1 Pedro 4:12 - Sinia' Jlamtis 1994

¹² I'lijwas ti yimijna', 'otale t'onitie k'iye siunie asjlak'ali ti janilayitieyi, 'yina ti janakaye ti inkajejlasaye ti jawo'ate ni jwat ti wuj ti a'tiejak'i ka netie'ase, 'yina jlam kiak jawoyi.

1 Pedro 4:12 ပူးပေါင်းရင်းမြစ်များ

1 Corintios 10:13

Siunie inkajejlasaye yi'ase, lajk'ipa ka ne'yi paka i'nioye ka je ineyiji. 'Yina 'esiji ka ataj awomayi pa Sinia' ti ja ke inenayi 'ate niwaka inkajejlasayejes, ti wuj ti a'tisk'iji'n, ti je tiuma'yi ilia'm. Siu'neje ti, yiyeta'ase nak inkajejlasaye, Sinia' jan'wenki'na'ase'm siunie janiwonayi ka toma'yi ilia'm.

1 Corintios 3:13

'Yina je ijiate ka je 'nakaj siunie jikijmaye iyone ni i'nio', ka netiejenie'e janak jloma ti ja ti'yena napo i'nio'. Kajeyepa janak jloma ti jana'm siunie jwat, ti jajnejlit wikie'eyi ni jikijmaye iyo ni i'nio'.

2 Timoteo 3:12

Ijiate wikie'eyi siunapo ti jawo ka nekk'i ni Sijwajieti ji'niayi ti tijnajyi, napoka ti wuj ti janilayiti siunie jawone napo i'nio' ti jiwak jane'ne.

1 Pedro 2:11

I'lijwas, asa'am ti yimijna'yase'm, wuj ti anip'elisi'niase, ti je t'ikiyejli'yi kiu' ape'e siu'nie ajnat ti je ijiat ka as'weta. Ka je awoye 'weta niwak siuniwa je isis ti jlomas ti inteliajayi ka woyeyi ti teje'yi ilia'm ni siuniwa asosikis.

1 Pedro 4:4

'Nakayi ti je jleyejyi napoka, ti iyoyi naka ti wuj ti je 'es, sekyi'i jlam jnots'inayijits'i'ni, sekyi'i inlakiyeyi siunie jiwoyeyi.

1 Pedro 5:9

Jotie', ni'neti pijia'm ki iyo ni astankiujnieye ti 'es, jlam'ne 'najanayi pi jiwonayi ti je asamkata siunie iyo ni asjlak'ali. Wikie'eyi napo as'lejwas yi' ape'e ni ajnat ti kia'iyo inilayiti siunie iyo ni asjlak'ali.