1 Pedro 4:11 - Sinia' Jlamtis 1994

¹¹ Siuti po' ni iyo jlamtikie', 'esiji ka niwakaye Sinia' jlamtis ti janamtiyi. Siunie Sinia' yikiaj'la pit ka noyeje napo a'lejwas, 'esiji ka inwa'asitieyiji'ni 'yina siunie ajweye yi'a ti Sinia' jlam ti yikiaj'la. Ja k'iejliyeyipe siupi jawoyeyi, siuti jawoyeyi siunapo i'nio' pak janwunitis pa Sinia'. Siunie ti jawunitie, woyeyi 'niayija' pa Sijwajieti Jesús, ti jla'am ti 'yu'we ti ka kiak tiwonaja, ka tonitie, siu'neje ni jijweye iyo, jajnok'i'ni. Amén.

1 Pedro 4:11 ပူးပေါင်းရင်းမြစ်များ

Mateo 6:13

Ke kassena'ate ka wiekia'm niwa inkajejlasayejes, 'wenajliyi ka kasjwajiete.

Juan 13:31

Jlampa pajak'i ja Judas ti ya'am, Jesús iyo'ne 'ate: —Ja'nakaja'ne 'nakayi siuni iyo ni jijweye ni I'nio' Jlas, ti ja tonitie, 'yina siunie Sinia' kiak jawo'ojyi pet; ja'naka'aja pet ni jijweye iyo, ti ja tonitie, lapawo ti ya'am ti jat'imina siupa ja tiwonak'i.

Hechos 7:38

“Siu'neje ti yiji siupapo nojwisiji, yi'i pa ajnat laj i'nioye'e, ijiok'i'ni ti yijap papo sitiselt'ipi, siu'neje ti injlojwanik poli jlele tane yi'i japa tikijnaki Sinaí. Jla'am 'neje ti isimt'ipi ilia'm siuniwa inamtis ti in'wasankiye, sekyi'i ti ijliasatats'i pet 'nakayi.

Romanos 11:36

Ke iwo pa ti jla'am ti tajle wikie'eyi niwa wask'i'nelaja, siu'neje ti ka lajak'i je kia'iyotaja ka poye, jla'yi ti jikijmatis jla'am. ¡Siunie jiwunitieyi jajnok'i! Amén.

Romanos 12:3

Etijnape pa Sinia' siunie iyonk'iji ti sip'elisi'n, ti jayo'nase 'ate ti apejlanit'i astepe'e: je 'es pa ka jitienkiujnieye kiak iwone ka injwel ka jla'm ijiatayiji ka 'esie, sekjane'yi ti jani'najnat pijia'm. 'Yina 'esiji ka ani'notatayiji, 'otatats'i siunie astankiujnieye, jla'yi ti janijnojlieta wita'm siuti ja ijiatayi ka astankiujnieye poye, ni'ne ti jwajla'aja ti astankiujnieye poye ti Sinia' iwi'nase'm.

Romanos 3:2

Ajwel'ni laja po', je jlase' ni 'esi napo Judíojos. 'Nelanjie'e Sinia' je isiwita ka 'wena ijnoti kiwa jlamtis iyone.

1 Corintios 10:31

It'imina ti kiak awo'nase ti awo'ate, “Ja k'iejliyeyi siupa jawoyeyi, ni'ne ka 'yekiunie, ja k'iejliyeyi pi ja'yayejyi, wikie'eyi niwaka wunitieyi pi Sinia'.”

1 Corintios 12:4

'Yina ijwienjli je k'iejliyi siuniwa jikijmaye iyo jana Sinia' jikimet, jlam'ne ijwienjliyeta jla'am siojona tajle ti iwints'e'm.

1 Corintios 3:10

'Yina siunie iyo pit ni Sinia' ti sip'elisi'n, ti yikialk'i naka, ti ya'am ti anane ti e'ne janaka 'wuk, kajeyepa ti ya'am ti jiwok'i'm. Sekyi'i ti poye pet siunapo ti 'wanjlik'i isia'm ti iniuyijk'i'm, ti its'iuyeje ti isima. 'Yina siuti po' ni isima pet, 'esiji ka wujwa ka 'ye'en siuti yinata'a.

1 Corintios 6:20

Ijiate Sinia' pajk'i ti takat'i'n astepe'e, kajeyepa ti jla'am ti ya'mase. It'imina ti kiak awo, ti awo'ate, wunitieyi ni Sinia' niwa 'assienis ti jla'am ti jikimet.

