1 Pedro 5:8 - Sinia' Jlamtis 1994

⁸ 'Esiji ka wujwa ka 'yena siunie jiwoyeyi. Joskiyeyi, asosik enitiejyits'i'ni, kajeyepa siunie astajiejwa imosik iyo'ate ni k'iwajla ti jwesieta, ti inijijwijyink'iye ni i'nio' ka insojmayi ka inla'an.

1 Pedro 5:8 ပူးပေါင်းရင်းမြစ်များ

Mateo 13:39

Jlampet siupi i'nio' ti 'yut isia'm puwa cizaña, naka imosik. Jlampet siunie ti tiliena'a pi inwomik, naka pet siunie ti ajnat jano'we. Siunapo ilie'ne pak inwomik, napoka pet Sinia' jijliujwajnas poli jlele.

Mateo 24:42

'Yina kiak jawo, it'imina ti kiak awo'nase, ke inkiwaliye. 'Wanjliyi je 'najanayi siojona jloma ja'nesi ni Aska'niona.

Mateo 25:41

“Ka kiak iwonayijinie'e ni anechiyas siunapo to'm ji'lieme, “¡Tonitiejyi'n, asa'm ti pajk'i ti jleyejyi ni inlaye! ¡Joyeyi nak jwat ti je paj ka 'no'me, tejeye ni imosik ti ja jikieye siu'neje napo jijliujwajnas pet, ti tiwakajlanitie k'iye!

Mateo 4:1

Jlampa paja'ni ape'e, Jesús Sinia' jikimet yamayi ti ijioyiji pa ajnat laj i'nioye'e, ti imosik jajnejlit.

Mateo 4:11

Sekyi'i imosik tajla'ne ja Jesús, ti 'nesat'i'nijpe papo injlojwajnas poli jlele ti iniuyeje.

Marcos 4:15

Po' siunapo iyo'ate jana inseliaki siojona ijniujlia'm siupa 'nayi: 'yina ipi'ya ni inamtik napoka, tal 'niji ni imosik ti sitiejiejwa, sekyi'i ijialayi siunie ti yintajets'i niwa jlosikis.

Lucas 21:34

“Ni'notatayiji, ká aninenayi 'ate siunie ajosik iyo ka woyi, ká a'yaye ni'ne ka wujwa ka woye asjlak'aliye niwak wask'i'nelaja jlalasajyink'iye ka'wena', 'nakayeyijna'a ka je inesi'lieta janak jloma ti ajwe'el,

Lucas 21:36

Ká anikiwalinitie, 'wenajliyi ka awoye asts'ajlayeja' tejwa niwa jlomas, 'nakayeyijna'a ti asjweye japoye, jla'yi ti jajwayejyi wikie'eyi niwaka ajwel'ni ja'wena', jant'emina'a ka akajlayi ka aye jitieyi'i ni I'nio' Jlas.”

Lucas 22:31

Saka'niona kiak t'ipa iyoye'ijyi 'ate: —Simón, Simón, 'yejne'n, sitiejiejwa imosik itime ti ti'yasa'nase ti iyo ka inwonayi 'ate ni k'iejliyi ti tolkiotaja.

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

2 Corintios 2:11

Ja 'nakayeyi pet siunie imosik ja ke kaskajli ka iyoki ni siunie je 'es iyotaja ka iyoki, jlam'ne kastant'ieje ni siunie jike' iyo.

Efesios 4:27

ká awoye pet 'weta ni imosik.

Efesios 6:11

Kimayi siuniwa askijmatis askio' jlele ti tejeye ni inwak siuniwa Sinia' iwi'nase'm, tojmatayi ilia'm niwak siuniwa imosik jikajejlasayejes.

1 Timoteo 2:15

Siojona asejnia ti jlam ti inet, siuti ja ke inleyi ni siunie jitienkiujnieye ti 'es ti iyoyi, jla'yi ni jlemijnaye, jla'yi ti janilesaniji jitieyi'i pi Sinia', janak janjwa'.

