1 Pedro 4:1 - Sinia' Jlamtis 1994

¹ Siupi iyot'iyipi pa Sijwajieti ti inilayiti pi iyo pa jiwet'ia, kiak jawoyeyi pet. 'Esiji ka niwakajlanitie ta'a k'iye siunie asjlak'aliye ka netie'ase. 'Yina ti siunie ti ijiate ti inilayiti, nak iliyi pet 'nijiye ni jike',

1 Pedro 4:1 ပူးပေါင်းရင်းမြစ်များ

Marcos 3:3

'Yina Jesús tanayi pak i'nio' ti iyone 'ate: —Kasit, jomet'ne jikiowe'e 'napo.

Romanos 6:11

'Esiji ka kiak aniwonayiji pet, ataj enayi'ni 'ate ka kiak awoyeyi ka masesie'ase'm jitieyi'i ni inke', 'yina jlampet ti jini'nopijietayiji ni Sijwajieti Jesús, naka pet ti in'wasanajyi'n intajietayi ka noyeyeje ni Sinia' ni jikijmaye.

Romanos 6:2

¡Jeyi, je 'esiji! Kajeyepa ti masests'e'm jitieyi'i ni inke' jayoyi. Jakajliete, ¿yot'iyi'ni jiat'eje ka 'esieyiji ka jlam inajliyiji ka iyoki naka sake'?

Romanos 6:7

Kajeyepa ti 'yal pa, 'yina tijwajyi ni siunie jijweye ni inke'.

Gálatas 2:20

'yina je'ne ka yama ka si'wasa'n, 'wenajliyi ti jla'am pi Sijwajieti ti yi' iwia'am ti si'wasankit. Siunie awo ti si'wasa'n, 'nakayi si'wasa'n kajeyepa ti itienkiujnieye yiyi ni Sinia' jlas, 'yina ti je akakiu ti jla'am ti semi'n, jla'yi ti ininekial itipe'e ka tiliana, ti iyo ka sijwajiet.

Gálatas 5:24

Siunapo Sijwajieti Jesús jikawos pet, napoka ti pajk'i ti its'iejwatis pijia'm niwaka siuniwa jikeyis ji'yusis, siu'neje niwa iyoyisi ti itiliajasi ti wuj ti je isis.

Efesios 6:13

Tempi it'imina ti kiak awo'nase ti ajlo'wase'm, ka kimayi niwaka askio' jlele ti janiwakajlanitie ta'a. Jak je iyoyiji siuti jane'yase janak jloma ti wuj ti je 'es jatoma'yi ilia'm siupi jawoyeyi. Jak je iyoyiji ti jitimayi ti jinilana', ijiate je t'ikiyejyi pit siunie jiwoyeyi ti insisie, kajeyepa ti ast'oni po'.

Filipenses 2:5

Ena'yasap siunie asosik siupi jlosik iyot'iyipi pet pa Sijwajieti,

Hebreos 12:3

Jak je iyoyiji ti ja atankiunie'ni ti astaj ja enaye 'ate siupa Jesús iyot'iyipi, ti wuj ti inilayiti siupa jiwak siupapo i'nio' iyoyi ni jike' yi'ne. 'Yina je 'es kanik'ijlianatajyi'n ni'ne ka astaj je insisiek'i'ni.

Hebreos 4:10

Jak je iyoyiji siuti po' ni 'yuyi janak ajnat, nak ininop'itayi pet ni jikijmaye, iyot'iyipi pet pa Sinia' ti kia'iyo ti ininop'ite pa jikijmaye.

1 Pedro 2:21

Naka'ne ni siunie ti Sinia' tana'ase, 'yina siupi Sijwajieti wuj ti inilayit astepe'e, ti iniane ask'ioye ti iyo ka woyeyi, ka 'wena je anoye'yi ni siunie ji'niayi.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.