2 Corintios 2:17

'Yina je pini' napo iyo ka wikiniet'aj in'yakane, siuti yameje'n niwa Sinia' jlamtis, kajeyepa ti ijwi'il niwaka ti iyo jikijmayeja'. Jlampet ti sa'am je kiak awoki iyo jlamis, sa'am ti Sinia' ijliuyits'e'm siu'nie awoki, jla'yi ti Sijwajieti jikawosts'e'm, jak je iyoyiji ti awokieta samtikie' ti ajwela niwa Sinia' jlamtis, 'yina je k'iejliyi paka inejyi 'niwa sosikis ka je ijiatak'i jitieyi'i pi Sinia'.

2 Corintios 9:13

Jak je iyoyiji siuti jan'wenis siunie jiwonayi ti ijiate ti jip'elisina' ti jijliuyeyi siojona jlotie'ni wita'm k'iye, siu'neje napo ijia Sinia' jilis 'neje janwunitis pa Sinia' jla'yi ti jan'wenis ti ijiate ti jiwoyeyi siunie inka'niye ti ijwi'il pi Sijwajieti.

Efesios 1:19

siu'neje ni jijweye ti iwints'e'm, sam ti je akakiuk. Naka ni siunie jijweye 'yaka'm ape'e wikie'eyi niwa wask'i'nelaja. Sekyi'i ti ijiatayi ti je istieyi siunie ti jijweye po' ti jla'am,

Efesios 4:29

Asamtis ja ke jiniliajaye, 'yina siuti kiak jawo, ijiate janoyeje pet siunapo i'nio' ti its'iu'wase int'eminajna'a pet ka Sinia' imp'elisi'n siunapo its'iu'wase'm.

Efesios 5:20

Ja k'iejliyeyi siupi jawoyeyi, ni'ne ti jane'yase, wikie'eyi niwaka 'esiji ka awoyeyi asnikanitieyeja' ti ja etijnajiape ni Saka'niona Jesús ti Sijwajieti.

Efesios 6:10

I'lijwas, ti asa'am ti jleyejiap pi Saka'niona, janakaye ti asjweye ja atajlatayi, 'yina ti jla'am ti jit'iuni po'.

Filipenses 1:11

'Yina kajeyepa ti ja impo'ase siuniwa jawoyeyi ti jantajle pet siunie 'es ti jawoyeyi, ka lajak'i ni Sijwajieti Jesús, jant'emina ti ja tiwunitie pa Sinia'.

Filipenses 2:11

'Yina ja wikie'eyeyi ti janjwelisi pijia'm ti janwoyits'i 'ate, “Sijwajieti Jesús naka ti Saka'niona”, japakayeyi ti ja wujwa ti ja tiwunitie pa Sinia'.

Colosenses 4:6

Siuti jakamtijnienayi napo i'nio', 'ye'en siunie jlamtiyi. Jawone 'ate siunie sijwonie ti jitieteje ni ak. 'Yina 'esiji ka 'najana'yi ilia'm siuti po' ni in'yasayiji'n pi k'iejliyi.

1 Tesalonicenses 2:4

Sinia' pajk'i ti kassejlit ka ijiatayi ni awoki, 'yina kas'wen'ne, it'imina ti je isiwitits'e'm niwa jlamtis, jak je iyoyiji 'ni iyo'ni amtiki ti je niliak. Je napoka napo i'nio' ka iyojonk'iye ka 'yakanitie'ni, 'wenajlitieje pa Sinia' ti awoktajank'iye ka 'yakajanitie'ni, ti jla'am ti kas'ye'en iyo niwa sikiojwa'l.

1 Timoteo 1:17

¡'Esiji ka iyunitie ni iyo ti jlam ti anechiyas, jla'yi ti ja ke iyok jlaja ti jayunitie, ti ijwienjli jla'am ti Sinia', jla'am ti je ti'wena ka paja, anechiyas ti je pajna'a ka netia'n, je ti'wena ka'na'al! Amén.

1 Timoteo 6:16

Ijwienjli jla'am ti je paj ka'na'al, ji'wet pet janak kates siojona ti je ti'wena paka ijnoyi. Lajk'ipa kan'we'en kajeyepa ti lajk'ipa ka'najane paka wone kan'we'en. ¡Ja ke paja ka int'ekiye siunie iyo ti tonitie, siu'neje ni jijweye jajnok'i'ni! Amén.

