1 Pedro 4:14 - Sinia' Jlamtis 1994

¹⁴ Siuti kia'iyo po' napo inlakiye ti jikiniets'i pi Sijwajieti, Sinia' nak ijiate ti imp'elisina', 'yina nak 'yakajanitie pet ti je taj'l astepe'e siojona jikimet ti 'es ti jiwunitieye po'.

1 Pedro 4:14 ပူးပေါင်းရင်းမြစ်များ

Mateo 5:11

“Sinia' wuj ti imp'elisina' ti asa'am siunapo i'nio' iliaki ti jikinieyi siu'nie awo, siu'neje ti teje'yi aselia'm k'iejliyi siunie iyo kawo'nase ti inlakiye.

Mateo 5:16

'Yina ti asa'am 'esiji ka kiak aniwonayiji, siojona aska kates 'atanajia'm jitieyi'i napo i'nio', 'nakayeyijna'a ti jan'wena ti jiwoyeyi ni 'es. Sekjane'yi ka inwunitieyisna'a ni Asna' ti yi' poliyi.

Lucas 6:22

“Sinia' wuj ti imp'elisina ti asa'am, siunapo i'nio' ti ne'wa'ase'm, siuti ja inokiosats'i kisie'e, siu'neje ti inlakiye, siu'neje ti ja ke iwo asjaye, siunie jiwoyeyi ti jikinieyi ni iyo ni I'nio' Jlas.

Juan 15:21

Niwaka siuniwa janwo'nase napo i'nio', lapawo ti ya'am ti jat'imi'nase, ti je itiant'iejesi ni Siunie sijliu'.

Juan 8:48

Siojopo Judíojos ipi'yayis jiwek ja Jesús ti kia'iyo, sekyi'i iyonayisi 'ate: —Ijiate siunie awona'a ti ajwela ti am Samaria jlele'a'am, ti imosik yi' awa'm.

Juan 9:28

Iyoyis'ne 'ate ti iliakiyis, ti ipi'yayis ti kia'iyo: —¡Nakp'an jlekk'i pet, sa'am akinieje pet pi iyot'iyipi pa Moisés!

Juan 9:34

Sekyi'i kat'ajayi ti jwesis, iyonisi'ne 'ate jak i'nio': —Jlam'ne ki iyo ti k'iejli impoye, ake' tipoyi awa'm. ¿Jijwelt'e ka kasts'eyasajne'n? Yiyisik'i wekie'e ti kia'iyo, sekyi'i ti tijliukie.

Hechos 13:45

Siupapo Judíojos ti i'wina papo i'nio' ti 'loj, sekyi'i jiwak yi'ne'ne japo Pablo, kajeyepa ti ijiulsinaja'm papo. Iliakiyis'ne japo Pablo, jla'yi ti tejeyits'i ilia'm siupa ijwi'il.

Hechos 18:6

Jla'm iliakiyisjli pa Pablo, ti tejeyis ilia'm, jak je iyoyiji'ni ti ipiatits'i puwa ji'wuye, ti 'yakajanit ti wuj ti jitis poyis, sekyi'i iyone'ne 'ate: —Ja asama'yasa'm ti janit'emina ni siunie ti janetiana, je ani'noti 'naka. 'Nak jatiaj'le ti jajioyi siunapo je Judíojos.

Hechos 28:22

Awoktajan pet k'iye ka ipi'yak siupa atankiujnieye jiwone, kajeyepa ti wikie'eyi ape'e 'na ajnat ti ijwela ka je 'esie siupa aka'neyasajnaye ink'ie'.

Hechos 5:41

yamat'i'nijpe ti tajlisie papo anechiyasas, wuj ti inkase'n kajeyepa ti Sinia' yina'ate ka kiak tiwonaja ti tiliakik, 'yaka Jesús jle' ti it'imina.

2 Corintios 12:10

'Yina awo'neje 'ate, inikanitiejeye yiji ti kiak awoyi laj it'iuniye, siu'neje ti ajyi naka ti siliakik, siu'neje ti po' jana jloma ti lajk'iyi pa ka k'iejliyeyi paka i'wi'in, siu'neje ti po' napo ti teje ijyilia'm, siu'neje ti akk'i pi Sijwajieti ti ijiate ti istie' ni i'niayi. 'Yina siupet ti kia'iyo ti laj ijwiyeja', sek tajla'aja pet ni ijwiye ti Saka'niona iwink'i'm.

