1 Pedro 5:1 - Sinia' Jlamtis 1994

¹ 'Nakayi jayo jlosikie' siunapo ti i'yena napo ijia Sinia' jilis ti yi' aska kiowe'e. Siuti kia'awo iyo'ate ti jlamis, kia'iyo itiej 'wanjle'e pet, jla'yi ti a'wenaja ja Saka'niona ti Sijwajieti ki iyo ti wuj ti inilayiti. Kiak jayo iyo'ate ti jan'wenis ni jijweye pi Sijwajieti, kia'iyo ja'wi'in pi k'iejliyi ti 'es, ka 'nakajta ka netiejenie'e ni jlaj niwa jlomas.

1 Pedro 5:1 ပူးပေါင်းရင်းမြစ်များ

Lucas 24:48

Asa'am ti askimet ti ja akinieyiji'n ti ja ajwela 'niwaka ni siuniwa ji'wena'.

Hechos 1:8

Siuti jane'yase jana Inia' jikimet ti 'es ka tekiajla'asenie'e ni asjweye, ka sek atajlaye'ena'a ka kinieye'inna'a ti jawoye asamtikie' ti ja sijwela'. Ka joyenie'e Jerusalenne, ja tejwayena'a siuniwa ajnatis yiji jana Judea, siu'neje jana Samaria, wikie'eyi siuniwa isi'il tose ti yi' ape'e 'ni ajnat.

Hechos 14:23

Sekyi'i ti tiwok jleyisa' siupapo janoyeje papo ijia tajlits'i puwa ji'wetis ti tijniejieta'ak'i siupa jikijmaye janwo, t'ajlat'iyispe ape'e, jla'yi ti ininel'lianiti'n. Iyonisi'ne 'ate ti itimat'iyisijpe: —'Esiji ka Saka'niona, siunie je jikakiuye, ja 'ye'nase'm, jla'yi ti janoye'ase'm.

Hechos 15:4

Pablo siu'neje ja Bernabé ti 'nesat'iyis'nijpe Jerusalenne, siojopo Sinia' jilis siu'neje japo injlojwajnas, siu'neje japo i'yena japo ijia Sinia' jilis, japok wuj ti 'es ti i'ye'n ilia'm. Sekyi'i ijwijla'm wikie'eyi siupa Sinia' iyone.

Hechos 15:6

Initotisk'i'ne wita'm wikie'eyi siojopo jle' po', siu'neje japo injlojwajnas, ti i'yenis paka.

Hechos 2:32

“Je int'ayeyiji'n jla'am ja Jesús ti Sinia' iniujwa'n kisie'e 'neyek'i, 'yina sampe ti a'wena, jlam je iyo ti ijiatk'i.

Hechos 20:17

Pablo ti yi' Milétojo, takajluni'ni siojopo i'yena papo ijia Sinia' jilis yi' Éfesojo, ka jnoyi siupa yi'i.

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

Hechos 21:18

Jak je iyoyiji'ni, jloma kiecha ti ajokie isik'i ti ajok ji'wete ja Santiago, ti sa'yi ja Pablo. Siojopo i'yena papo ijia Sinia' jilis ijyiwite ti sekyi'i.

Hechos 3:15

Jiwoyeyi'iji ka alana siunie in'wasankiye i'nio' iwijna'm. 'Yina Sinia' iniujwa'n kisie'e ti tajla'm pi a'no', sam ti a'wena ti ijiatk'i kiaka.

2 Corintios 5:1

Awojlitieje ti siuniwa ts'isienis ti tiwoki si'wasankiye ji'wukie ti awak'ne ajnat'e, janak kas'yenajap jana 'wuk siojona jlam ti tiliakiki'i jiwekie'e. 'Yina je atayeje'ni japa si'wukie, kajeyepa ti kasts'ajane pa awonaja, kanwastajanna'a janak 'wuk siojona jlam ti tiliakiki'i, Sinia' iwiakajlanit ta'a sik'ioye niwa si'wuki'l ti yi'i poliyi, ti jla'm ijiate ti t'o'n, ti i'nio' je kio' lisanki.

2 Corintios 5:8

Je anikiwita, siu'nie sosik awonaja pit, je ajwela ka je itiajlaja ni siunie ts'isie'n. Jatiajlaja, sek jane'yi ka ijiokieyinie'e pi Saka'niona.

Filipenses 1:19

Kajeyepa ti nak jant'emina ti jajwie'e, ka ijiatayijia'm ti je liyeyi ti ts'ajlana'ni, jla'yi ki iyo jana Sijwajieti jikimet ti 'es janaka 'neje ti iniuyijk'i'm.

1 Timoteo 5:1

A'lej ke etiapk'i ni isijli siuti jiwo jlosikie', wona 'ate ni ana' ti jawo jlosikie'. Jlampet siunapo jwemik wone pet 'ate jiwone napo a'yijnis ti a'nayi ijwienjliyi.

1 Timoteo 5:19

Ká ak'iuye siuti japoye papo ka injwe'la paka injwel paka jitis iwoyi napoka Sinia' jilis ti paj, ja lajak'i papo ka najapeja ni'ne ka timesie papo ka'wenaja ti ijwil i'winaja ti iyoyi pi je 'es.

