1 Tesalonicenses 1:3 - Sinia' Jlamtis 1994

³ Siuti ijiate ti jikimayi ni astankiujnieye ti 'es, je pini' siuniwa askijmayejes ti isis niwa jitiajlayija'm. 'Yina siuti jikimayi ni asemijnaye, wuj ti jinilankinieyi ni askijmaye. Siuti ijiate ti jikajanitie ni jinijijwiyejyink'iye pi Saka'niona Jesús ti Sijwajieti, ijiate nak it'imina ti jini'netieyi, ejlowek ti wuj ti jinilayitieyi pi k'iejli ti aswet'iayeta. Ti a jitieyi'i pa Sinia', je paj ka sikiwaliyi'i niwak siuniwa isis ti jiwoyeyi.

1 Tesalonicenses 1:3 ပူးပေါင်းရင်းမြစ်များ

Juan 14:15

“Siuti jijwe'el semina', ka woyeyina'a niwa yamtis ti ajlo'wase'm.

Juan 15:10

Siuti jawoyeyi siuniwa yamtis, ja ke ineyi ts'iji ka leyeyi siunie yimijnaye ka woyeyi, ka awoyena 'ate awo ti ak'iuye niwa jlamtis ni Inia' jla'yi ti ja ke ineyi ts'ijiye ka iliyi ni jlemijnaye.

Hechos 10:31

Iyonk'i 'ate, “Cornelio, Sinia' ipi'yayi ni 'ajlaye, wuj ti iyoyi jitienkiujnieyeja' ti jiniuyeje napo i'nio' ti p'ijliusis.

Hechos 3:19

“Ji'yu, 'napo i'lijwas, woye asosikis ink'iejyisa'. Ataj ekiajlayi pi Sinia', 'nakayeyijna'a ka inetiajnat niwa askeyis, janjloyena'ase ni askamankiye ti 'es.

Romanos 12:12

'Esiji ka nikanitie'yi ilia'm siunie asnejejwijiye ti yi'ase. Siuti jane'yase ni aswet'ia, 'esiji ka akat 'okiejak'iye. Ja ke paja ka leyeyi ni asts'ajlaye ti jawoyeyi.

Romanos 15:13

'Esiji ka Sinia' siunie ti iyo sinijijwiyeja' ka imponit'i aswa'am siunie asnikanitieyi, siu'neje ni askamankiye, lapakawo ti naka jla'am siunie astankiujnieye ti 'es, ja 'nakayeyi ti siojona Sinia' jikimet ti 'es ti jijweye po', ja'nets'akanit ni asnejejwijiyeja'.

Romanos 15:4

Wikie'eyi siuniwa Sinia' jlamtis yi'i ni ji'wet jla'am je tilisanaja jiwek, 'yina ti sa'am ti kastajietajapeje, 'nakayi ti jani'neyasanaja, siu'neje ti naka ti ja kasts'et pijia'm, sijweye jantajle ti jla'am, siu'neje ti 'yakajanit ti sinijijwiye po'.

Romanos 16:6

Atejwile jlaja María, jla'am ti wuj ti isijme'n ti iniuye'asem'ni.

Romanos 2:7

Sek jane'yi siojona ji'wasankiye ti laj jlaja, napok janwejna'm pet siunapo iyojyi'n, jla'yi ti yamjliyi pet ti iyoyi ni siunie ti 'es, jla'yi ti iyoyisijyi'n siunie inwunitieye ti tajle ni Sinia'.

1 Corintios 13:13

Najape siuniwa ti ja ke paja ka inetia'n: niwaka niwa, intankiujnieye ti 'es, inejejwijiye, siu'neje ni inemijnaye. Siu'neje na ti ijiate ti 'yaka'm ape'e niwa ijia naka inemijnaye.