2 Corintios 4:10

Ti pak jajioki, siupi jiliaye iyot'iyipi pa Jesús ti tiliana nak atejliaki'n, ja 'nakayeyi pet siojona ji'wasankiye janikajanit pet ti jane siwa'm.

2 Corintios 4:16

Jak je iyoyiji ka ijliasataja isia'm siu'nie awoki, jla'm ani'netiejlik'i. Ijiatata wek 'ni ts'isie'n ti iyo 'yusieja', 'yina siuniwa sosikis yamjli pet niwa jlomas ti yapi jwemik'i.

Gálatas 1:24

Sekyi'i wuj ti iyunitis pa Sinia' ti i'winayis siukia awoyi.

Hebreos 11:26

'Yina ti 'yiniye ka wo'ate, “Siunie ti i'nio' siliakiyetaja ti nak akk'i'ni ni Sijwajieti, awo'ate siunie jwajla'a i'wi'in.” 'Yina jikiowe je yapili'ni siuniwa wask'i'nelaja isis yiji jana Egipto, lapakawo ti kia'iyo jitiej iyoma siunie Sinia' jawoyi jikajaye ti janwejna'm.

Santiago 1:12

Sinia' wuj ti ip'ilisi'n siunie to'm ilia'm, jla'yi ti inilayiti siuniwa inkajejlasayejes ti iyo sijliak'aliye. Jak je iyoyi niwaka siunie ti je 'yakajle'n ni i'nio', its'iuyeja pet ji'wet'e, janak ji'wajiet jana in'wasankiye siojona Sinia' ijwijla'm napo i'nio', ti itiliaja kanwejna'm, siunapo 'namaja.

Santiago 5:11

Siunapo i'nio' ti to'm ilia'm ni siunie iyo ti inilayiti, napok ti a'wenajata, awokie 'ate wujwat ti 'es. Jla'yi ti 'najanayi siupi iyot'iyipi pa Job ti kia'iyo ijiate ti jla'am ti 'yakajli ti wuj ti inilayiti siupi iyo pi yiyi, kajeyepa ti je ini'manit. Jla'yi ti 'najanayi siupi iyo pit pa Saka'niona, ti jlam wuj ti 'es ti iniuyeje ts'iji jlaje ti its'iuye 'wet'e siupi jiwet'ia iyo. Tepa jawo ka kiak je iwo ti jlam kia'iyo pi Saka'niona ti je paj ka je imp'elisijne'n napo i'nio'.

1 Pedro 2:12

'Esiji ka nilesanayiji, ti jleyejyi siunapo je itiant'ieje pa Sinia'. Jak je iyoyiji 'wanjliyi ka injwela ka je insisie, 'yina siuti jan'wena ti 'es ni jiwoyeyi ijiate sekjane'yi jajnonitis pa Sinia' ka netieje janak jloma ti Sinia' jan'ye'en wikie'eyi napo i'nio' ni jitis iyo.

1 Pedro 3:14

'Wanjliyi ka kiak awoyeyi ti jane'ase ni asjlak'ali 'yina ti jiwoyeyi ni 'es, ijiate Sinia' janoye'ase'm jamp'elisina'. Ke ijnots'inayi paka k'iejliyeyi. Ká awoye asjlak'aliye,

1 Pedro 3:16

'Yina ja ke anitonitiejyi'n, lesanayiji ti jakiujlieyi. Nilesanayiji, 'nakayeyi ti ja lajak'i paka astesa' ilia'm pa Sinia', siu'neje napo i'nio'. Jak je iyoyiji ja jwejlanatak'i wita'm siunapo i'nio' inlakiye ti injwela ti je 'es siunie jiwoyeyi ti jiniuyeyeje pa Sijwajieti.

1 Pedro 4:16

Jlam ti janakaye ti jleki ni Sijwajieti iyo ti jant'emi'na, ke ijnajwel, 'wenajliyi ti jawunit pi Sinia' a'm ti jlekk'i pi Sijwajieti iyo.

2 Pedro 2:2

Ja ke piniye siunapo janekk'i siunie iyo ni jloski'layis, jant'eminayijna'a ni siunie 'nayi ti ijiatk'i ti japoye napo janlakiyis, ti jawo'ate, “Ijiate wat ti je 'es.”