika anechijiayas, ti ijialasta ka 'najanisi siupa iyo ti ijwijla'm papo i'nio'.

Hechos 4:13

Siupapo anechiyasas ti i'wi'in japo Pedro ti t'otale t'o'n ti tamtits'iji'n, 'yina je jlase' pi iyo ti 'yakelit kajeyepa ti itiant'iejesi ti jwajla'a je 'yijene japo i'nio'. Sekyi'i ti itijnisieyisi ti japok Jesús jla'yis.

Hechos 4:20

Jeyi kat'aja, je kasts'ajane paka iyonaja ka iliki ti awoki saka'niyeja', 'yaka a'wena jla'yi ti ape'yak.

Hechos 4:31

'Yina ti itimayisi ti iyo t'ajlayeja', ti'wesiyet'ipi siojopa 'wuk ininenisi kiajwe. Sekyi'i Sinia' jikimet ti 'es tipoyijits'i, jak je iyoyiji'ni ka ijnots'iniji'n ti ijwilayis puwa Sinia' jlamtis.

Hechos 5:41

yamat'i'nijpe ti tajlisie papo anechiyasas, wuj ti inkase'n kajeyepa ti Sinia' yina'ate ka kiak tiwonaja ti tiliakik, 'yaka Jesús jle' ti it'imina.

Romanos 1:1

Asampey i'lijwas, ya'am ti Pablok'i'm ti atate'ase siu'nie ip'isinik. Sinia' jla'am ti tank'i, sekyi'i ijniejietk'i'm siu'nie isijmaye ka iyo Sijwajieti Jesús jijliujwanikie' ti sitiejieta naka ka yikiji'n ka ijwi'il siunie jika'niye ti 'es.

2 Corintios 3:12

Siuti kia'iyo ti sinijijwiye po', it'imina pet ti je kast'a'ni ti awok samtikie'.

Colosenses 2:1

'Yina awotajank'iye ka 'najanayi paka wonayi ti ijiat ti anila'n astepe'e, siu'neje japo yiji jana Laodicea, wikie'eyi 'neje siojopo ti je itiant'iejesjlik'iji.

1 Tesalonicenses 1:5

Siuti anamaye'asejepi niwa Sinia' jlamtis ti isis, je 'nakata, siu'neje ki iyo ni jijweye jana Sinia' jikimet ti 'es, 'yaka ti ijiatk'i jla'am. Mejla'ala ka je 'najanayi siunie ti iyo ti si'wena ti a'yasap, kajeyepa ti ajalasa pet ask'ioye pa ka 'nisisieyi.

2 Timoteo 1:12

Naka'ne ti it'imink'i siu'nie iyo 'ni iwit'ia ti wuj ti anilayiti. 'Yina je ts'ajwejle, kajeyepa ti ts'ajane pa awone siunie I'nio' ti itiej awomaja. Jlam ti janoyijk'i'm ti ja wujwa ti jan'yenik'i'm siunie ti yikialk'i, jlomas ti jan'yena paj ka ineyeyinie'e janak jloma ti yi' jlaja.

Judas 1:3

I'lijwas ti yimijna'ase'm, je jlase' ni awo ti siwa'asitieyi'ni ti awo ka ip'isinik itiejiet'ase ka ijwil pet ask'ioye siujlie'e sijwajieti ti lajk'ipa ka lajayijap ti yits'e. Ijiatjliyi 'nakayi alesane kajeyepa 'es ka kia'inwoyi, ti wuj ti anip'elisi'niase ka ijiatayiji pet ka anilana'yi ape'e siunie intankiujnieye ti 'es, siunie ti etiet'ipi wek na Sinia' ti iwijna'm napo jilis sekatajak'i.