1 Corintios 15:58

I'lijwas ti yimijna'yase'm, tempi it'imina ti kiak awo'nase, 'esiji ka kiajatajak'i'ni niwa jlomas ti jawoyeyi ká aleyeyi, ja kat'ajayi pet ti jani'netie'yi siunie ti jiniuyeyeje ni Saka'niona. Jlam'ne 'najanayi pi jiwonayi siunie askijmaye ti jiwoyeyi ti asa'am ti Sinia' jilists'ase'm ti je wekie'e, laja po'.

2 Corintios 2:17

'Yina je pini' napo iyo ka wikiniet'aj in'yakane, siuti yameje'n niwa Sinia' jlamtis, kajeyepa ti ijwi'il niwaka ti iyo jikijmayeja'. Jlampet ti sa'am je kiak awoki iyo jlamis, sa'am ti Sinia' ijliuyits'e'm siu'nie awoki, jla'yi ti Sijwajieti jikawosts'e'm, jak je iyoyiji ti awokieta samtikie' ti ajwela niwa Sinia' jlamtis, 'yina je k'iejliyi paka inejyi 'niwa sosikis ka je ijiatak'i jitieyi'i pi Sinia'.

Gálatas 1:4

Sijwajieti Jesús jlam ti iniwe'en ti ijioyi jana 'najlati sakeyis it'imina, kajeyepa ti iyo ka kas'maniti ki iyo ni ajnat ti wuj ti je 'es. Lapakawo ti jitienkiujnieye jla'am pi Sinia' ka kiak inwonts'e.

Gálatas 5:13

I'lijwas, asa'am ti Sinia' ta'nase ti iyo ka wo'ate siunapo i'nio' je inkipijnas. 'Yina ká awoye 'ate, “'Esiji, 'nakayi jayoyi siunie awo ka yoyi.” 'Esiji ka emina' napo as'lejwas jla'yi ti janip'elisina' ja kiajatak'i'ni, siuti akiecha insetia'n noyeje kiak jawo'ojyi pet ti a'am janoye'a'm.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

Gálatas 6:9

Nak it'imina ti kia' awoyi, ti awo'ate ja 'yakatataja ti janaja ni siunie 'es. Kajeyepa ti siuti jwajla'a jayoki, ja akajlajyi siunie 'es ti tajla'm siunie sikijmaye, ka netieje janak jloma.

1 Tesalonicenses 3:6

'Nakayi Timoteo 'nes ti nak tajli, saka'niye po' ti lajk'ipa ka woyeyi ni jleye'yi pet, je liyeyi ni jiwoyeyi ti jitienkiunieyi pi Saka'niona, jla'yi ki iyo ni asemijnaye ti je t'ikijieta. Ijwilts'e ti asa'am wuj ti jitienkiuniets'i'ni, jla'yi ti jiwoyeyi ka kas'we'en pet, iyo'ate awoki ti awokink'iye ka i'wina pet.

2 Tesalonicenses 1:11

'Yina nak it'imina ti je paj ka iliki ti awoki'ni ts'ajlaye astepe'e ti ajwelaja pa Sinia', ka Sinia' i'notata' kajeyepa jlam jla'm ti ta'nase. 'Esiji ka jijweye inejni wikie'eyi siunie 'es ti jawoyeyi, siu'neje ni askijmaye ti 'es ti jitiajlayiji ni astankiujnieye ti 'es.

2 Tesalonicenses 1:3

I'lijwas, ajwelta ka jlam je iniwonaja ti sinikanitieyi awenaja'ni pi Sinia' astepe'e, 'yina ti je niliak kiaka ki jiwoyeyi siunie astankiujnieye ti 'es, jla'yi ni asemijnaye ti jlena'yi napo ijia as'lejwas 'neje, jlam yamjlijyi'n pet.

1 Timoteo 1:14

Sip'elisi'n ti je wata'a, 'nakayi yikialk'i ka ijiatayiji ka itiej iyoma, jla'yi ni yimijnaye, iyoye 'ate pet 'nakayi 'ni yits'e ti anitajaki pi Sijwajieti Jesús.

