1 Pedro 4:17 - Sinia' Jlamtis 1994

¹⁷ Lapakawo ti yiyi siojona jloma ti ja kas'yena, sam kasjnajnata ti Sinia' jilists'e'm ti kas'yena. 'Yina siuti kia'iyo, ¿tepat'e jawo pit siupapo ti ijiate ti je its'iuye ni siunie Inamtik?

1 Pedro 4:17 ပူးပေါင်းရင်းမြစ်များ

Lucas 23:31

Ijwil ka poye siunie tiwonaja janak a'la' ti jiwats'o, ¿ent'a ja kat'ajayi jla'am siunie jiwet'iaye janak a'la' jijwa'lak?

Romanos 1:1

Asampey i'lijwas, ya'am ti Pablok'i'm ti atate'ase siu'nie ip'isinik. Sinia' jla'am ti tank'i, sekyi'i ijniejietk'i'm siu'nie isijmaye ka iyo Sijwajieti Jesús jijliujwanikie' ti sitiejieta naka ka yikiji'n ka ijwi'il siunie jika'niye ti 'es.

Romanos 2:9

Ja ke jlasiye ni jawo ti janilayitisi, jla'yi ni jijliak'aliye wikie'eyi napoka siunapo ti iyo ni je 'es ti ja wujwa ti a'tiejak'i, ti ja 'nelanjie'aja janapokaye napo Judíojos. 'Yina ja ke napokataja, siunapo je Judíojos kiak jawo.

Gálatas 3:1

¡Ijiate wat ti 'ne'liats'ase'm, asa'am ti Galacia jlele'ase'm! Jlam'ne siuti 'eyasanajyi'n, 'yiniye ka ijiatayiji ka astate i'we'en pi Sijwajieti Jesús, sekyi'i ti intant'iejayiji, jla'yi ti 'yiniye ka 'wenayi ti yi'i japa cruz ti tik'iejwata'a. 'Es ti jik'iuyek'i'm, ¡'ye'en, 'nakayi 'yiniye ka poye paka aye'wuye ka 'neyasana', ti it'imina ti ikajyi'n siunie astankiujnieye ti 'es!

Gálatas 5:7

Wuj ti 'es siukia jiwoyeyi ti 'nelanjie'e. 'Nakayi, ¿ten t'ipi pa siupi it'imina ti jijliena niwaka inamtis ti isis?

Gálatas 6:10

Jak je iyoyiji ti kiak awoyi ti awo'ate, ti akajlaja ti awoki, 'esiji ka iniukieje napo si'lijwas ka winaja'm siunie 'es. Ja kat'ajayipe ti ja 'wina siunapo si'lijwas 'neje ti itienkiuni pi Sijwajieti Jesús ti je 'yakakiuyis.

2 Tesalonicenses 1:8

ti janame ti jan'ye'en ti jansa'a napoka i'nio' ti ijiateje ti teje'yi ilia'm ni Sinia', siu'neje napo ti je iyo ka ink'iuyeje ni inka'niye ti 'es ti ijwi'il pet pa Saka'niona Jesús.

1 Timoteo 3:15

kajeyepa 'lojwinie'e ka je simajli. 'Yina je sikiwit'a'm siunie iyo ni sikijmaye, ti Sinia' ji'wet jlelets'e'm, ka iyot'e 'ate, Sinia' ti je paj ka netia'n jilis. Jlam ti yints'e'm ka 'yitie pijia'm naka ni siunie ijiatk'i jla'yi ti akiejek'i ape'e.

Hebreos 11:8

Siupa Abraham ti je 'yakakiu pa Sinia', jak je iyo ka t'onieyi'i pet k'iye ti tanayi, sekyi'i iwise'ni siupa ajnat Sinia' pajk'i ti ijwijla'm ti yikiajle ka ne'yi. Jak je iyoyi siuti yamat'ipi ti janjlase japak ajnat tijwelaja'm, 'yina jlam ya'am jiwekie'e ti je 'yijene paka intajyi.

Hebreos 2:2

'Yina ataj kiam kiu' enayi 'ate siupa Moisés jika'neyasajnaye, ti injlojwajnas poli jlele siupapo takajwejlane pa Moisés t'ipi. 'Yina jlam pak je iyo jiwek, jak je iyoyiji siunie ti 'yakakiu siu'neje na ti je its'iuye, nak jla'am je tisiejek'i jiwek lapakawo ti 'yu'we,

Hebreos 3:6

'Yina Sijwajieti, ti jla'am ti Sinia' jlas, je tiwonajataja jla'am jiwek k'iye siunapo ji'wet jlele ni Sinia', ajwe'el ti sa'am, ka je initiajnata siunie ti je anikiwita, siu'neje na ka ini'netie, 'yaka po' siunie sinijijwiye ti yits'e.

Hebreos 5:9

Jak je iyoyiji siuti yiyek'iyi siunie iyo ti lajak'i pa ka inetia'n, 'yina nak 'esieyi pet wikie'eyi napo i'nio', ti iyoyi ji'niayija' ti ijioyi ni jijwajieti ti laj jlaja, siunapo ti iyoyi niwa jlamtis.

1 Pedro 2:5

Kiak woyeyi pit ti asa'am, niwojwana sisajasa siuniwa ajwel'ni, 'nakayi ti Sinia' janwo'ase ji'wukie. Jla'yi ti asama siunapo isis pa'yijis, jak je iyoyiji siuniwa jawoyeyi ti jawunitie, jawoyena'a 'ate siuniwa ti k'iejliyi ti tilianaja'n ti tekiajlaja pa Sinia' ti tiwoki ji'wajieta'. 'Yina Sinia' ja inkaja'a pet siunie jawonayi ti jawunitie, ti jantajla'm ni askiowe, 'yina ti po' pa Sijwajieti Jesús ti pak insisieyi.

1 Pedro 2:8

“Janaka siojona sisaj ti ja ke piniye siunapo ti jant'as kiajwe ja'nopijietk'i isia'm.” Siuti kiak jawo, ti jant'opik'i isia'm, 'yina lapakawo ti jlamayis jla'am ti je its'iuyisie niwa Sinia' jlamtis; lapakawo ti jlam titiejietajape ti 'nelanjie'e.