2 Timoteo 4:8

'Nakayi ti tiwakajlanitie ta'a its'ioye siojona akajli, siojona ti Saka'niona, ti jla'am ti tijna'yi siunie ti jan'ye'en napo i'nio', ti ijiate jla'am ti 'es, ti ja'yakajli ti anilesaniji, ts'iji ka netiejenie'e siojona jloma yi' jlaja. Ja ke yamkataja ti janwenk'i'm, kia'iyo janwejna'm wikie'eyi siunapo ti yimi'n, jla'yi ti je iliyi ti inijijwijyink'iye.

Tito 1:5

Siukia ti i'wanjlipe Crétaja, jlam sek aleyi'ipe, 'yina ti awo ka iliyi ajap siukia isijmaye ti awo, ka ateme pet siukia 'wanjle'e jota iyoyi. Nakape ti awo ka awojyi'n papo ka intajlits'i niwa isi'il ka ekiaj'le ka inkie'e pet napo ijia Sinia' jilis.

Hebreos 12:1

Jak je iyoyiji siuti 'yiniye ka iwiek jikiowe'e napoka i'nio' t'ipi ti 'loj ti inikajaniti siunie jitienkiujnieye ti 'es ti je 'yakakiu pa Sinia', 'esiji ka ijiutie kiu wat ts'ijiye siuniwa wask'i'nelaja kast'ajaniti'n, siu'neje ni sake' ti akapajlaja'ni. 'Esiji ka je inilakik siunie awoki ti 'osiye'ni ni atayeje.

1 Pedro 1:12

'Yina siupa ti iyoyisi jlamtikie', Sinia' ijwijla'm ti je jlamis ka ijna'yi, 'wenajlit'iyijpe ti asa'am ti tijna'yase'm ka insisieyi. 'Yina 'naka'ne siu'nie tijwela'ase ni Sinia' jika'niye ti 'es, ti iyot'iyisijpe jlamtikie' papoka ti Sinia' jikimet ti 'es jijweye yijap, ti tal poliyi. ¡Niwaka'ne siunapo injlojwajnas poli jlele ijialasista pet kan'wenis!

1 Pedro 1:7

Kajeyepa siunie astankiujnieye ti 'es iyo'ate janak wikinie maja ti 'najli ti tejlitaja, ka ti'wena ka 'esie, ni'ne ka jeye. It'imina ti ijlionayis napo jiwos. 'Yina kiak iyo'nase pet siuniwa inkajejlasaye ti ijio'wase, 'yina jla'm ijiatayi ti laja 'yaka'm ape'e janak wikinie maja ti 'najli. Siuti jatoma ilia'm, nak jant'emina ti asnikanitieyi japoye, siu'neje ti ijnonitieye ja tena'ase'm, ka inikajanittiejna'aja pi Saka'niona Jesús ti Sijwajieti.

1 Pedro 4:13

'Wenajli wek ti ja anikanitiejyi'n, lapakawo ti yiye'ase pit naka inkajejlasaye ti inilayitt'iyijpe pi Sijwajieti ti kia'iyo, ja 'nakayeyi ti jampo'ase ni asnikanitieyi, ka 'nakajta ni siunie iyo ni jijweye.

1 Pedro 5:4

Jak je iyoyiji siuti ja'nes naka sontas jiwo ti jlameje, janwena'asemna'a siojona as'wajieta ti wuj ti 'es, ti ja ke paja ka netia'n.

1 Jn 3:2

I'lijwas ti yimijna', 'nakayi ijiate Sinia' jilists'e'm, ejlo'o jiwekie'e ti je kastant'iejliyi'iji siupi jats'oniyeja' ka pajata. Lapakawo ti kasts'ajane siuti jankaj pi Sijwajieti Jesús, jayok'iate ti jla'am, ja'wina siupi ja k'iejliyeyi.

2 Juan 1:1

I'lijwas atejwi'lase, asa'am ti Sinia' jilists'ase'm ti jleye as'wetits'ijk'i, ti Sinia' pajk'i ti int'ayejyits'i. Ya'am ti kijilk'i'm ajlo'wase siunie yamtik ti yimijna'yase'm ti kasjwanjliyik'i siunie ijiatk'i. Je yamkata, 'yina wikie'eyi 'neje siunapo pajk'i ti itiant'ieje siunie ijiatk'i ti wuj ti 'nama'ase.

3 JuanMary Thureson 1:1

Ampey, isiecha ti yiminik Gayo. Ya'am ti kijilk'i'm, ti awo niwa Sinia' jlamtis, i'lij atate'a ti lajk'ipa ka int'emina ti emi'n, ti kasjwanjliyik'i siunie iyo ni ijiatk'i.

Apocalipsis 1:9

Ya'am Juank'i'm siunie askiecha, lapakawo pet siuti ani'nopijieteje ni Jesús 'yina si'wet ijwienjlajam'ne siunie Sinia' jika anechijiayas, siu'neje ti siliaye iniuk'i wita'm ti siwet'ia poyeta, 'yina majejli naka 'neje siunie sijweye pet ti ani'netiejeta pet ilia'm niwaka. Sena 'ne yi'i jlaja ajnat siujlie'e i'niat tijwajiape'n jle' iyo'ate Patmos, 'yina je 'wena paka int'emink'i naka jla'am ti awoyi yamtikie' niwak Sinia' jlamtis, siu'neje na ijiatk'i ti Jesús iyo jika'niyeja'.