1 Timoteo 2:9

Jlampet napo asejnia, awo'ate: 'esiji ka 'nots'iji'n niwa ji'wuye, siuniwa ji'wuye iyo pet jana asejnia ti jlosik po'. Siuti inilesanata ti jlete'l isiayetajets'i, je 'esiji ka inkajanit ape'e siunie iyo ti ilisa'n niwa ji'wole ti isiajyi'ni, ni'ne ka inkime siuniwa wikinie maja ti 'najli, ni'ne ka niwakaye t'ijyi'l, iyoye'ate niwa ji'wuye ti t'ojnits'i.

1 Timoteo 3:11

Kia'iyojliyi napo asejnia ti iniuyeje pi Sinia' ni jikijmaye ja ke jiwekie'eja jana i'nioki. Janapokaye napo ti je yimi'n siuniwa ye'laja jiniliaja, je nesi'li'yi pa k'iejliyi, 'wenajliyi ti i'ye'en. Je tak'emiyeje wek siupi k'iejliyi ti iyo ka woyi.

1 Timoteo 3:2

Jak je iyoyiji ti jikijmaye kia'iyoyi ni i'nio', 'esiji ka ini'ye'en ni siunie iniwoneje, 'nakayeyijna'a ti ja lajak'ipa ka ti'yenaja. Janjwankit siojopa jik'iemjla. Jlosik japoye ni i'nio'. Ti k'iejliyi pa jlam je iyone 'ate ka woyi, 'wenajliyi ti wuj ti i'ye'en t'oniye 'es. Jla'yi ti i'ye'n ilia'm napo ijioyi. Naka ni i'nio' ti 'yijene ti 'yiyasa'n napo ijia.

2 Timoteo 4:17

'Yina Sinia' yi' ijiap jakayi. Iyo ijwiyeja' ti awoyi yamtikie' kiwa jlamtis, ti atoni napok siunapo je Judíojos ka impe'yayis pet. Siukia iyonk'iji ti sijwajiete ni Saka'niona k'iye ni jikiwet ni k'iwajla.

Tito 1:8

Ja nakaye siunie ti t'oniye je ijwisi'ne ilia'm siunapo ijioyi'ni. Ja nakaye siunie ti janemi'n ni 'es. Ja ke nakaye siunie ti je i'yene siunie jawoyi; ja 'esieje'n ni i'nio'; janilesaniji jitieyi'i pi Sinia'; nakaye siunie itiant'ieje ti je 'esta ni iyoyi.

Tito 2:12

Siuti kasp'elisi'n, kajeyepa ti kasts'eyasane ka iliki siunie je 'es siuniwa kasteliaja ka iyoki ti yi'i ni ajnat. 'Nakayi ti ja'yena siu'niwa jlomas siunie jayoki, jla'yi ti jajnajyi siunie janiwonaja jla'yi ti ja'yukk'i siunie iyo ni Sinia'.

Tito 2:2

Siuti a'lej jawejna'm napo kijilas, ka kiak awoyepi 'ate, “Niwonayi'ate iyo siunapo jikijmaye 'es, asts'oniye jansets'ik'i, ke inesi'lie'yi siunie jawoyeyi; astankiujnieye ja'wanjliyi wita'm, kia'iyojliyi ni asemijnaye jla'yi ti jatoma ilia'm siunie aswet'ia ti poyeta.”

Tito 2:4

Siunapo jlosie, 'esiji ka 'eyasajne'n, 'nakayi ti janemi'n napo jilis, siu'neje napo jijwa'yis.

Tito 2:6

Jloye napo jwemik ka'ye'en siunie iyoyi.

Santiago 4:7

Nip'elisina kiajwe ni Sinia'. Tayitieyi ni imosik, ja jotie.

