1 Pedro 5:14 - Sinia' Jlamtis 1994

¹⁴ Ya'am awo'ate, 'esiji ka anik'iewe ni akiecha ti jini'wenayeta, ti jitijwilayi napo as'lejwas, kajeyepa ti 'yaka Sinia' jilists'ase'm. 'Esiji ka akamaja wikie'eyi ti asa'am ti jleyejiap ni Sijwajieti.

1 Pedro 5:14 ပူးပေါင်းရင်းမြစ်များ

Mateo 5:47

Siu'neje ti napokata jla'am as'nayi ijwienjli ti jitijwilayi'ni ti jini'wenayetaja, ¿ma 'wena t'i jloyejiap napo asa'm ijia? 'Yejne'n, siunapo je t'ekiyiji ni siunie je 'es ti iyoyi tiwet'ianaja ka 'wena joyejiap'e ni siunie iyoyi.

Juan 14:27

“Siuti jayik, jaliyi asap siunie ti ja akamaja. Awe'nase'm 'ni ikamankiye, siunie ti je iyo'ate ni tajle pet 'ni ajnat, siunie iwi'in. Ke injlak'alajyi'n, jla'yi ka je k'iejliyeyi paka ijnots'inayi.

Juan 16:33

“Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

Juan 20:19

Siukia jloma ti tajlaja'm, ti ajnaj, siupapo t'eyasajnas initaj'ne seka'a yi'i siujlieja 'wuk yiyis kiajwe, ti ip'ionisiamk'i jawa jika 'wuk kiwitawa, ti je ijwiyisink'iye siojopo Judíojos jika anechiyasas. Sekyi'i ti Jesús inikajanitie jikiowe'e japo t'eyasajnas, iyo'ne 'ate: —¡Kamaja!

Juan 20:26

Tijwajyi jakia inkijmaye ijwienjli, yikiajlayi'iji ti initaj kiajwe jlaja 'wuk. Jakayi'ne ti Tomás sekyiye'e. Siojowa 'wuk kiwitawa wikie'eyi ti tip'onajamk'i. Jesús inikajanit 'ne ti takasiti'n jikiowe'e japo. Iyo'ne 'ate ti itijwilayi: —¡Kamaja!

Romanos 16:16

Siuti jitijwila', nik'iewayi napo a'lejwas, 'yina ti nak 'nakajanitie ti asa'am Sinia' jilists'ase'm, ti kiak jiwoyeyi. Wikie'eyi napo Sinia' jilis ti jlam pak yik'i'ni itijwi'lase pit.

Romanos 8:1

Siunapo i'nio' napo ini'nopijieteje ni Sijwajieti Jesús, napok 'yaka pet ti laj jitisa'.

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

1 Corintios 16:20

'Yina wikie'eyi napo si'lijwas itijwi'lase. Nitejwila', nik'iewayiji'n napo as'lejwas, nikajanitieyi ni siunie jiwoyeyi ti asa'am ti Sinia' jilists'ase'm.

2 Corintios 13:12

Nikiyek'i wita'm. 'Esiji ka anik'iewapi, janikajanitieyi siunie ti asa'am ti jilists'ase'm pi Sinia'.

2 Corintios 5:17

Jak je iyoyi ti po' siunie ti inijwankitik'i pi Sijwajieti, ika pet ti ink'ie', siunie jilisanik ti ink'ie'. 'Yina siuniwa wask'i'nelaja paj yam'niji. Poye pet siuniwa wask'i'nelaja ink'iejyis 'nakayi.

Efesios 6:23

'Esiji ka Sinia', jla'yi pa Saka'niona Jesús ti Sijwajieti, imp'elisijnimpe, 'nakayeyi jankamajayispe, siunie jlemijnaye kia'iyojliyi, siu'neje ni jitienkiujnieye ti 'es, 'esiji ka Sinia' iwejna'm.

1 Tesalonicenses 5:26

'Esiji ka anitejwilapi jla'yi ti janik'iewa', nak jankajanit ti Sinia' jilists'ase'm.

3 JuanMary Thureson 1:14

Ajwelta ka je ipiejeniti ka ijio'wa ka yama'a, ka ini'wena ka ikamtijniena.