1 Timoteo 2:3

Jla'm ijiate wek jla'am naka ti 'es, kajeyepa ti 'yakanit'ni pet ni Sinia' ti Sijwajieti.

Hebreos 10:36

Siuti jinilayitieyi siuniwa ijio'wase'ni, 'yina wuj ti jisitiana siunie ast'oni 'nakayi ti jawoyeyi siunie Sinia' iyo kawo, siu'neje ti jataja' siunie ijwi'lase'm.

Hebreos 11:17

Siupa Abraham ti je 'yakakiu pa Sinia', Sinia' ijyijlit pakayi ti isime pak jlas Isaac ti jota ka ila'an ti iyotaja ka inekiajle pa Sinia'. 'Yina jlam'ne Sinia' pajk'i ti ijwijla'm ti iyo'ate, “Jantajle napo Isaac jilis siunapo akichasa'”. 'Yina pajk'i ti inite'em ti kiak iyotaja ka woyi ka inekial pa jlas ijwienjli.

Hebreos 4:11

Jak je iyoyiji pet ti sa'am 'esiji ka ijialasaja janak ajnat, 'yina je 'esiji'ni pet ka poye pa ka inekk'i siunie ji'niayi iyot'iyipi papok i'niot'ipi ti 'yakakiuyis, it'imint'iyijpe ti jiwet'ia poyis.

Hebreos 6:15

Abraham yi'i jiwekie'e ti inijijwijyink'iye paj ti jiwekie'aja t'ipi ti yi' jikiojyi siupa Sinia' ijwilt'ijiampe.

1 Pedro 3:4

Jla'm ijiate jla'am siunie je 'yaka ape'e ti yiji ni asosik jawo 'ate iyo ti jinilesana'. Kiak wonayi pit siunie ti ja ke inetia'n, janaka siojona ti ja ke jwesieja', jla'yi ti jankama. Nak jla'm ijiate ti 'es laja po', Sinia' ijiunit japaka ti iyoyi.

1 Jn 3:18

Ilis, 'esiji ka je si'lijak'i wekie'e siunie semijnaye. 'Esiji ka 'yakajanitie siupi jalisanaja.

1 Jn 3:21

I'lijwas ti yimijna'ase'm, siuti ja ijiatayi ka lajak'ipa ka sitiej wujwak'i ka iyoki, ka je 'esie', 'yina ja lajak'i pet pa ka itijnisiejejyi'n jitieyi'i pi Sinia'.

1 Jn 3:3

I'nio' ni je iliyi ti its'iujwink'iye siupi iyo pi Sijwajieti Jesús inilesanayiji pet k'iye niwa wask'i'nelaja'n je isis, iyoye'ate ti jla'am pi Sijwajieti Jesús ti 'es.

1 Jn 5:3

Siuti jlemi'n pi Sinia', it'imina ti jiwoyi siuniwa jlamtis. Siuniwa jlamtis je kiojieti pet,

Apocalipsis 2:19

Ts'ajane pi awone wikie'eyi siuniwa wask'i'nelaja jiwoyi, siunie emijnaye, siu'neje ni atankiujnieye ti 'es ti je kakiu pa Sinia', siu'neje ni akijmaye, naka 'neje jla'am ni siunie ti ataj je lie'ne. Siu'neje ti 'nakayi ni siunie jiwoyi 'yaka'm ape'e siunie jiwoyi ti 'nelanjie'ajape.

Apocalipsis 3:10

'Yina siuti jik'iuk'i'm siunie awo ka woyi, siu'neje ti je liyi, nak jant'emina pet ti ja'ye'na'm ka inetiejenie'e siojona jloma siunie ti ja wujwa ti ja a'tiejak'i ape'e 'ni ajnat ti jajnejlit napo i'nio'.