1 Pedro 1:13

Nak it'imina ti awo'ate, niwakajlanitie. Ká aninenayi 'ate ka i'nalayi'ik'i, 'yena pi siunie jiwo ka woyeyi. Ke ekiajlayi isia'm siunie jiniwonayi ti jinijijwiyejyi'n k'iye siunie ka iwenta'ase'm ni jikap'ijliuskiye, siojona jloma ti janikajanit pi Sijwajieti Jesús.

1 Pedro 4:7

Je pa tojwa'a ni jlaj jane'yi wikie'eyi siuniwa wask'i'nelaja. It'imina ti kiak awo'nase, nilesanayiji. 'Esiji ka asa'am ijiatayi ka woyeyi ni asts'ajlaye.

Apocalipsis 12:10

Jakap'anik'i ti ape'yayeyi ni i'nio' ti tojma'm ni poli, jla'lap ijiok'i'ni, ti iyo'ate: “¡'Nes jana injwajieti ti tajle ni Sinia', siu'neje ni jit'iuni, siu'neje ni jika anechijiayas, siu'neje ni jiniwunitieye naka jijliujwanik ti Injwajieti! Kajeyepa ti totie kisie'e siunie ti iyo'ni jitisa' napo si'niayi ijwienjliyi, siunie ti jlomas, ajnajas ti takasitin'ni jitieyi'i ni Sinia' ti iyojwan'ni jitisa' napo i'nio'.

Apocalipsis 12:12

¡Asa'am poliyis, inkasajyi'n, asam 'neje pet ti jleyejyi niwaka, kiak woyeyi! ¡Ijiate, as'wet'ia po' ajnat, i'niat lajlik'i, kajeyepa ti siunie imosik je pa tojwa'a ti janojwik'i siunie jika jloma, jak je iyoyiji ka jiwak je poyeyi, tisiojmajyin'ne ti jant'eki'ni aswa'm!”

Apocalipsis 12:9

Sekyi'i ti totieja kisie'e ni ajliutietiok, siojo ti 'nelanjie'e iyot'ipi injlatiokie'; Imosik, jle' 'neje ni iyo'ate Sitiejiejwa, siunie ti ik'emijiet wikie'eyi napo i'nio' yi' ape'e 'ni ajnat. Tijwanaja'a papo jikawos injlojwajnas poli jlelejimpe ti 'nelanjie'e, ti titietajak'i isia'm ajnat'e.

Apocalipsis 20:10

Jlajmiliet siojo imosik, ti ik'emijietk'i napo i'nio', titietajayija'm ni jwat siunie ti isa ape'e iyo ni i'niat lajlik'i, siu'neje na azufre, siunie ti kia'iyo ti titietaja'm ja pinitiok siuti jiliaye iniuj wita'm ja injwejlanik jiwo, ti je tal Siniayi. Jlomas ajnajas ti janejyi ni jijliak'ali 'yina jajnok'i'ni ti kiak jawo.

Apocalipsis 20:2

Sekyi'i injlojwanik poli jlele isime ti ilie'nit'ne jaka siojo ajliutietiok, naka'neje 'ni injlatiok ti 'nelanjie'e t'ipi, naka Imosik siu'neje ti Sitiejiejwa. Ilie'niti siojo itiun'ni wikijnies, sekyi'i ti 'yumajak'i isia'm siujlieja kiawe ti je ti'wena k'ioyi, sekyi'i ip'ionayi ti 'yite ape'e ti 'yilina ape'e siojo je ik'asinit'i ape'e, kajeyepa ti ja ke inets'e paka inkajli ka i'najlinit'i ape'e jajnok'i'ni paj ka mílana'a niwa najkapis ni siuniwa tenaje. Jak je iyoyiji jankama'ne napo i'nio' yi' ape'e 'ni ajnat, ti ja lajak'i'ne paka ink'emijietk'i paj ka ineyek'ina'a siuniwa tenaje. Janek 'niji niwaka ka jiwekie'ajana'a ka tiwejnana kiu wat kisie'e, 'yina ja ke paja kisie'e.