Tito 2:1

Siuti am ja k'iejliyeyi pa jawoyi, 'esiji ka 'wena je 'asap'e ki iyo ni inka'neyasajnaye ti 'es, tajle ni Sinia'.

Tito 2:15

'Niwaka ti jaka'neyasane. Kajanit ki iyo ni ajweye ti tekiajla'a pit, jalaskini ni 'es ka woyi, jloye ka leyi ti iyo ni je 'es. Je 'es ka je tiwok ajaye, 'esiji ka ink'iu'wa'm.

Hebreos 13:7

'Yina naka ti ja astaj enayi 'ate, siunie iniwone napoka ti 'eyasanayi siunie 'es ka wonayi niwa asosikis, siunapo ti ijwi'lase'm niwaka Sinia' jlamtis. 'Yina mayeyi naka siunie iniwont'iyisijipi, paj ka awayeyinie'e siupa ti jlaj yit'i'yijpe. 'Yina ja ke anetiajnata siunie astankiujnieye ti 'es iyo siupa iniwont'iyisipi ti je 'yakakiuyis pa Sinia'.

Hebreos 5:12

Jentat'itie pet ka apilie'yi napo as'lejwas ka 'eyasanajyi'n kajeyepa ti impajayi niwa Sinia' jlamtis. 'Nakayi kat'ajayi ti jlam yamjli'yi isia'm siunie jiwoyeyi ti jiwoyetaja ka tekiajlaja'a'ni ask'ioye ka tijwela'ase'm kiu'ujwe siuniwa je istieyijits'i Sinia' jlamtis. 'Yina jiwoye 'ate iyo siunapo kia'lis ti sajmela'aja'n ti nakata jla'am pet siunie jlet jikat'ios ti yapijyi'n, 'yina siunie asak ti kiojieti naka ti je jlapajyi'n k'iye.

Santiago 1:19

I'lijwas ti yimijna', ja ke inkiwaliye'yi siu'nie: siuti po pa jik'iuyeyi, 'esiji ka enayi 'ate; kia'iyojliyi siuti po' niwa jijwela', ke inesi'lie'yi; jla'yi ti ja ke ta'aja ka injwesisa'.

Santiago 1:26

Siuti po' ni i'nio' inijwe'el ti iyo'ate, “Ya'am Sinia' jlask'i'm”, siuti ji'lij je 'es, jlam ti inikajyi'n. 'Yina siunie ijwil ka jitienkiujnieye poyeyi ni Sinia', ijiate laj lajaye siunie iyo.

1 Pedro 2:12

'Esiji ka nilesanayiji, ti jleyejyi siunapo je itiant'ieje pa Sinia'. Jak je iyoyiji 'wanjliyi ka injwela ka je insisie, 'yina siuti jan'wena ti 'es ni jiwoyeyi ijiate sekjane'yi jajnonitis pa Sinia' ka netieje janak jloma ti Sinia' jan'ye'en wikie'eyi napo i'nio' ni jitis iyo.

1 Pedro 2:5

Kiak woyeyi pit ti asa'am, niwojwana sisajasa siuniwa ajwel'ni, 'nakayi ti Sinia' janwo'ase ji'wukie. Jla'yi ti asama siunapo isis pa'yijis, jak je iyoyiji siuniwa jawoyeyi ti jawunitie, jawoyena'a 'ate siuniwa ti k'iejliyi ti tilianaja'n ti tekiajlaja pa Sinia' ti tiwoki ji'wajieta'. 'Yina Sinia' ja inkaja'a pet siunie jawonayi ti jawunitie, ti jantajla'm ni askiowe, 'yina ti po' pa Sijwajieti Jesús ti pak insisieyi.

1 Pedro 4:10

Siuti asa'am ti Sinia' iyo jiwosa' niwaka ti iyo ji'wajietisa' napo, kijmanayiji'n pet niwaka, ja 'nakaye ti ja 'esieyi pet ni akiecha siupi Sinia' iwi'na'm pet. 'Yina ti ijwienjli je k'iejliyik'i siuniwa Sinia' yikiaj'lase injweyejes.

1 Pedro 4:16

Jlam ti janakaye ti jleki ni Sijwajieti iyo ti jant'emi'na, ke ijnajwel, 'wenajliyi ti jawunit pi Sinia' a'm ti jlekk'i pi Sijwajieti iyo.

1 Pedro 5:11

¡Jajnok'i'ni niwa jlomas ti ja ke inetia'n ni Sinia' jijweye! Amén.