1 Pedro 4:6 - Sinia' Jlamtis 1994

⁶ Siupapo 'yajle'n jlam pajk'i ti tijwelaja siunie inka'niye ti 'es, jlampa Sinia' intemayijna'a ti jan'ye'en siupi jitis iyot'iyipi ti je t'ekijli kiu' ape'e 'ni ajnat. Sek jane'yi ka nekiajlana'ak'i pijia'm puwa jisiak'alis, iyo jla'am ni Sinia' ti tajle jana in'wasankiye.

1 Pedro 4:6 ပူးပေါင်းရင်းမြစ်များ

Mateo 24:9

“Ti asa'am ja inekiajlayi siunie ti ja anilayitieyi, ja inlanajajyi'n asa'am ti jiniamajyin'ni ijyik'i, naka 'neje ti jant'emina ti ja tini'wajak'iase'm.

Romanos 8:2

Kajeyepa ti siojona Sinia' jikimet, ti jikijmaye ti iyo si'wasankiyejayi siupa ti iyot'iyipi pa Sijwajieti Jesús, kasjwajiete siunie jikijmaye iyo ni inke', siu'neje ni inlaye.

Gálatas 2:19

Siuti ya'am masak'i'm jitieyi'i nak inka'neyasajnaye, tepa jawo ka kiak je iwo ti jilianikk'i'm, sekyi'i nak tajleje pit ti si'wasana'aja, sekyi'i Ika'niona pa Sinia'. Kajeyepa ti 'yiniye ka iliaye inoyi wita'm pi Sijwajieti ti tik'iejwata'a japa cruz,

Gálatas 5:25

'Nakayi siuti janaka Sinia' jikimet ti kasts'isisi, kiak jayoki'ijyi pet 'esiji ka najk'i siunie iyo.

1 Pedro 1:12

'Yina siupa ti iyoyisi jlamtikie', Sinia' ijwijla'm ti je jlamis ka ijna'yi, 'wenajlit'iyijpe ti asa'am ti tijna'yase'm ka insisieyi. 'Yina 'naka'ne siu'nie tijwela'ase ni Sinia' jika'niye ti 'es, ti iyot'iyisijpe jlamtikie' papoka ti Sinia' jikimet ti 'es jijweye yijap, ti tal poliyi. ¡Niwaka'ne siunapo injlojwajnas poli jlele ijialasista pet kan'wenis!

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.

1 Pedro 3:19

'Yina siuti kia'iyo jisiak'al, ijioyi puwa insak'alis ti inkipijnas, ti iyo jlamtikie'.

Apocalipsis 14:18

Sekyi'i ti 'nesa'aja ja injlojwanik poli jlele jikiecha ti tajli pit jana altar, 'yina tijna'yi pet ni jwat ti isie'e. Ka kia'iwo kanlakiyi'i ti iyone 'ate siojo jikiecha ja yin'ni jikiojyi ja jitisajnat ti 'yakajla'm: —¡Nisiamaja, jwajats'i niwa jik'ase'l ni yi'i niwa jla' niwa ts'ejnietio', kiene ni atesajnat ti 'yakajla'm, 'yina ti wakal, 'yo'we, siuniwa tajla'm pet 'ni ajnat!